ഇന്ത്യയും ഒമാനും ആർക്കൈവ്‌സ് മേഖലയിൽ സഹകരിക്കാൻ കൈകോർക്കുന്നു

ചരിത്രപരമായ ബന്ധം പുതിയ സഹകരണത്തിലേക്ക് നയിക്കുകയാണ്. ഇന്ത്യയും ഒമാനും ആർക്കൈവ്‌സ് മേഖലയിൽ സഹകരിക്കാൻ കൈകോർക്കുന്നു. നാഷണൽ ആർക്കൈവ്‌സ് ഓഫ് ഇന്ത്യ ഡയറക്ടർ ജനറൽ അരുൺ സിംഗാൾ നയിക്കുന്ന ഉദ്യോഗസ്ഥരുടെ സംഘം ഒമാൻ സന്ദർശനം നടത്തി ഇരു രാജ്യങ്ങളും തമ്മിലുള്ള സഹകരണ സാധ്യതകൾ ചർച്ച ചെയ്തു.

ഇന്ത്യയും ഒമാനും തമ്മിലുള്ള ചരിത്രപരമായ ബന്ധത്തെക്കുറിച്ച് ഒമാൻ നാഷണൽ റെക്കോർഡ്സ് ആൻഡ് ആർക്കൈവ്സ് അതോറിറ്റി ചെയർമാൻ ഹമദ് മുഹമ്മദ് അൽദവ്യാനിയുമായി നടത്തിയ കൂടിക്കാഴ്ചയിൽ ശ്രീ സിംഗാൽ ചർച്ച നടത്തി. നൂറ്റാണ്ടുകളായുള്ള ബന്ധത്തിൽ ഒമാനുമായി ബന്ധപ്പെട്ട നിരവധി രേഖകൾ എൻഎഐയിലും ഇന്ത്യയിലെ മറ്റ് ശേഖരണങ്ങളിലും സൂക്ഷിച്ചിട്ടുണ്ടെന്ന് അദ്ദേഹം അറിയിച്ചു.

ന്യൂഡൽഹിയിലെ എൻഎഐയിൽ ലഭ്യമായ ഒമാനുമായി ബന്ധപ്പെട്ട 70 രേഖകളുടെ പട്ടികയും അദ്ദേഹം കൈമാറി. ഈ പട്ടികയോടൊപ്പം 1868ലെ ഒമാൻ ദേശീയ പതാകയുടെ മാറ്റം, 1888ൽ സുൽത്താൻ സയ്യിദ് തുർക്കിയുടെ മരണശേഷം സയ്യിദ് ഫൈസൽ ബിൻ തുർക്കി ഭരണാധികാരിയായത്, 1937ൽ മസ്കറ്റ് & ഒമാൻ സുൽത്താൻ ഇന്ത്യയിലെ വൈസ്രോയിയെ സന്ദർശിച്ചത് എന്നിവയുൾപ്പെടെ നിരവധി പ്രധാന വിഷയങ്ങൾ ഉൾക്കൊള്ളുന്ന 523 പേജ് രേഖകളുടെ പകർപ്പുകളും കൈമാറി. 1953 മാർച്ച് 15ന് മസ്കറ്റിൽ ഒപ്പുവച്ച ഇന്ത്യയും മസ്കറ്റ് & ഒമാൻ സുൽത്താനും തമ്മിലുള്ള സൗഹൃദ, വ്യാപാര, നാവിഗേഷൻ ഉടമ്പടിയും പകർപ്പുകളിൽ ഉൾപ്പെടുന്നു.

ചരിത്രപരമായ രേഖകളുടെ സംരക്ഷണവും ഡിജിറ്റൈസേഷനും, ഗവേഷകർക്കും പൊതുജനങ്ങൾക്കും ഈ രേഖകൾ ലഭ്യമാക്കൽ, സാംസ്കാരിക കൈമാറ്റം വർദ്ധിപ്പിക്കൽ, ചരിത്രപഠനം, സാംസ്കാരിക സംരക്ഷണം, വിനോദസഞ്ചാരം എന്നിവയുൾപ്പെടെ വിവിധ മേഖലകളിൽ സഹകരണം വികസിപ്പിക്കൽ എന്നിവയാണ് സഹകരണത്തിൻ്റെ ഉദ്‌ശ്യം. ഇത് ഇന്ത്യയുടെയും ഒമാൻ്റെയും സാംസ്കാരിക പൈതൃകം സംരക്ഷിക്കുന്നതിനും ഭാവി തലമുറയ്ക്ക് കൈമാറുന്നതിനും സഹായിക്കും. 

ഈ സഹകരണം ഇരു രാജ്യങ്ങളുടെയും പുരാതന ബന്ധങ്ങളെക്കുറിച്ചുള്ള വിലപ്പെട്ട ചരിത്ര രേഖകൾ സംരക്ഷിക്കാനും പങ്കുവയ്ക്കാനും അനുവദിക്കുന്നു. ഇത് ഭാവിയിലെ ഗവേഷണങ്ങൾക്കും ചരിത്ര പഠനങ്ങൾക്കും വിലപ്പെട്ട വിവരങ്ങൾ നൽകുകയും ഇരു രാജ്യങ്ങളുടെയും സാംസ്കാരിക ബന്ധങ്ങളെ കൂടുതൽ ശക്തിപ്പെടുത്തുകയും ചെയ്യും.

ഈ രേഖകളുടെ സംരക്ഷണവും ഡിജിറ്റൈസേഷനും സംബന്ധിച്ച് സഹകരിക്കാൻ ഇരു രാജ്യങ്ങളും തമ്മിൽ ധരണയായി. ഗവേഷകർക്കും പൊതുജനങ്ങൾക്കും ഈ രേഖകൾ ലഭ്യമാക്കുന്നതിനും ഇരു രാജ്യങ്ങളും തമ്മിലുള്ള സാംസ്കാരിക കൈമാറ്റം വർദ്ധിപ്പിക്കുന്നതിനും ഇത് സഹായിക്കും.