ചാഞ്ചാടിയാടി സ്വര്‍ണം; ഇന്ന് വിലയില്‍ വര്‍ധന

സംസ്ഥാനത്തെ സ്വര്‍ണവിലയിലെ ചാഞ്ചാട്ടം തുടരുന്നു. ഇന്ന് 22 കാരറ്റ് സ്വര്‍ണം ഗ്രാമിന് 25 രൂപയുടെ ഉയര്‍ച്ചയോടെ 5535 രൂപയാണ് വില. പവന് 200 രൂപയുടെ വര്‍ധനയോടെ 44,280 രൂപയില്‍ എത്തി. ഇന്നലെ 280 രൂപയുടെ ഇടിവാണ് ഇന്നലെ വിലയില്‍ രേഖപ്പെടുത്തിയിരുന്നത്. അതിനു മുന്‍പുള്ള  രണ്ട് ദിവസങ്ങളിലായി 360 രൂപയുടെ വര്‍ധന 22 കാരറ്റ് പവന് രേഖപ്പെടുത്തിയിരുന്നു. അതിനു മുന്‍പ് തിങ്കളാഴ്ച ഇടിവാണ് രേഖപ്പെടുത്തിയത്.

ഇന്ന് 24 കാരറ്റ് സ്വര്‍ണം ഗ്രാമിന് ഇന്ന് 27 രൂപയുടെ വര്‍ധനയോടെ 6,038 രൂപയാണ് വില. പവന് 48,304 രൂപയാണ് ഇന്നത്തെ വില, ഇന്നലത്തെ വിലയില്‍ നിന്നും 216 രൂപയുടെ വര്‍ധന. ഔണ്‍സിന് 1942 - 1963 ഡോളര്‍ എന്ന തലത്തിലാണ് ആഗോള തലത്തില്‍ ഇന്ന് സ്വര്‍ണവില പുരോഗമിക്കുന്നത്.

ഇന്ന് 1 ഡോളറിന് 82.26 രൂപ മൂല്യത്തിലാണ് ഇന്ത്യയിലെ വിനിമയം നടക്കുന്നത്. മാര്‍ച്ച് അവസാനം മുതല്‍ മേയ് രണ്ടാം വാരം വരെയുള്ള കാലയളവില്‍ സ്വര്‍ണം വലിയ കുതിപ്പിന്‍റെ പാതയിലായിരുന്നു. എന്നാല്‍ തുടര്‍ന്നങ്ങോട്ട് വിലയില്‍ തുടര്‍ച്ചയായ ചാഞ്ചാട്ടവും ക്രമേണയുള്ള ഇടിവും ഉണ്ടാകുകയായിരുന്നു. ജൂണില്‍ വെറും 7 ദിവസങ്ങളില്‍ മാത്രമാണ് സ്വര്‍ണ വിലയില്‍ വര്‍ധന രേഖപ്പെടുത്തിയത്. ജൂലൈയില്‍ പൊതുവേ ചാഞ്ചാട്ടമാണ് വിലയില്‍ കണ്ടത്. 

സംസ്ഥാനത്തെ വെള്ളിവിലയിലും ഇന്ന് വര്‍ധന ഉണ്ടായി. തുടര്‍ച്ചയായ രണ്ടു ദിവസങ്ങളിലെ ഉയര്‍ച്ചയ്ക്കു ശേഷം ഇന്നലെ ഇടിവ് രേഖപ്പെടുത്തിയിരുന്നു. വെള്ളി വില ഗ്രാമിന് ഇന്ന്  50 പൈസയുടെ  വര്‍ധനയോടെ 80 രൂപ എന്ന നിലയിലേക്കെത്തി. 8 ഗ്രാം വെള്ളിക്ക് 640 രൂപയാണ് വില, 4 രൂപയുടെ വര്‍ധന.