കൂടുതൽ അന്തർദ്ദേശീയ വിദ്യാർത്ഥികളെ ആകർഷിക്കാൻ ഇന്ത്യ സ്റ്റുഡൻ്റ് വർക്ക് വിസ നൽകണം

ഇന്ത്യയിലെ മികച്ച കോളേജുകളിൽ പഠിക്കാൻ അനുമതി ലഭിക്കുന്ന വിദേശ വിദ്യാർഥികൾക്ക് സ്റ്റുഡന്റ് വർക്ക് വീസകൾ നൽകാനും, ശമ്പളമുള്ള ഇന്റേൺഷിപ്പുകളും ഒരു വർഷത്തെ പഠനാനന്തര വർക്ക് വീസകളും അനുവദിക്കണമെന്ന് വിദേശകാര്യ പോളിസി ചിന്താലയം ശുപാർശ ചെയ്തു. ഇത് ഇന്ത്യയിലെ സർവകലാശാലകളുടെയും കോളേജുകളുടെയും ശൃംഖലയെ ആഗോള മാനദണ്ഡങ്ങൾക്കും രീതികൾക്കും അനുസൃതമാക്കുമെന്ന് അവർ കൂട്ടിച്ചേർത്തു.

വിദേശത്ത് നിന്ന് ഉന്നത വിദ്യാഭ്യാസത്തിനായി ഇന്ത്യയിലെത്തുന്ന വിദേശികൾക്ക് ശമ്പളമുള്ള ഇന്റേൺഷിപ്പുകളിൽ പങ്കെടുക്കാനോ അല്ലെങ്കിൽ പഠനം വിജയകരമായി പൂർത്തിയാക്കിയ ശേഷം ഒന്നുമുതൽ മൂന്നു വർഷം വരെ ഇന്ത്യയിൽ ജോലി ചെയ്യാൻ വിദേശികൾക്ക് അനുമതി നൽകുന്ന ഒരു നയം ഘട്ടംഘട്ടമായി നടപ്പിലാക്കാൻ ഇന്ത്യയ്ക്ക് കഴിയും.

നിലവിൽ, എംബിബിഎസ് ഒഴികെ പ്രൊഫഷണൽ കോഴ്‌സുകൾ വിദേശ വിദ്യാർഥികൾക്ക് പഠിക്കാൻ അനുമതിയുണ്ട്, പക്ഷേ ബിരുദം കഴിഞ്ഞ ശേഷം ഇന്ത്യയിൽ പ്രാക്ടീസ് ചെയ്യാൻ അനുമതിയില്ല. ഗേറ്റ്‌വേ ഹൗസ് ഇന്ത്യൻ കൗൺസിൽ ഓൺ ഗ്ലോബൽ റിലേഷൻസ് നടത്തിയ ഗവേഷണമനുസരിച്ച്, സ്റ്റുഡന്റ് വർക്ക് വീസ നയം ഇന്ത്യയിലെ സർവകലാശാലകളുടെയും കോളേജുകളുടെയും ശൃംഖലയെ ആഗോള മാനദണ്ഡങ്ങൾക്കും രീതികൾക്കും അനുസൃതമാക്കും. ഇത് കൂടുതൽ വിദേശികളെ ഇന്ത്യയെ വിദ്യാഭ്യാസ കേന്ദ്രമായി തിരഞ്ഞെടുക്കാൻ ആകർഷിക്കുന്നതിലൂടെ ഇന്ത്യൻ ക്ലാസ് മുറികളിൽ ഒരു ലോകോത്തര വിദ്യാർത്ഥി പ്രതിനിധീകരണം കൊണ്ടുവരാനും സഹായിക്കും. അതെ സമയം ഈ നീക്കം ഇന്ത്യൻ കമ്പനികളെയും അന്താരാഷ്ട്രതലത്തിലാക്കും.

"ഒരു അഭിഭാഷകന് സനദ് (ലൈസൻസ്) കിട്ടില്ല, ഒരു ചാർട്ടേഡ് അക്കൗണ്ടന്റിന് പ്രാക്ടീസ് സർട്ടിഫിക്കറ്റ് ലഭിക്കില്ല," മുംബൈ ഹിസ്റ്ററി സ്റ്റഡീസ് ഫെല്ലോയായ സിഫ്ര ലെന്റിൻ രചിച്ച 'ഇന്റർനാഷണലൈസിംഗ് ഇന്ത്യൻ എജ്യുക്കേഷൻ വർക്ക് വിസാസ് ഫോർ ഫോറിൻ സ്റ്റുഡന്റ്' എന്ന ഗവേഷണ റിപ്പോർട്ട് പറയുന്നു. "