ഇ.എം.എസ് ലിസ്റ്റിംഗ് 33% പ്രീമിയത്തിൽ

ജല, മലിനജല ശുദ്ധീകരണ മാനേജ്‌മെന്റ് കമ്പനിയായ ഇഎംഎസ് ലിമിറ്റഡിന്റെ ഓഹരികൾ ലിസ്റ്റ് ചെയ്തു. ഇഷ്യൂ വിലയായ 211 രൂപയേക്കാള്‍ 33.67 ശതമാനം പ്രീമിയതോടെ 282 രൂപയ്ക്കാണ് ലിസ്റ്റ് ചെയ്തത്.

ഇഎംഎസ് ഇൻഫ്രാകോൺ എന്നറിയപ്പെട്ടിരുന്ന ഇഎംഎസ് ലിമിറ്റഡ്, ജല, മലിനജല ശേഖരണവും സംസ്കരണവും നിർമാർജന സേവനങ്ങളും, മലിനജല പരിഹാരങ്ങൾ, ജലവിതരണ സംവിധാനങ്ങൾ, ജല-മാലിന്യ സംസ്കരണ പ്ലാന്റുകൾ, വൈദ്യുത പ്രസരണവും വിതരണവും, റോഡും അനുബന്ധ ജോലികളും, മലിനജല പദ്ധതികളുടെ പ്രവർത്തനവും പരിപാലനവും സർക്കാർ, അർധസർക്കാര്‍, മറ്റ് ഏജന്‍സികള്‍ തുടങ്ങിയവയ്ക്കായി ജലവിതരണ പദ്ധതി നടപ്പാക്കല്‍ തുടങ്ങി മേഖലകളില്‍ പ്രവർത്തിച്ചുവരുന്നു

മെസൺ വാൽവ്സ് ഇന്ത്യ ലിമിറ്റഡ്

വാല്‍വ് നിർമാണക്കമ്പനിയായ മെസൺ വാൽവ്സ് ഇന്ത്യ ലിമിറ്റഡ് ഓഹരികൾ 193 രൂപക്ക് ലിസ്റ്റ് ചെയ്തു. ഇത് ഇഷ്യൂ വിലയായ 102 രൂപയിൽ നിന്ന്  47 ശതമനം പ്രീമിയത്തോടയാണ് ലിസ്റ്റിംഗ്. ഇഷ്യു വഴി 31.09 കോടി രൂപയാണ് സ്വരൂപിച്ചു.

മഹാരാഷ്ട്രയിലെ പൂനെയിലെ ഖേഡിലെ ഭാംബോലിയിലാണ് കമ്പനിയുടെ നിർമ്മാണ യൂണിറ്റ് സ്ഥിതി ചെയ്യുന്നത്. ഡെൻമാർക്ക്, ജർമ്മനി, പോളണ്ട്, ദക്ഷിണ കൊറിയ, നെതർലാൻഡ്‌സ്, സ്വീഡൻ, തുർക്കി, യുണൈറ്റഡ് അറബ് എമിറേറ്റ്‌സ് തുടങ്ങിയ രാജ്യങ്ങളിലും ഗോവ, ഗുജറാത്ത്, മഹാരാഷ്ട്ര, കർണാടക, തമിഴ്നാട്, ആന്ധ്രാപ്രദേശ്, ദാദ്ര നഗർ ഹവേലി, ഡൽഹി, തെലങ്കാന തുടങ്ങിയ സംസ്ഥാനങ്ങളിലും കമ്പനിക്ക് സാന്നിധ്യമുണ്ട്.

യൂണിഹെൽത്ത് കൺസൾട്ടൻസി ലിമിറ്റഡ്

മുംബൈ യൂണിഹെൽത്ത് കൺസൾട്ടൻസി രണ്ടു ശതമാനം പ്രീമിയതോടെ ലിസ്റ്റ് ചെയ്തു. ഇഷ്യൂ വിലയായി 132 രൂപയായിരുന്നു. 135 രൂപയ്ക്കാണ് ലിസ്റ്റ് ചെയ്തത്. 56.55 കോടി രൂപയാണ് ഇഷ്യു വഴി സ്വരൂപിച്ചത്.

കമ്പാല, ഉഗാണ്ടയിലെ സംയുക്ത സംരംഭമായ വിക്ടോറിയ ഹോസ്പിറ്റൽ ലിമിറ്റഡ് (വിഎച്ച്എൽ) വിപുലീകരണത്തിനും പ്രവർത്തന മൂലധന ആവശ്യങ്ങൾക്കും നൈജീരിയയിലെ യുഎംസി ഗ്ലോബൽ ഹെൽത്ത് ലിമിറ്റഡ് എന്ന സംയുക്ത സംരംഭത്തിലെ നിക്ഷേപം, വിപുലീകരണത്തിനും ടാൻസാനിയയിലെ ബയോഹെൽത്ത് ലിമിറ്റഡ് നിക്ഷേപം വിപുലീകരണത്തിനും അതിന്റെ മൂലധന ചെലവ് ആവശ്യകതകൾക്കും ഇഷ്യൂ തുക ഉപയോഗിക്കും