അഞ്ച് ദിവസത്തെ ഇടിവിന് ശേഷം തിരിച്ചുകയറി സെൻസെക്സ്; നിഫ്റ്റി നേരിയ നഷ്ടത്തിൽ

അഞ്ചു ദിവസത്തെ ഇടിവിന് ശേഷം സെൻസെക്സ് ഇന്ന് വ്യാപാരം അവസാനിപ്പിച്ചത് നേട്ടത്തോടെയാണ്. FMCG ഓഹരികളുടെ കുതിപ്പ് സൂചികയ്ക്ക് താങ്ങായി. നിഫ്റ്റി നേരിയ ഇടിവിലായിരുന്നു ക്ലോസ് ചെയ്തത്. സൂചിക ആറാം ദിവസമാണ് ചുവപ്പിൽ അവസാനിക്കുന്നത്.

സെൻസെക്സ് 147.71 പോയിന്റ് അഥവാ 0.20 ശതമാനം ഉയർന്ന് 74,602.12 ൽ ക്ലോസ് ചെയ്തു. നിഫ്റ്റി 5.80 പോയിന്റ് അഥവാ 0.03 ശതമാനം ഇടിഞ്ഞ് 22,547.55 ൽ ക്ലോസ് ചെയ്തു.

സെൻസെസ് ഓഹരികൾ ( Top Gainers, Losers )

സെൻസെക്സ് ഓഹരികളിൽ, മഹീന്ദ്ര ആൻഡ്  മഹീന്ദ്ര, ഭാരതി എയർടെൽ, ബജാജ് ഫിനാൻസ്, സൊമാറ്റോ, നെസ്‌ലെ, ബജാജ് ഫിൻ‌സെർവ്, മാരുതി, ടൈറ്റൻ എന്നിവ നേട്ടമുണ്ടാക്കിയപ്പോൾ സൺ ഫാർമ, പവർ ഗ്രിഡ്, ടാറ്റ കൺസൾട്ടൻസി സർവീസസ്, ടെക് മഹീന്ദ്ര, ഏഷ്യൻ പെയിന്റ്സ്, ടാറ്റ മോട്ടോഴ്‌സ് എന്നിവ നഷ്ടത്തിൽ അവസാനിച്ചു.

സെക്ടറൽ സൂചിക

സെക്ടറൽ സൂചികകളിൽ  ഐടി, മെറ്റൽ, ഓയിൽ ആൻഡ് ഗ്യാസ്, എനർജി, ക്യാപിറ്റൽ ഗുഡ്‌സ്, പി‌എസ്‌യു ബാങ്ക്, റിയൽറ്റി എന്നിവ 0.5-1 ശതമാനം ഇടിഞ്ഞപ്പോൾ ഓട്ടോ, കൺസ്യൂമർ ഡ്യൂറബിൾസ്, എഫ്‌എം‌സി‌ജി, ടെലികോം സൂചികകൾ  0.5 ശതമാനം വീതം ഉയർന്നു.

നിഫ്റ്റി മിഡ്‌ക്യാപ് 100 സൂചിക 0.62 ശതമാനവും , നിഫ്റ്റി സ്‌മോൾക്യാപ് 100 സൂചിക 0.44  ശതമാനം ഇടിഞ്ഞു. ഇന്ത്യ വിക്സ് 5.03 ശതമാനം ഇടിഞ്ഞ് 13.72 ൽ എത്തി.

ആഗോള വിപണികൾ

ഏഷ്യൻ വിപണികളിൽ, സിയോൾ, ടോക്കിയോ, ഷാങ്ഹായ്, ഹോങ്കോങ് എന്നിവ താഴ്ന്ന നിലയിലാണ് വ്യാപാരം നടത്തുന്നത്. യൂറോപ്പിലെ വിപണികൾ കൂടുതലും ഉയർന്ന നിലയിലാണ്. തിങ്കളാഴ്ച യുഎസ് വിപണികൾ നെഗറ്റീവ് നിലയിലാണ് വ്യാപാരം അവസാനിച്ചത്.

ആഗോള എണ്ണ ബെഞ്ച്മാർക്ക് ബ്രെന്റ് ക്രൂഡ് ഓയിൽ വില 0.13 ശതമാനം ഇടിഞ്ഞ് ബാരലിന് 74.68 യുഎസ് ഡോളറിലെത്തി. യുഎസ് ഡോളറിനെതിരെ രൂപയുടെ മൂല്യം 49 പൈസ ഇടിഞ്ഞ് 87.21 എന്ന നിലയിലാണ് വ്യാപാരം അവസാനിപ്പിച്ചത്.