കാൻസർ മരുന്നിന് എഫ്ഡിഎ അംഗീകാരം; അരബിന്ദോ ഫാർമ ഓഹരികൾ ഉയർന്നു

ബി എസ് ഇയിൽ ഇന്ന് അരബിന്ദോ ഫാർമയുടെ ഓഹരികൾ 2.36 ശതമാനം ഉയർന്നു. കമ്പനിയുടെ ഉപസ്ഥാപനമായ യുജിയ ഫാർമാ സ്പെഷ്യലിറ്റീസ് ലിമിറ്റഡിന്റെ കാൻസർ ചികിത്സക്ക് ഉപയോഗിക്കുന്ന 'പേമെട്രേക്സ്ഡ് ഫോർ ഇൻജെക്ഷൻ' ന് യുഎസ് ഫുഡ് ആൻഡ് ഡ്രഗ് അഡ്മിനിസ്ട്രേഷൻ (എഫ്ഡിഎ) ​ന്റെ അംഗീകാരം ലഭിച്ചതിനെ തുടർന്നാണിത്. ഈ ഉത്പന്നം ഉടൻ വിപണിയിലെത്തിക്കുമെന്ന് കമ്പനി അറിയിച്ചു.

ഐക്യൂവിഐഎ യുടെ കണക്ക് പ്രകാരം ഈ ഉൽപ്പന്നത്തിന് 2022 സാമ്പത്തിക വർഷത്തിൽ 1,272 മില്യൺ ഡോളർ മാർക്കറ്റ് സൈസ് ആണ് ഉള്ളത്. ഓറൽ, സ്റ്റെറൈയിൽ സ്പെഷ്യലിറ്റി പ്രൊഡക്ടുകൾ ഉല്പാദിപ്പിക്കുന്ന കമ്പനിയുടെ 139 മത്തെ പുതിയ ഡ്രഗ് അപ്ലിക്കേഷൻ ആണിത്. അരബിന്ദോ ഫാർമയുടെ ഓഹരി 535.50 രൂപയിലാണ് വ്യാപാരം അവസാനിപ്പിച്ചത്.