സിനിമാ കച്ചവടത്തിലെ ഹിറ്റ് മേക്കര്‍, പത്താന്‍ വിജയത്തിന് പിന്നാലെ റോള്‍സ് റോയിസ് സ്വന്തമാക്കി കിംഗ് ഖാന്‍
- ഇന്ത്യയില്‍ തന്നെ വളരെ കുറച്ച് പേര്‍ക്ക് മാത്രമാണ് ഈ മോഡല്‍ സ്വന്തമായുള്ളത്.
രാജ്യത്തെ സിനിമാ വ്യവസായത്തില്‍ ബോളിവുഡ് സ്റ്റാര്‍ കിംഗ് ഖാനുള്ള സ്ഥാനം ഏവര്‍ക്കുമറിയാം. എന്നാലിപ്പോള്‍ അദ്ദേഹത്തിന്റെ പുതിയ സിനിമയയായ പത്താന്‍ വിജയക്കുതിപ്പിലേക്ക് പോകുമ്പോള്‍ മറ്റൊരു റെക്കോര്‍ഡ് കൂടി സ്വന്തമാക്കുകയാണ് താരം.
പത്താന്റെ കലക്ഷന്‍ 1,039 കോടി രൂപ കടന്നുവെന്ന റിപ്പോര്‍ട്ട് വന്ന് ദിവസങ്ങള്‍ക്കകം 8.2 കോടി രൂപയുടെ വാഹനം താരം സ്വന്തമാക്കിയെന്ന വാര്‍ത്തയും പുറത്ത് വരുന്നു.
റോള്‍സ് റോയ്‌സ് കള്ളിനന്‍ ബ്ലാക് ബാഡ്ജ് പതിപ്പാണ് കിംഗ് ഖാന്‍ സ്വന്തമാക്കിയത്. ആഗോള കാര്‍ ശ്രേണിയിലെ തമ്പുരാനായ ഈ വാഹനം ഇന്ത്യയില്‍ തന്നെ വിരലിലെണ്ണാവുന്നവര്‍ക്കേ ഉള്ളൂ.
കള്ളിനന്റെ സ്‌പെഷ്യല്‍ പതിപ്പായ ബ്ലാക് ബാഡ്ജിന്റെ ആര്‍ട്ടിക് വൈറ്റ് നിറത്തിലുള്ള മോഡലാണ് ഷാറൂഖ് ഖാന്റെ ഏറ്റവും പുതിയ വാഹനം. രാജ്യത്തെ മൂന്നാമത്തെ ബ്ലാക് ബാഡ്ജ് എഡിഷനാണ് ഇത്. ബോളിവുഡ് കണ്ട ഏറ്റവും വിലയ ഹിറ്റായ പത്താന്‍ ഏതാനും ദിവസങ്ങള്‍ക്ക് മുന്‍പ് ഒടിടിയിലും വന്നിരുന്നു.