ആഗോള സൂചനകൾ അനുകൂലം, ഇന്ത്യൻ വിപണി പോസിറ്റീവായി തുറന്നേക്കും

ആഗോള വിപണികളിലെ നേട്ടങ്ങൾക്കിടയിലും, 2025 ലെ സാമ്പത്തിക സർവേയ്ക്ക് മുന്നോടിയായി  ഇന്ന്  ഇന്ത്യൻ ഓഹരി വിപണി സൂചികകളായ സെൻസെക്സും നിഫ്റ്റിയും  ഉയർന്ന നിലയിൽ തുറക്കുമെന്ന് പ്രതീക്ഷിക്കുന്നു.ഗിഫ്റ്റ് നിഫ്റ്റി പോസിറ്റീവായി തുറന്നു.ഏഷ്യൻ വിപണികൾ സമ്മിശ്രമായാണ് വ്യാപാരം നടത്തുന്നത്. അതേസമയം യുഎസ് ഓഹരി വിപണി  ഉയർന്ന നിലയിൽ അവസാനിച്ചു.

ഫെബ്രുവരി 1 ന് 2025 ലെ കേന്ദ്ര ബജറ്റിന് മുന്നോടിയായി ഇന്ന് പാർലമെന്റിൽ അവതരിപ്പിക്കുന്ന 2024-2025 ലെ സാമ്പത്തിക സർവേയിൽ നിക്ഷേപകർ ശ്രദ്ധ കേന്ദ്രീകരിക്കും.

ഗിഫ്റ്റ് നിഫ്റ്റി

ഗിഫ്റ്റ് നിഫ്റ്റി ഏകദേശം 23,441 ലെവലിൽ വ്യാപാരം നടത്തുന്നു., നിഫ്റ്റി ഫ്യൂച്ചേഴ്‌സിന്റെ മുൻ ക്ലോസിനേക്കാൾ ഏകദേശം 23 പോയിന്റ് കൂടുതലാണിത്., ഇത് ഇന്ത്യൻ ഓഹരി വിപണി സൂചികകൾക്ക് ഒരു പോസിറ്റീവ് തുടക്കത്തെ സൂചിപ്പിക്കുന്നു. ഏഷ്യൻ വിപണികൾ

വെള്ളിയാഴ്ച ഏഷ്യൻ വിപണികൾ സമ്മിശ്രമായി വ്യാപാരം നടത്തുന്നു. ജപ്പാന്റെ നിക്കി  0.16% ഉയർന്നു. ടോപ്പിക്സ് സൂചിക 0.11% ഉയർന്നു. ദക്ഷിണ കൊറിയയുടെ കോസ്പി 0.97% ഇടിഞ്ഞു. കോസ്ഡാക്ക് 0.46% ഇടിഞ്ഞു. ചാന്ദ്ര പുതുവത്സരത്തിന് ഹോങ്കോങ്ങ് ചൈനീസ് വിപണികൾ അവധിയാണ്.

വാൾ സ്ട്രീറ്റ്

 വ്യാഴാഴ്ച യുഎസ് ഓഹരി വിപണി ഉയർന്നു.ഡൗ ജോൺസ് ഇൻഡസ്ട്രിയൽ ആവറേജ് 168.61 പോയിന്റ് അഥവാ 0.38% ഉയർന്ന് 44,882.13 ലെത്തി. എസ് ആൻഡ് പി 500 31.86 പോയിന്റ് അഥവാ 0.53% ഉയർന്ന് 6,071.17 ലെത്തി. നാസ്ഡാക്ക് കോമ്പോസിറ്റ് 49.43 പോയിന്റ് അഥവാ 0.25% ഉയർന്ന് 19,681.75 ൽ ക്ലോസ് ചെയ്തു.

ടെസ്‌ല ഓഹരികൾ 2.9% ഉയർന്നു, മൈക്രോസോഫ്റ്റ് ഓഹരികൾ 6.2% ഇടിഞ്ഞു, മെറ്റാ ഓഹരി വില 1.6% ഉയർന്നു, ഐബിഎം ഓഹരി വില 13% ഉയർന്നു. യുണൈറ്റഡ് പാർസൽ സർവീസ് ഓഹരികൾ 14.1% ഇടിഞ്ഞു. ആപ്പിൾ ഓഹരി വില പോസ്റ്റ് മാർക്കറ്റ് ട്രേഡിൽ 3.14% ഉയർന്നു.

ഇന്ത്യൻ വിപണി

തുടർച്ചയായ മൂന്നാം ദിവസവും നേട്ടം നിലനിർത്തി ഇന്ത്യൻ വിപണി. സെൻസെക്സ് 226.85 പോയിന്റ് അഥവാ 0.3% ഉയർന്ന് 76,759.81 എന്ന നിലയിൽ ക്ലോസ് ചെയ്തു. നിഫ്റ്റി 86.4 പോയിന്റ് അഥവാ 0.37% ഉയർന്ന് 23,249.5 എന്ന നിലയിലാണ് ക്ലോസ് ചെയ്തത്. റിലയൻസ്, ഭാരതി എയർടെൽ, എച്ച്ഡിഎഫ്‌സി ബാങ്ക് തുടങ്ങിയ ഓഹരികളുടെ കുതിപ്പായിരുന്നു ഇന്ന് വിപണി നേട്ടത്തിലെത്താൻ കാരണമായത്.ഭാരതി എയർടെൽ, പവർ ഗ്രിഡ്, ബജാജ് ഫിനാൻസ്, നെസ്‌ലെ, മഹീന്ദ്ര ആൻഡ് മഹീന്ദ്ര, റിലയൻസ് ഇൻഡസ്ട്രീസ്, ഏഷ്യൻ പെയിന്റ്‌സ്, ഇൻഡസ്ഇൻഡ് ബാങ്ക്, ഹിന്ദുസ്ഥാൻ യൂണിലിവർ, എച്ച്‌ഡിഎഫ്‌സി ബാങ്ക് എന്നിവയാണ് ഏറ്റവും കൂടുതൽ നേട്ടമുണ്ടാക്കിയത്. അതേസമയം ടാറ്റ മോട്ടോഴ്‌സ് 7.37% ഇടിഞ്ഞു. ബജാജ് ഫിൻസെർവ്, അദാനി പോർട്ട്‌സ്, ടെക് മഹീന്ദ്ര, സൊമാറ്റോ, കൊട്ടക് മഹീന്ദ്ര ബാങ്ക് എന്നി ഓഹരികൾ നഷ്ടത്തിൽ വ്യാപാരം അവസാനിപ്പിച്ചു.

സെക്ടറിൽ സൂചികകളിൽ ഓട്ടോ, ഐടി, മീഡിയ, കൺസ്യൂമർ ഡ്യൂറബിൾസ് മേഖലകൾ 0.4-2% ഇടിവ് നേരിട്ടപ്പോൾ, ഓയിൽ ആൻഡ് ഗ്യാസ്, പവർ, ഫാർമ, ഊർജ്ജം, പൊതുമേഖലാ സ്ഥാപനങ്ങൾ, എഫ്എംസിജി, റിയൽറ്റി മേഖലകൾ 0.5-1% നേട്ടം കൈവരിച്ചു. ബിഎസ്ഇ മിഡ്ക്യാപ് സൂചിക 0.01 ഇടിഞ്ഞപ്പോൾ സ്മോൾക്യാപ് സൂചിക 0.07 ശതമാനം ഉയർന്നു. 

പിന്തുണയും പ്രതിരോധവും

നിഫ്റ്റി

പിവറ്റ് പോയിന്റുകളെ അടിസ്ഥാനമാക്കിയുള്ള പ്രതിരോധം: 23,307, 23,350, 23,420

പിന്തുണ: 23,167, 23,124, 23,054

ബാങ്ക് നിഫ്റ്റി

പിവറ്റ് പോയിന്റുകളെ അടിസ്ഥാനമാക്കിയുള്ള പ്രതിരോധം: 49,407, 49,500, 49,651

 പിന്തുണ: 49,106, 49,013, 48,862

പുട്ട്-കോൾ അനുപാതം

വിപണിയുടെ മാനസികാവസ്ഥയെ സൂചിപ്പിക്കുന്ന നിഫ്റ്റി പുട്ട്-കോൾ അനുപാതം  മുൻ സെഷനിലെ 1.06 ലെവലിൽ നിന്ന് (PCR) ജനുവരി 30 ന് 0.97,ആയി കുറഞ്ഞു

ഇന്ത്യ വിക്സ്

 വിപണിയിലെ ചാഞ്ചാട്ടം അളക്കുന്ന വോളണ്ടിലിറ്റി സൂചികയായ ഇന്ത്യ വിക്സ് കഴിഞ്ഞ അഞ്ച്  സെഷനുകളിൽ ആദ്യമായി 6.71 ശതമാനം ഇടിഞ്ഞ് 17.39 ആയി.

വിദേശ പോർട്ട്‌ഫോളിയോ നിക്ഷേപകർ

വ്യാഴാഴ്ച വിദേശ പോർട്ട്‌ഫോളിയോ നിക്ഷേപകർ 4,582 കോടി രൂപയുടെ ഓഹരികൾ വിറ്റു. ആഭ്യന്തര നിക്ഷേപകർ 2,166 കോടി രൂപയുടെ ഓഹരികൾ വാങ്ങി.

രൂപ

 വ്യാഴാഴ്ച യുഎസ് ഡോളറിനെതിരെ രൂപയുടെ മൂല്യം 7 പൈസ ഇടിഞ്ഞ് 86.62 ൽ ക്ലോസ് ചെയ്തു.

ഇന്ന് ഫലം പ്രഖ്യാപിക്കുന്ന കമ്പനികൾ

ഓയിൽ ആൻഡ് നാച്ചുറൽ ഗ്യാസ് കോർപ്പറേഷൻ, ഇൻഡസ്ഇൻഡ് ബാങ്ക്, സൺ ഫാർമസ്യൂട്ടിക്കൽ, നെസ്‌ലെ ഇന്ത്യ, പഞ്ചാബ് നാഷണൽ ബാങ്ക്, ബന്ധൻ ബാങ്ക്, യുപിഎൽ, വേദാന്ത, ആസ്റ്റർ ഡിഎം ഹെൽത്ത്‌കെയർ, ചോളമണ്ഡലം ഇൻവെസ്റ്റ്‌മെന്റ്, സിറ്റി യൂണിയൻ ബാങ്ക്, ഇക്വിറ്റാസ് സ്മോൾ ഫിനാൻസ് ബാങ്ക്, ഫൈവ്-സ്റ്റാർ ബിസിനസ് ഫിനാൻസ് ഫ്ലെയർ റൈറ്റിംഗ് ഇൻഡസ്ട്രീസ്, ഗോദ്‌റെജ് അഗ്രോവെറ്റ്, ഇനോക്സ് വിൻഡ്, ഐആർബി ഇൻഫ്രാസ്ട്രക്ചർ ഡെവലപ്പേഴ്‌സ്, ജൂബിലന്റ് ഫാർമോവ, ജ്യോതി ലാബ്‌സ്, കർണാടക ബാങ്ക്, എൽഐസി ഹൗസിംഗ് ഫിനാൻസ്, മാരിക്കോ, ഫൈസർ, പൂനവല്ല ഫിൻകോർപ്പ്, വിശാൽ മെഗാ മാർട്ട് എന്നിവ ജനുവരി 31 ന് അവരുടെ ത്രൈമാസ വരുമാനം പുറത്തിറക്കും.

ഇന്ന് ശ്രദ്ധിക്കേണ്ട ഓഹരികൾ

വിപ്രോ

ഐടി പരിവർത്തനത്തിനും ചെലവ് ഒപ്റ്റിമൈസേഷനുമായി എത്തിഹാദ് എയർവേയ്‌സ് വിപ്രോയെ തിരഞ്ഞെടുത്തു. അഞ്ച് വർഷത്തേക്കാണ്  കരാർ.  

ജെഎസ്ഡബ്ല്യു സ്റ്റീൽ

ജെഎസ്ഡബ്ല്യു ജെഎഫ്ഇ ഇലക്ട്രിക്കൽ സ്റ്റീലിന്റെ പൂർണ ഉടമസ്ഥതയിലുള്ള ഉപസ്ഥാപനമായ ജെസ്‌ക്വയർ ഇലക്ട്രിക്കൽ സ്റ്റീൽ നാസിക്, തൈസെൻക്രുപ്പ് ഇലക്ട്രിക്കൽ സ്റ്റീൽ ഇന്ത്യയിലെ 100% ഓഹരി  4,158.6 കോടി രൂപയ്ക്ക് ഏറ്റെടുത്തു.  തൈസെൻക്രുപ്പ് ഗ്രൂപ്പിൽ നിന്നുള്ള അനുബന്ധ സാങ്കേതിക പാക്കേജ് കമ്പനിക്ക് ലൈസൻസ്/കൈമാറ്റം ചെയ്തു. ജെഎസ്ഡബ്ല്യു ജെഎഫ്ഇ ഇലക്ട്രിക്കൽ സ്റ്റീൽ, ജെഎസ്ഡബ്ല്യു സ്റ്റീലും ജെഎഫ്ഇ സ്റ്റീൽ കോർപ്പറേഷനും തമ്മിലുള്ള 50:50 സംയുക്ത സംരംഭമാണ്.

ഇർക്കോൺ ഇന്റർനാഷണൽ

കമ്പനിയുടെ സംയുക്ത സംരംഭത്തിന് മണിപ്പൂരിലെ പൊതുമരാമത്ത് വകുപ്പിൽ നിന്ന് 631.2 കോടി രൂപയുടെ  കരാർ ലഭിച്ചു. 

അൻസൽ പ്രോപ്പർട്ടീസ്

ജനുവരി 30 മുതൽ പ്രാബല്യത്തിൽ വരുന്ന തരത്തിൽ കമ്പനിയുടെ ചീഫ് ഫിനാൻഷ്യൽ ഓഫീസർ സ്ഥാനത്ത് നിന്ന് പ്രശാന്ത് കുമാർ രാജിവച്ചു.

എൽ ആൻഡ് ടി

ലാർസൺ ആൻഡ് ട്യൂബ്രോ (എൽ ആൻഡ് ടി) ഡിസംബർ പാദത്തിൽ 14% വാർഷിക വളർച്ച രേഖപ്പെടുത്തി 3,359 കോടി രൂപയായി സംയോജിത അറ്റാദായം റിപ്പോർട്ട് ചെയ്തു. കഴിഞ്ഞ വർഷം ഇതേ കാലയളവിൽ ഇത് 2,947 കോടി രൂപയായിരുന്നു.

ടാറ്റ കൺസ്യൂമർ

ടാറ്റ കൺസ്യൂമർ പ്രോഡക്‌ട്‌സ് മൂന്നാം പാദത്തിൽ 279 കോടി രൂപയായി അറ്റാദായ വളർച്ച രേഖപ്പെടുത്തി. കഴിഞ്ഞ വർഷം ഇതേ പാദത്തിൽ ഇത് 279 കോടി രൂപയായിരുന്നു.

മോട്ടിലാൽ ഓസ്വാൾ

സ്റ്റോക്ക് ബ്രോക്കിംഗ് മാനദണ്ഡങ്ങൾ ലംഘിച്ചുവെന്നാരോപിച്ച് പരിശോധന നടത്തിയതിന് ശേഷം മാർക്കറ്റ് റെഗുലേറ്റർ സെബി വ്യാഴാഴ്ച മോട്ടിലാൽ ഓസ്വാൾ ഫിനാൻഷ്യൽ സർവീസസിന് (എംഒഎഫ്എസ്എൽ) 7 ലക്ഷം രൂപ പിഴ ചുമത്തി.