സൂചികകൾ കുതിപ്പിലേക്ക് തിരിച്ചെത്തുമോ? നവംബർ 25 തിങ്കളാഴ്ച്ച സ്റ്റോക്ക് മാർക്കറ്റിൽ അറിഞ്ഞിരിക്കേണ്ട 5 കാര്യങ്ങൾ

ആഗോള സൂചനകളും വിദേശ നിക്ഷേപകരും ഈ ആഴ്ച ആഭ്യന്തര വിപണിയിലെ പ്രവണതകളെ നിർണ്ണയിക്കും. മഹാരാഷ്ട്രയിലെയും ജാർഖണ്ഡിലെയും നിയമസഭാ തിരഞ്ഞെടുപ്പ് ഫലങ്ങൾ തിങ്കളാഴ്ച ഓഹരികളെ ബാധിച്ചേക്കുമെന്ന് വിശകലന വിദഗ്ധർ പറയുന്നു.

സെൻസെക്സും നിഫ്റ്റിയും വെള്ളിയാഴ്ച, അഞ്ച് മാസത്തിനിടയിലെ, ഏറ്റ മികച്ച പ്രതിദിന നേട്ടം രേഖപ്പെടുത്തി. വെള്ളിയാഴ്ച സെൻസെക്‌സ് 1,961.32 പോയിൻറ് അഥവാ 2.54 ശതമാനം ഉയർന്ന് 79,117.11ലും നിഫ്റ്റി 557.35 പോയിൻറ് അഥവാ 2.39 ശതമാനം ഉയർന്ന് 23,907.25ലും എത്തി.

 മഹാരാഷ്ട്ര, ജാർഖണ്ഡ് തെരഞ്ഞെടുപ്പ് ഫലങ്ങൾ വിപണിക്ക് ഉത്തേജനം നൽകും. പ്രത്യേകിച്ചും മഹാരാഷ്ട്രയിൽ എൻഡിഎ ഏകപക്ഷീയമായ വിജയത്തിന് സാക്ഷ്യം വഹിച്ചത് ബുള്ളിഷ് വികാരം കൂടുതൽ ഉയർത്താൻ സാധ്യതയുണ്ട്. എന്നിരുന്നാലും, ആഗോള ഘടകങ്ങൾ അപകടസാധ്യതകൾ സൃഷ്ടിക്കുന്നത് തുടരുന്നു. റഷ്യയും ഉക്രെയ്‌നും തമ്മിലുള്ള സംഘർഷം വർദ്ധിക്കുന്നു. ഇത് അസംസ്‌കൃത എണ്ണയുടെ വിലക്കയറ്റവും പണപ്പെരുപ്പത്തിൻറെ ആശങ്കയും കൂട്ടി,” സ്വസ്തിക ഇൻവെസ്റ്റ്മാർട്ട് റിസർച്ച് ഹെഡ് സന്തോഷ് മീണ പറഞ്ഞു.

യുഎസ് ഡോളർ ശക്തിപ്പെടുന്നതും ഉയർന്ന യുഎസ് ബോണ്ട് ആദായവും രൂപയെ സമ്മർദ്ദത്തിലാക്കുന്നു. ഇത് വിദേശ സ്ഥാപന നിക്ഷേപകരെ ആകർഷിച്ചേക്കും.സമീപകാല തിരുത്തലിനെത്തുടർന്ന് വിദേശ നിക്ഷേപങ്ങളുടെ ഒഴുക്ക് വിപണിയെ സംബന്ധിച്ചിടത്തോളം നിർണ്ണായകമായി തുടരുമെന്ന് മീന കൂട്ടിച്ചേർത്തു.

ആഗോള എണ്ണ മാനദണ്ഡമായ ബ്രെൻറ് ക്രൂഡും രൂപ-ഡോളർ പ്രവണതയും അടുത്ത ആഴ്ച ഓഹരി വിപണിയെ സ്വാധീനിക്കും.

നിയമസഭാ തിരഞ്ഞെടുപ്പ്

ഭാരതീയ ജനതാ പാർട്ടിയുടെ നേതൃത്വത്തിലുള്ള മഹായുതി സഖ്യം മഹാരാഷ്ട്രയിൽ തൂത്തുവാരിയതോടെ, വിപണികളിൽ പോസിറ്റീവായ ചലനം സൃഷ്ടിച്ചേക്കുമെനന്ന് വിശകലന വിദഗ്ധർ പ്രതീക്ഷിക്കുന്നു. തിരഞ്ഞെടുപ്പ് നടന്ന 288ൽ 230 സീറ്റുകൾ നേടിയാണ് സഖ്യം ഭരണത്തിലെത്തുന്നത്. ജാർഖണ്ഡിൽ 81ൽ 56 സീറ്റും നേടി ജെഎംഎം സഖ്യം അധികാരം തിരിച്ചുപിടിച്ചു.

യുഎസ് വിപണി

ആഭ്യന്തര വിപണികൾ വാൾസ്ട്രീറ്റിൻറെ സൂചനകൾ അടിസ്ഥാനമാക്കി മുന്നേറും. തിരഞ്ഞെടുപ്പിന് ശേഷമുള്ള യുഎസ് റാലിയിൽ ഡൗ പുതിയ റെക്കോർഡ് ഉയരത്തിലേക്ക് ഉയർന്നതോടെ വാൾസ്ട്രീറ്റിലെ പ്രധാന സൂചികകൾ വെള്ളിയാഴ്ച പച്ചയിൽ അവസാനിച്ചു. ബ്ലൂ-ചിപ്പ് സൂചിക 1% ഉയർന്ന് 44,296.51 ൽ എത്തി. എസ് ആൻറ് പി 0.4 ശതമാനം ഉയർന്ന് 5,969.34 ലെത്തി. നാസ്ഡാക്ക് കോമ്പോസിറ്റ് ഇൻഡക്സ് 0.2 ശതമാനം കൂടി 19,003.65 ൽ എത്തി.

വിദേശ സ്ഥാപന നിക്ഷേപകർ

വിദേശ സ്ഥാപന നിക്ഷേപകർ (എഫ്ഐഐകൾ) കഴിഞ്ഞ ആഴ്ച 1,278.37 കോടി രൂപയ്ക്ക് അറ്റ ​​വിൽപ്പനക്കാരായപ്പോൾ ആഭ്യന്തര സ്ഥാപന നിക്ഷേപകർ (ഡിഐഐകൾ) 1,722.15 കോടി രൂപയുടെ ഓഹരികൾ വാങ്ങി. വിദേശ പോർട്ട്‌ഫോളിയോ നിക്ഷേപകർ (എഫ്‌പിഐകൾ) നവംബറിൽ ഇതുവരെ 26,533 കോടി രൂപയുടെ ഓഹരികൾ വിറ്റു. 2024ൽ ഇതുവരെയുള്ള മൊത്തം ഒഴുക്ക് 19,940 കോടി രൂപയും സെപ്റ്റംബർ അവസാനത്തെ 1,00,245 കോടി രൂപയുമാണ്.

സാങ്കേതിക ഘടകങ്ങൾ

ജിയോപൊളിറ്റിക്കൽ ടെൻഷനുകൾ, വർദ്ധിച്ചുവരുന്ന ഡോളർ സൂചിക, യുഎസ് ബോണ്ട് യീൽഡുകളുടെ വർദ്ധനവ് തുടങ്ങിയ നിലനിൽക്കുന്നതിനാൽ, നിക്ഷേപകർ ജാഗ്രത പാലിക്കണമെന്ന് സന്തോഷ് മീണ ശുപാർശ ചെയ്യുന്നു. നിഫ്റ്റിക്ക് ഏകദേശം 23,200 പിന്തുണ ലഭിക്കുന്നതായി മീണ പറഞ്ഞു.

രൂപ Vs ഡോളർ

രണ്ട് വർഷത്തെ ഏറ്റവും ഉയർന്ന നിലയിലേക്ക് യുഎസ് ഡോളർ കുതിക്കുന്ന സാഹചര്യത്തിൽ ഇന്ത്യൻ രൂപ വെള്ളിയാഴ്ച യുഎസ് ഡോളറിനെതിരെ 84.5075 എന്ന ഏറ്റവും താഴ്ന്ന നിലയിലേക്ക് ഇടിഞ്ഞു.

അതിനിടെ, ആർബിട്രേജ് ഇടപാടുകൾ നടത്തുന്നതിന് സ്പോട്ട് ഡോളർ വാങ്ങുന്നത് ഒഴിവാക്കണമെന്ന് റിസർവ് ബാങ്ക് ഓഫ് ഇന്ത്യ (ആർബിഐ) വ്യാപാരികളോട് ആവശ്യപ്പെട്ടിട്ടുണ്ട്. രൂപയ്ക്ക് നവംബറിൽ ഇതുവരെ 0.5% ഇടിവുണ്ടായി.

ക്രൂഡ് ഓയിൽ

ഈ ആഴ്ച ഉക്രെയ്‌നിലെ രൂക്ഷമായ യുദ്ധം വിപണിയുടെ ജിയോപൊളിറ്റിക്കൽ റിസ്ക് പ്രീമിയം ഉയർത്തിയതിനാൽ എണ്ണ വില വെള്ളിയാഴ്ച ഏകദേശം 1% ഉയർന്ന്, രണ്ടാഴ്ചത്തെ ഏറ്റവും ഉയർന്ന നിലയിലെത്തി. ബ്രെൻറ് ഫ്യൂച്ചറുകൾ 94 സെൻറ് അഥവാ 1.3 ശതമാനം ഉയർന്ന് ബാരലിന് 75.17 ഡോളറിലെത്തി. യുഎസ് വെസ്റ്റ് ടെക്സസ് ഇൻറർമീഡിയറ്റ് (ഡബ്ല്യുടിഐ) ക്രൂഡ് 1.14 ഡോളർ അഥവാ 1.6 ശതമാനം ഉയർന്ന് 71.24 ഡോളറിലെത്തി. രണ്ട് ക്രൂഡ് ബെഞ്ച്മാർക്കുകളും ആഴ്ചയിൽ ഏകദേശം 6% ഉയർന്നു.

ഈ ആഴ്ചയിലെ ഐപിഒകൾ

മെയിൻബോർഡ് സെഗ്‌മെൻറിൽ പുതിയ ഐപിഒ ഇല്ലെങ്കിലും, എസ്എംഇ വിഭാഗത്തിൽ ആറ് പുതിയ ഓഫറുകൾ വിപണിയിൽ എത്തും. രാജേഷ് പവർ സർവീസസ് ഐപിഒ, രാജ്പുതാന ബയോഡീസൽ ഐപിഒ, അഭ പവർ ആൻഡ് സ്റ്റീൽ ഐപിഒ, അപെക്സ് ഇക്കോടെക് ഐപിഒകൾ, അഗർവാൾ ടഫൻഡ് ഗ്ലാസ് ഐപിഒ, ഗണേഷ് ഇൻഫ്രാവേൾഡ് ഐപിഒ എന്നിവയാണ് ഈ ആഴ്ച വിപണിയിൽ എത്തുന്നത്.