നീറ്റ് യുജിക്കുള്ള പ്രായപരിധി നീക്കി ദേശീയ മെഡിക്കല്‍ കമ്മീഷന്‍
ഡെല്‍ഹി: നീറ്റ്-അണ്ടര്‍ ഗ്രാജുവേറ്റ് 2022 പരീക്ഷയില്‍ പങ്കെടുക്കുന്നവരുടെ ഉയര്‍ന്ന പ്രായപരിധി ദേശീയ മെഡിക്കല്‍ കമ്മീഷന്‍ നീക്കം ചെയ്തതായി അധികൃതര്‍ ബുധനാഴ്ച അറിയിച്ചു. സെന്‍ട്രല്‍ ബോര്‍ഡ് ഓഫ് സെക്കന്‍ഡറി എജ്യുക്കേഷന്‍ (സിബിഎസ്ഇ) 2017-ല്‍ നിശ്ചയിച്ചിട്ടുള്ള ഉയര്‍ന്ന പ്രായപരിധി റിസര്‍വ് ചെയ്യാത്ത ഉദ്യോഗാര്‍ത്ഥികള്‍ക്ക് 25 വയസ്സും, സംവരണമുള്ള ഉദ്യോഗാര്‍ത്ഥികള്‍ക്ക് 30 വയസ്സുമാണ്. ഒക്ടോബര്‍ 21-ന് ചേര്‍ന്ന നാലാമത്തെ എന്‍എംസി യോഗത്തില്‍ നീറ്റ്-യുജി പരീക്ഷയില്‍ പങ്കെടുക്കുന്നതിന് ഉയര്‍ന്ന പ്രായപരിധി നിശ്ചയിച്ചിട്ടില്ലെന്ന് തീരുമാനിച്ചിരുന്നു. 1997-ലെ ഗ്രാജ്വേറ്റ് മെഡിക്കല്‍ എജ്യുക്കേഷന്‍ സംബന്ധിച്ച ചട്ടങ്ങള്‍ ഉചിതമായി […]
ഡെല്‍ഹി: നീറ്റ്-അണ്ടര്‍ ഗ്രാജുവേറ്റ് 2022 പരീക്ഷയില്‍ പങ്കെടുക്കുന്നവരുടെ ഉയര്‍ന്ന പ്രായപരിധി ദേശീയ മെഡിക്കല്‍ കമ്മീഷന്‍ നീക്കം ചെയ്തതായി അധികൃതര്‍ ബുധനാഴ്ച അറിയിച്ചു.
സെന്‍ട്രല്‍ ബോര്‍ഡ് ഓഫ് സെക്കന്‍ഡറി എജ്യുക്കേഷന്‍ (സിബിഎസ്ഇ) 2017-ല്‍ നിശ്ചയിച്ചിട്ടുള്ള ഉയര്‍ന്ന പ്രായപരിധി റിസര്‍വ് ചെയ്യാത്ത ഉദ്യോഗാര്‍ത്ഥികള്‍ക്ക് 25 വയസ്സും, സംവരണമുള്ള ഉദ്യോഗാര്‍ത്ഥികള്‍ക്ക് 30 വയസ്സുമാണ്. ഒക്ടോബര്‍ 21-ന് ചേര്‍ന്ന നാലാമത്തെ എന്‍എംസി യോഗത്തില്‍ നീറ്റ്-യുജി പരീക്ഷയില്‍ പങ്കെടുക്കുന്നതിന് ഉയര്‍ന്ന പ്രായപരിധി നിശ്ചയിച്ചിട്ടില്ലെന്ന് തീരുമാനിച്ചിരുന്നു. 1997-ലെ ഗ്രാജ്വേറ്റ് മെഡിക്കല്‍ എജ്യുക്കേഷന്‍ സംബന്ധിച്ച ചട്ടങ്ങള്‍ ഉചിതമായി ഭേദഗതി ചെയ്യുന്നതിനുള്ള ഔദ്യോഗിക വിജ്ഞാപനത്തിനുള്ള നടപടിക്രമം ആരംഭിച്ചിട്ടുണ്ട്,' നാഷണല്‍ മെഡിക്കല്‍ മിഷന്‍ സെക്രട്ടറി ഡോ. പുല്‍കേഷ് കുമാര്‍, നാഷണല്‍ ടെസ്റ്റിംഗ് ഏജന്‍സിയിലെ സീനിയര്‍ ഡയറക്ടറുടെ ഓഫീസ് ഡോ. ദേവവ്രത്തിന് അയച്ച കത്തില്‍ പറഞ്ഞു.
ഉയര്‍ന്ന പ്രായപരിധി പലപ്പോഴും രാജ്യത്തെ സുപ്രീം കോടതിയിലും ഹൈക്കോടതികളിലും ചോദ്യം ചെയ്യപ്പെട്ടിരുന്നു. പ്രായപരിധി മാനദണ്ഡങ്ങള്‍ എടുത്തുകളഞ്ഞതോടെ, മറ്റ് കോഴ്സുകളിലേക്ക് പ്രവേശനം നേടിയതിന് ശേഷവും ഉദ്യോഗാര്‍ത്ഥികള്‍ക്ക് എത്ര തവണ വേണമെങ്കിലും മെഡിക്കല്‍ പ്രവേശന പരീക്ഷയില്‍ പങ്കെടുക്കാനാകും.
വിദേശ രാജ്യങ്ങളില്‍ പ്രവേശനം തേടുന്നവര്‍ക്കും ഈ നീക്കം സഹായകമാകും.