ഏറ്റവും ഉയര്‍ന്ന പ്രതിമാസ വില്‍പ്പനയുമായി ടിവിഎസ്

ടിവിഎസ് മോട്ടോര്‍ കമ്പനി 2024 ഒക്ടോബറില്‍ 489,015 യൂണിറ്റുകളുടെ പ്രതിമാസ വില്‍പ്പന രേഖപ്പെടുത്തി. കഴിഞ്ഞ വര്‍ഷം ഇതേ കാലയളവില്‍ 434,714 യൂണിറ്റുകളാണ് വിറ്റഴിച്ചത്. 13 ശതമാനം വളര്‍ച്ചയാണ് വില്‍പ്പനയില്‍ കമ്പനി നേടിയത്.

മൊത്തം ഇരുചക്രവാഹനങ്ങള്‍ 14% വളര്‍ച്ച രേഖപ്പെടുത്തി. 2023 ഒക്ടോബറിലെ വില്‍പ്പന 420,610 യൂണിറ്റുകളില്‍ നിന്ന് 2024 ഒക്ടോബറില്‍ 478,159 യൂണിറ്റുകളായി വര്‍ധിച്ചു.

ആഭ്യന്തര ഇരുചക്രവാഹനങ്ങള്‍ 13% വളര്‍ച്ച രേഖപ്പെടുത്തി. വില്‍പ്പന 344,957 യൂണിറ്റുകളായി വര്‍ധിച്ചു. 2023 ഒക്ടോബറില്‍ 8920 യൂണിറ്റായിരുന്നു വില്‍പ്പന.

2023 ഒക്ടോബറിലെ 201,965 യൂണിറ്റുകളില്‍ നിന്ന് 2024 ഒക്ടോബറില്‍ 230,822 യൂണിറ്റുകളായി മോട്ടോര്‍ സൈക്കിള്‍ വില്‍പ്പന 14% വളര്‍ച്ച രേഖപ്പെടുത്തി. സ്‌കൂട്ടര്‍ 17% വളര്‍ച്ച രേഖപ്പെടുത്തി.

2023 ഒക്ടോബറിലെ 20,153 യൂണിറ്റില്‍ നിന്ന് 2024 ഒക്ടോബറില്‍ 29,308 യൂണിറ്റായി വര്‍ധിച്ചതോടെ ഇവി വില്‍പ്പന 45% വളര്‍ച്ച രേഖപ്പെടുത്തി.

കമ്പനിയുടെ മൊത്തം കയറ്റുമതി 9% വളര്‍ച്ച രേഖപ്പെടുത്തി. 2023 ഒക്ടോബറിലെ വില്‍പ്പന 87,952 യൂണിറ്റില്‍ നിന്ന് 2024 ഒക്ടോബറില്‍ 95,708 യൂണിറ്റായി ഉയര്‍ന്നു.

ഇരുചക്രവാഹന കയറ്റുമതി 16% വളര്‍ച്ച രേഖപ്പെടുത്തി.