പോസ്റ്റ് ഓഫീസ് നിക്ഷേപ പദ്ധതിയില്‍ അംഗമാണോ? ഏപ്രില്‍ 1 മുതലുള്ള മാറ്റങ്ങള്‍ അറിയണേ
- പോസ്റ്റ് ഓഫീസ് നിക്ഷേപ പദ്ധതിയിലുണ്ടാകുന്ന മാറ്റങ്ങള്‍ ഇക്കഴിഞ്ഞ കേന്ദ്ര ബജറ്റില്‍ പ്രഖ്യാപിച്ചിരുന്നു
പോസ്റ്റ് ഓഫീസ് സേവിംഗ്സ് സ്‌കീമുകളില്‍ ഏതാനും മാറ്റങ്ങളുണ്ടാകുമെന്ന് ഈ വര്‍ഷത്തെ കേന്ദ്ര ബജറ്റില്‍ ധനമന്ത്രി നിര്‍മ്മലാ സീതാരാമന്‍ പ്രഖ്യാപിച്ചിരുന്നു. ഇവ 2023 ഏപ്രില്‍ ഒന്ന് മുതല്‍ പ്രാബല്യത്തില്‍ വരും. നിങ്ങള്‍ സീനിയര്‍ സിറ്റിസണ്‍ സേവിംഗ്സ് സ്‌കീം (എസ് സി എസ് എസ്), പോസ്റ്റ് ഓഫീസ് മന്ത്‌ലി ഇന്‍കം സ്‌കീം (പിഒഎംഐഎസ്) എന്നിവയില്‍ ഏതെങ്കിലും ഒന്നില്‍ അംഗമോ അതില്‍ ചേരാന്‍ ആഗ്രഹിക്കുന്ന ആളോ ആണെങ്കില്‍ ഈ മാറ്റങ്ങള്‍ അറിഞ്ഞിരിക്കണം.
സീനിയര്‍ സിറ്റിസണ്‍ സേവിംഗ്സ് സ്‌കീം (എസ് സി എസ് എസ്)
2023ലെ ബജറ്റില്‍ സീനിയര്‍ സിറ്റിസണ്‍ സേവിംഗ്സ് സ്‌കീം (എസ്സിഎസ്എസ്) നിക്ഷേപ പരിധി 15 ലക്ഷം രൂപയില്‍ നിന്ന് 30 ലക്ഷം രൂപയായി ഉയര്‍ത്തി. 2004-ലാണ് എസ്സിഎസ്എസ് ആരംഭിക്കുന്നത്. മുതിര്‍ന്നവര്‍ക്ക് അവരുടെ വിരമിക്കലിന് ശേഷമുള്ള വര്‍ഷങ്ങളില്‍ വിശ്വസനീയവും സുരക്ഷിതവുമായ വരുമാന മാര്‍ഗ്ഗം നല്‍കുകയെന്ന ലക്ഷ്യത്തോടെയാണ് ഇത് ആരംഭിച്ചത്. ഈ ജനുവരി-മാര്‍ച്ച് പാദത്തില്‍ എസ് സി എസ് എസ് ല്‍ വാഗ്ദാനം ചെയ്യുന്ന പലിശ നിരക്ക് 8% ആണ്. സീനിയര്‍ സിറ്റിസണ്‍ സേവിംഗ്സ് സ്‌കീമിലെ പലിശ വരുമാനം നികുതി ബാധകമാണ്.
പോസ്റ്റ് ഓഫീസ് പ്രതിമാസ വരുമാന പദ്ധതി
ബജറ്റ് 2023 അനുസരിച്ച്, പോസ്റ്റ് ഓഫീസ് പ്രതിമാസ വരുമാന പദ്ധതിയില്‍ (POMIS) ന്റെ ഒരു അക്കൗണ്ട് ഉടമയ്ക്ക് നിക്ഷേപിക്കാവുന്ന തുകയുടെ പരിധി 4 ലക്ഷം രൂപയില്‍ നിന്ന് 9 ലക്ഷം രൂപയായി ഉയര്‍ത്തി. ജോയിന്റ് അക്കൗണ്ടിലുള്ള നിക്ഷേപ പരിധി 9 ലക്ഷം മുതല്‍ രൂപ. 15 ലക്ഷം രൂപ വരെയാണ്.
2023 ജനുവരി മുതല്‍ മാര്‍ച്ച് വരെയുള്ള കാലയളവിലെ പലിശ നിരക്ക് 7.1% ആണ്. ഒരു മന്ത്‌ലി ഇന്‍കം സ്‌കീം അക്കൗണ്ട് അഞ്ച് വര്‍ഷത്തേക്ക് സാധുതയുള്ളതാണ്. 3 വര്‍ഷത്തിന് ശേഷം അടച്ചുപൂട്ടുകയാണെങ്കില്‍ (എന്നാല്‍ 5 വര്‍ഷത്തിനകം) തീയതി മുതലുള്ള നിക്ഷേപ തുകയുടെ 1% ഈടാക്കും.
മഹിളാ സമ്മാന്‍ സേവിംഗ്സ് സര്‍ട്ടിഫിക്കറ്റ്
2023 ലെ കേന്ദ്ര ബജറ്റില്‍ വനിതാ നിക്ഷേപകര്‍ക്കുള്ള മഹിളാ സമ്മാന്‍ സേവിംഗ്സ് സര്‍ട്ടിഫിക്കറ്റ് പ്രഖ്യാപിച്ചു. രണ്ട് വര്‍ഷത്തേക്ക് ലഭ്യമാകുന്ന ഒറ്റത്തവണ, ഹ്രസ്വകാല സേവിംഗ്സ് പ്ലാനാണിത്. എന്നാല്‍, വകുപ്പ് ഇതുവരെ ഔദ്യോഗിക പ്രഖ്യാപനം നടത്തുകയോ വിശദാംശങ്ങള്‍ നല്‍കുകയോ ചെയ്തിട്ടില്ല.
കേന്ദ്ര ധനമന്ത്രി നിര്‍മ്മലാ സീതാരാമന്‍ പറയുന്നതനുസരിച്ച്, 'ആസാദി കാ അമൃത് മഹോത്സവത്തിന്റെ സ്മരണയ്ക്കായി, ഒറ്റത്തവണ പുതിയ ചെറുകിട സമ്പാദ്യ പദ്ധതിയായ മഹിളാ സമ്മാനന്‍ സേവിംഗ്സ് സര്‍ട്ടിഫിക്കറ്റ് 2025 മാര്‍ച്ച് വരെ രണ്ട് വര്‍ഷത്തേക്ക് ലഭ്യമാക്കും.
ഇതില്‍ പോസ്റ്റ് ഓഫീസ് നിക്ഷേപ പദ്ധതിയില്‍ അംഗമാണോ? ഏപ്രില്‍ 1 മുതലുള്ള മാറ്റങ്ങള്‍ അറിയണേ നിക്ഷേപകന് ഭാഗികമായി പണം പിന്‍വലിക്കാന്‍ പറ്റുന്ന ഓപ്ഷന്‍ ഉള്‍പ്പടെയുണ്ട്. 7.5 ശതമാനം സ്ഥിര പലിശ നിരക്കില്‍ 2 വര്‍ഷത്തേക്ക് സ്ത്രീകളുടെയോ പെണ്‍കുട്ടികളുടെയോ പേരില്‍ 2 ലക്ഷം രൂപ വരെ സ്‌കീമില്‍ നിക്ഷേപിക്കാം.