വൈവിധ്യമാർന്ന നിക്ഷേപ പോർട്ട്ഫോളിയോ: റിസ്ക് കുറച്ചു നേട്ടം കൂട്ടാം

നിക്ഷേപം എന്നത് ഭാവിയിലേക്കുള്ള ഒരു സുരക്ഷിതമായ കരുതലാണ്. എന്നാൽ നിങ്ങളുടെ പണം ഒരു സ്ഥലത്തു തന്നെ നിക്ഷേപിക്കുന്നത് അപകടമാണ്. അതുകൊണ്ടുതന്നെ വൈവിധ്യമാർന്ന നിക്ഷേപം അത്യാവശ്യമാണ്. വൈവിധ്യവത്കരണം എന്നത് നിക്ഷേപത്തിലെ മൊത്തത്തിലുള്ള പോർട്ട്ഫോളിയോ റിസ്ക് കുറയ്ക്കുന്നതിന് വ്യത്യസ്ത അസറ്റ് ക്ലാസുകളിൽ നിങ്ങളുടെ പണം ഗ്രോ ചെയ്യുന്ന നിക്ഷേപ തന്ത്രമാണ്. വൈവിധ്യമാർന്ന ഒരു പോർട്ട്ഫോളിയോ നിക്ഷേപങ്ങൾക്ക് വ്യത്യസ്ത മാർക്കറ്റ് സാഹചര്യങ്ങളിൽ പ്രവർത്തിക്കാനാകും ഇത് ഏതെങ്കിലും വിധത്തിലുള്ള അപകടസാധ്യത കുറയ്ക്കുന്നു.

വൈവിധ്യവത്കരണത്തിന്റെ തന്ത്രങ്ങൾ

നിങ്ങളുടെ പണം വിവിധ അസറ്റ് ക്ലാസുകളിൽ വിഭജിക്കുക. ഉദാഹരണത്തിന്, ഓഹരികൾ, ബോണ്ടുകൾ, ഇടിഎഫുകൾ, റിയൽ എസ്റ്റേറ്റ് എന്നിവയിൽ. നിങ്ങളുടെ അപകടസാധ്യത സഹിഷ്ണുത കൂടുതലാണെങ്കിൽ, 90% ഓഹരികളിലും 10% ബോണ്ടുകളിലും നിക്ഷേപിക്കാം. അല്ലെങ്കിൽ സ്റ്റോക്കുകളും ബോണ്ടുകളും തമ്മിലുള്ള 60/40 വിഭജനമാണ് ഒരു പൊതു മാർഗ്ഗനിർദ്ദേശം. സ്റ്റോക്ക് മാർക്കറ്റ് അപകടസാധ്യതയുള്ളതാണ്, എന്നാൽ അറിവോടെ നിക്ഷേപിച്ചാൽ ഇത് ദീർഘകാല റിട്ടേൺ നൽകാൻ കഴിയുന്ന ഒരു മികച്ച നിക്ഷേപ മാർഗമാണ്. ഗോൾഡ് ഇടിഎഫ് ഒരു സുരക്ഷിതമായ നിക്ഷേപമാണ്, ഇത് പണപ്പെരുപ്പത്തിന്റെ വെല്ലുവിളികള്‍ക്കെതിരെ ഒരു കാവല്‍പോലെ പ്രവര്‍ത്തിക്കുന്നു.

നിങ്ങളുടെ നിക്ഷേപം വിവിധ രാജ്യങ്ങളിലും മേഖലകളിലും വ്യാപിപ്പിക്കാം. അനുയോജ്യമായ ഹ്രസ്വകാല ദീർഘകാല അളവുകളിൽ നിക്ഷേപം നടത്തുക. സെക്ടർ വൈവിധ്യവത്കരണം അനുകരിക്കാം, ഇക്വിറ്റി നിക്ഷേപം വിവിധ മേഖലകളിലെ സ്റ്റോക്കുകളിലേക്ക് വിഭജിക്കുക.

വിധ്യവത്കരണത്തിന്റെ ഗുണങ്ങൾ

റിസ്ക് കുറയ്ക്കൽ: വ്യത്യസ്ത അസറ്റ് ക്ലാസുകളിലേക്ക് നിക്ഷേപം വിഭജിക്കുന്നത്, ഒരു നിശ്ചിത അസറ്റ് ക്ലാസിന്റെ മോശം പ്രകടനം മൊത്തത്തിലുള്ള പോർട്ട്ഫോളിയോയെ ബാധിക്കുന്നത് കുറയ്ക്കുന്നു.

റിട്ടേൺ വർദ്ധനവ്: വ്യത്യസ്ത അസറ്റ് ക്ലാസുകൾ വ്യത്യസ്ത നിരക്കുകളിൽ വളരുന്നു. വൈവിധ്യവത്കരണം നിങ്ങളുടെ പോർട്ട്ഫോളിയോയുടെ മൊത്തത്തിലുള്ള റിട്ടേൺ വർദ്ധിപ്പിക്കാൻ സഹായിക്കും.

മാനസിക സമാധാനം: വൈവിധ്യവത്കരണം നിങ്ങളുടെ പോർട്ട്ഫോളിയോയെ സംരക്ഷിക്കുന്നതിലൂടെ മാനസിക സമാധാനവും,    ഫിനാഷ്യൽ സെക്യൂരിറ്റിയും അനുഭവിക്കാൻ സഹായിക്കുന്നു.

ഏത് വിഭാഗങ്ങളിൽ നിക്ഷേപിക്കണം?

സ്ഥിര നിക്ഷേപം (FD), പൊതുധന നിക്ഷേപ പദ്ധതികൾ (PPF), മ്യൂച്വൽ ഫണ്ടുകൾ, സ്റ്റോക്ക് മാർക്കറ്റ്, ഗോൾഡ് ഇടിഎഫ്, ഫ്രാക്ഷണൽ റിയൽ എസ്റ്റേറ്റ് ഇൻവെസ്റ്റ്മെന്റ്, മന്ത്‌ലി എസ് ഐ പി ഇൻവെസ്റ്മെന്റ്സ്,  പോസ്റ്റ് ഓഫീസ് സേവിംഗ്സ് സ്കീമുകൾ, റെക്കറിംഗ് ഡെപോസിന്റ്സ്, ഗോൾഡ് ബോണ്ട്, കോംപൗണ്ടിങ് ഇൻവെസ്റ്റ്മെന്റ് എന്നിങ്ങനെ നിക്ഷേപ ഓപ്ഷനുകൾ തിരഞ്ഞെടുക്കാം.

നിക്ഷേപം നടത്തുമ്പോൾ പലരും പലിശയുള്ള ബാങ്ക് നിക്ഷേപങ്ങൾ, സ്ഥിര നിക്ഷേപങ്ങൾ, സ്വർണം, ഓഹരികൾ എന്നിവയിൽ മാത്രമായി ചിന്തിക്കാറുണ്ട്. എന്നാൽ ഇതിനു പുറമേ നിക്ഷേപം നടത്താൻ പല മാർഗങ്ങളുണ്ട്. ഓരോ നിക്ഷേപകന്റെയും റിസ്ക് സഹിഷ്ണുത, ലക്ഷ്യങ്ങൾ എന്നിവയെ ആശ്രയിച്ച് തിരഞ്ഞെടുക്കാവുന്ന നിക്ഷേപങ്ങളാണിവ.

മ്യൂച്വൽ ഫണ്ടുകൾ

മ്യൂച്വൽ ഫണ്ടുകൾ ഒരു പ്രൊഫഷണൽ ഫണ്ട് മാനേജർ വിവിധ ഓഹരികളിലും ബോണ്ടുകളിലും നിക്ഷേപിക്കുന്ന ഒരു പോർട്ട്ഫോളിയോയാണ്. ഇത് നിക്ഷേപകർക്ക് ഡൈവേഴ്സിഫിക്കേഷന്റെയും പ്രൊഫഷണൽ മാനേജ്മെന്റിന്റെയും ഗുണങ്ങൾ നൽകുന്നു. ഇക്വിറ്റി ഫണ്ടുകൾ, ഡെറ്റ് ഫണ്ടുകൾ, ബാലൻസ്ഡ് ഫണ്ടുകൾ എന്നിങ്ങനെ വിവിധ തരം മ്യൂച്വൽ ഫണ്ടുകൾ ലഭ്യമാണ്.

പൊതുമേഖലാ സ്ഥാപനങ്ങൾ 

പൊതുമേഖലാ സ്ഥാപനങ്ങളുടെ ഓഹരികളാണ് പൊതുമേഖലാ യൂണിറ്റുകൾ. പൊതുമേഖലാ സ്ഥാപനങ്ങളിൽ നിക്ഷേപിക്കുന്നതിലൂടെ, ഈ ഫണ്ടുകൾ സർക്കാർ പിന്തുണയുമായി ബന്ധപ്പെട്ട സ്ഥിരതയും വളർച്ചാ സാധ്യതയും പ്രയോജനപ്പെടുത്തുന്നു. പി എസ് യു  മ്യൂച്വൽ ഫണ്ട് ഓഹരികൾ സാധാരണയായി സ്ഥിരമായ ഡിവിഡന്റുകൾ നൽകുന്നു, കൂടാതെ ഓഹരി വിലയിൽ വർധനവും പ്രതീക്ഷിക്കാം. എന്നാൽ പൊതുമേഖലാ സ്ഥാപനങ്ങളുടെ പ്രകടനം സർക്കാർ നയങ്ങളെയും സാമ്പത്തിക സാഹചര്യങ്ങളെയും ആശ്രയിച്ചിരിക്കുന്നു.

അതെസമയം വൈവിധ്യവത്കരണം മോശം നിക്ഷേപങ്ങളിൽ നിന്ന് നിങ്ങളെ രക്ഷിക്കില്ല. നിങ്ങളുടെ പോർട്ട്ഫോളിയോയിൽ മോശമായ നിക്ഷേപങ്ങൾ ഉണ്ടെങ്കിൽ, അത് മൊത്തത്തിലുള്ള പ്രകടനത്തെ ബാധിക്കും. വൈവിധ്യവത്കരണം റിസ്ക് പൂർണ്ണമായും ഇല്ലാതാക്കില്ല. എന്നാൽ, വൈവിധ്യവത്കരണം റിസ്ക് കുറയ്ക്കാൻ സഹായിക്കുന്നു.

വൈവിധ്യവത്കരണം നിക്ഷേപത്തിലെ ഒരു പ്രധാന തന്ത്രമാണ്. ഇത് നിങ്ങളുടെ പോർട്ട്ഫോളിയോയുടെ റിസ്ക് കുറയ്ക്കാനും റിട്ടേൺ വർദ്ധിപ്പിക്കാനും സഹായിക്കുന്നു. എന്നാൽ, വൈവിധ്യവത്കരണം മാത്രം മതിയാകില്ല. നിങ്ങളുടെ നിക്ഷേപ ലക്ഷ്യങ്ങൾ, റിസ്ക് സഹിഷ്ണുത, സമയപരിധി എന്നിവ കണക്കിലെടുത്ത് നിങ്ങളുടെ പോർട്ട്ഫോളിയോ കൈകാര്യം ചെയ്യേണ്ടത് അത്യാവശ്യമാണ്.