യുകെ യിലെ വീടു വാങ്ങലുകാർ ഇന്ത്യക്കാർ

ലണ്ടനിലെ റിയല്‍ എസ്റ്റേറ്റ് വിപണി പതിറ്റാണ്ടുകളായി ഇന്ത്യന്‍ നിക്ഷേപകരെ ആകര്‍ഷിക്കുന്നു. പരമ്പരാഗത നിക്ഷേപകരില്‍ വ്യവസായികളും ബോളിവുഡ് താരങ്ങളും ഉള്‍പ്പെടുമ്പോള്‍,  പുതിയ നിക്ഷേപകരില്‍ നല്ലൊരു  ഉന്നത പഠനത്തിനായി എത്തുന്നവരോ അവരുടെ മാതാപിതാക്കളോ  ആണ്. യുകെയില്‍ വീടുവാങ്ങുന്ന ഇന്ത്യാക്കാര്‍ മൂന്നു വര്‍ഷത്തിനുള്ളില്‍ 15 ശതമാനമായി ഉയരുമെന്നാണ് പ്രമുഖ റിയല്‍ എസ്റ്റേറ്റ് സ്ഥാപനമായ ബാരറ്റ് ലണ്ടന്‍ പറയുന്നത്. ഇപ്പോഴത് അഞ്ചു ശതമാനത്തില്‍ താഴെയാണ്.

മുംബൈ, ഡെല്‍ഹി എന്നീ നഗരങ്ങളുമായി താരതമ്യപ്പെടുത്തുമ്പോള്‍ താങ്ങാനാവുന്ന വിലയാണ് യുകെയിലേത്. ഒരു ബിഎച്ചകെ 3.2 കോടി രൂപയില്‍നിന്ന് ആരംഭിക്കുന്നു. മൂന്ന് ബിഎച്ച്‌കെയ്ക്ക് നിങ്ങള്‍ക്ക് ഏകദേശം 5 കോടി രൂപ തിരികെ ലഭിക്കുമെന്നാണ് കണക്കുകള്‍ പറയുന്നത്.

വീടോ, ഫ്‌ളാറ്റോ വാങ്ങുന്നവര്‍ സാധാരണയായി 40-നും 60-നും ഇടയില്‍ പ്രായമുള്ളവരാണ്. അവര്‍ക്ക് ഇന്ത്യയില്‍ രണ്ടോ മൂന്നോ പ്രോപ്പര്‍ട്ടികള്‍ ഉണ്ടായിരിക്കും. ലണ്ടന്‍ പ്രോപ്പര്‍ട്ടി പലര്‍ക്കും അവരുടെ റിയല്‍ എസ്റ്റേറ്റ് പോര്‍ട്ട്‌ഫോളിയോ വൈവിധ്യവല്‍ക്കരിക്കുന്നതിനോ നഗരത്തില്‍ പഠിക്കുന്ന കുട്ടികളെ ഉള്‍ക്കൊള്ളുന്നതിനോ വേണ്ടിയുള്ള ആദ്യ നിക്ഷേപമായി വിലയിരുത്തപ്പെടുന്നു. പ്രോപ്പർച്ചി വാങ്ങുന്ന 80 ശതമാനം പേർക്കും ഇത് ലണ്ടനിലെ അവരുടെ ആദ്യ നിക്ഷേപമായി കണക്കാക്കുന്നു.

ആവശ്യം അടിസ്ഥാനമാക്കിയാണ് യുകെയില്‍ ഇന്ത്യാക്കാര്‍ വീടുകള്‍ സ്വന്തമാക്കുതെന്ന് റിയല്‍ എസ്റ്റേറ്റ് സ്ഥാപനം പറയുന്നു. അതുകൊണ്ടുതന്നെ ദുബായില്‍ നിന്ന് വ്യത്യസ്തമായി ലണ്ടന്‍ ഒരു ഊഹക്കച്ചവട വിപണിയല്ല.

അവര്‍ക്ക് ഒന്നുകില്‍ യുകെയില്‍ ജോലിയുണ്ട് അല്ലെങ്കില്‍ അവര്‍ കുട്ടികളെ ലണ്ടനിലെ സ്‌കൂളുകളിലേക്കോ കോളേജുകളിലേക്കോ അയച്ചിട്ടുണ്ട്. പ്രത്യേകിച്ച് ഇന്ത്യയില്‍ നിന്ന് ലണ്ടന്‍ വിപണിയിലേക്ക് പ്രവേശിക്കുന്ന നിക്ഷേപകര്‍ക്കിടയില്‍ വളര്‍ച്ച കാണുന്നുവെന്നും സ്ഥാപനം വ്യക്തമാക്കി.

മുംബൈയിലും ഡെല്‍ഹിയിലും ശാഖകളുള്ള  ബാരറ്റ് ലണ്ടന്‍  പഞ്ചാബ്, ബെംഗളൂരു, ഹൈദരാബാദ് തുടങ്ങിയ മറ്റ് വിപണികളിലേക്ക് പ്രവര്‍ത്തനം വ്യാപിപ്പിക്കാന്‍  പദ്ധതിയിടുന്നുകയാണ്. ലണ്ടനിലെ പ്രോപ്പര്‍ട്ടികളില്‍ നിക്ഷേപിക്കാന്‍ ഈ നഗരങ്ങളില്‍ ആവശ്യക്കാരേറെയാണ്.

കമ്പനിയിലെ അന്താരാഷ്ട്ര നിക്ഷേപകരുടെ ശതമാനം പരമ്പരാഗതമായി ഏകദേശം 30 ശതമാനമാണ്. സിംഗപ്പൂരില്‍ നിന്നും ഹോങ്കോങ്ങില്‍ നിന്നുമുള്ളവര്‍ പതിറ്റാണ്ടുകളായി ലണ്ടനില്‍ പ്രോപ്പര്‍ട്ടികള്‍ വാങ്ങുന്നുണ്ട്.

ലണ്ടനില്‍ പ്രോപ്പട്ടി വാങ്ങുന്ന ഇന്ത്യക്കാർ ഇപ്പോള്‍ 5 ശതമാനം മാത്രമാണ്. അടുത്ത മൂന്ന് വര്‍ഷത്തിനുള്ളില്‍ ഇത് 15 മുതല്‍ 20 ശതമാനം വരെ ഉയരുമെന്ന് പ്രതീക്ഷിക്കുന്നതായും കമ്പനി പറഞ്ഞു.

വിദ്യാര്‍ത്ഥികള്‍ക്ക് കാമ്പസില്‍ താമസിക്കാന്‍ അനുവാദമുണ്ട്, ഒരു പക്ഷേ, ഒന്നോ രണ്ടോ വര്‍ഷത്തേക്ക്. അതിനുശേഷം അവര്‍ക്ക് സ്വകാര്യ താമസസ്ഥലങ്ങള്‍ തേടേണ്ടി വന്നേക്കാം.

ഒരു ബിഎച്ച്‌കെയ്ക്ക് 3.2 കോടിരൂപയും രണ്ട് ബിഎച്ച്‌കെയ്ക്ക്4.3 കോടിയും മൂന്ന് ബിഎച്ച്‌കെയ്ക്ക് 5.5 കോടിയും വിലയുണ്ട്. ഇതിനുള്ള വാടക വരുമാനം അഞ്ചുമുതല്‍ ഏഴുശതമാനം വരെയാണ്.

വാങ്ങുന്നയാള്‍ ഒരു പ്രോപ്പര്‍ട്ടി ബുക്ക് ചെയ്യുന്ന സമയത്ത് 10 ശതമാനവും കൈവശം വയ്ക്കുന്ന സമയത്ത് 90 ശതമാനവും നിക്ഷേപിക്കണം. 3.2 കോടി രൂപ വിലയുള്ള അപ്പാര്‍ട്ട്മെന്റ് വാങ്ങുന്നയാള്‍ക്ക് കെട്ടിട ഇന്‍ഷുറന്‍സും സൗകര്യങ്ങളുടെ പരിപാലനവും ഉള്‍ക്കൊള്ളുന്ന മെയിന്റനന്‍സ് ഫീസിനോ സേവന നിരക്കുകള്‍ക്കോ പ്രതിവര്‍ഷം 1.5 ലക്ഷം രൂപ കൂടി ചെലവഴിക്കേണ്ടി വന്നേക്കാം. അപ്പാര്‍ട്ട്‌മെന്റ് വാടകയ്ക്ക് നല്‍കിയാല്‍, കൗണ്‍സില്‍ നികുതി അടയ്ക്കേണ്ടത് വാടകക്കാരനാണ്.