യുദ്ധരംഗത്ത് ചൈനയുടെ പുതിയ ഇലക്ട്രോണിക് സാങ്കേതികവിദ്യ

ഇലക്ട്രോണിക് യുദ്ധ സാങ്കേതികവിദ്യയിൽ വൻ കുതിച്ചുചാട്ടം നടത്തിയതായി ചൈന അവകാശപ്പെടുന്നു. ബീജിംഗിലെ ഗവേഷക സംഘം വികസിപ്പിച്ചെടുത്ത ഈ പുതിയ സംവിധാനം തുടർച്ചയായി വൈദ്യുതകാന്തിക സ്പെക്ട്രം മുഴുവൻ നിരീക്ഷിക്കാൻ കഴിവുള്ളതാണ്. ഇത് ശത്രു സൈന്യത്തിന്റെ റഡാർ, റേഡിയോ, ഡാറ്റാ ലിങ്കുകൾ തുടങ്ങിയ എല്ലാ ഇലക്ട്രോണിക് ഉപകരണങ്ങളിൽ നിന്നുമുള്ള സിഗ്നലുകൾ കണ്ടെത്താൻ സഹായിക്കുന്നു. ഈ സിഗ്നലുകൾ വിശകലനം ചെയ്ത് ശത്രു സൈന്യത്തിന്റെ സ്ഥാനം, ശക്തി, നീക്കങ്ങൾ എന്നിവയെക്കുറിച്ച് കൃത്യമായ വിവരങ്ങൾ ലഭ്യമാക്കാൻ സാധിക്കും.

ചൈനീസ് ഗവേഷകർ പുതിയ സാങ്കേതികവിദ്യ ഇലക്ട്രോണിക് യുദ്ധത്തിൽ വിപ്ലവകരമായ മാറ്റം കൊണ്ടുവരുമെന്ന് വിശ്വസിക്കുന്നു. ഇത്  യുദ്ധഭൂമിയിൽ ശത്രുക്കൾക്ക് ഒളിക്കാൻ ഇടമില്ലാതാക്കുകയും യുദ്ധം നയിക്കുന്നതിൽ വലിയ നേട്ടം നൽകുകയും ചെയ്യും കൂടാതെ തത്സമയം വൈദ്യുതകാന്തിക സ്പെക്ട്രം നിരീക്ഷിച്ച് ശത്രു സിഗ്നലുകൾ വേഗത്തിൽ കണ്ടെത്തുകയും അവരുടെ സിഗ്നലുകൾ നിർവീര്യമാക്കുകയും ചെയ്യുന്നു.

പരമ്പരാഗത യുദ്ധതന്ത്രങ്ങളെ പൂർണ്ണമായും മാറ്റിമറിക്കാൻ ഈ സാങ്കേതികവിദ്യയ്ക്ക് കഴിയും. ഇൻ-ഹൗസ് ചിപ്പുകളുടെയും എ ഐ യുടെയും സംയോജനം ചൈനീസ് സൈന്യത്തിന് വിവര ധാരണയിൽ അഭൂതപൂർവമായ കഴിവുകൾ നൽകി.

ശത്രുക്കളെ കണ്ടെത്തലും നിർവീര്യമാക്കലും

റേഡിയോ തരംഗങ്ങളും മൈക്രോവേവുകളും ഉൾപ്പെടെ വൈദ്യുതകാന്തിക വികിരണങ്ങളുടെ വിശാലമായ ശ്രേണി ഉൾക്കൊള്ളുന്നതാണ് ഈ സ്പെക്ട്രം. ഈ നിരീക്ഷണത്തിലൂടെ ശത്രുവിന്റെ സൈനിക സംവിധാനങ്ങളും, ആശയവിനിമയ ചാനലുകളും പെട്ടെന്ന് കണ്ടെത്താൻ കഴിയും. ഇത് ശത്രുവിന്റെ ആക്രമണങ്ങളെ തടയാനും അവരുടെ സൈനിക നീക്കങ്ങളെ തടസ്ഥപ്പെടുത്താനും സൈന്യത്തെ സഹായിക്കുന്നു. 

യുദ്ധതന്ത്രങ്ങളിലെ മാറ്റം

ഹൈ പവർ ഫേസ്ഡ് അറേ റഡാറുകൾ ഉൾപ്പെടെയുള്ള വൈദ്യുതകാന്തിക എമിറ്റിംഗ് ഉപകരണങ്ങൾ ചൈന സജീവമാക്കി. നൂതന ഡിസ്ട്രോയർ കഴിവുകൾ ഉപയോഗിച്ച് ചൈന  വർദ്ധിച്ച സൈന്യ ബലം കാണിക്കുന്നു. ഈ സാങ്കേതികവിദ്യ ചൈനയുടെ പ്രതിരോധ ശക്തി വർദ്ധിപ്പിക്കുകയും ശത്രു ആക്രമണങ്ങളെ കൂടുതൽ ഫലപ്രദമായി നേരിടാൻ അവരെ പ്രാപ്തരാക്കുകയും ചെയ്യും.

ചൈനയുടെ വർദ്ധിച്ചുവരുന്ന സൈനിക ദൃഢത യുഎസുമായുള്ള പിരിമുറുക്കം വർധിപ്പിക്കുന്നു

ഈ പുതിയ സാങ്കേതികവിദ്യ യുദ്ധരീതിയെ പൂർണ്ണമായും മാറ്റിമറിക്കുമെന്ന് ഗവേഷകർ പറയുന്നു. അതെ സമയം ഈ സാങ്കേതികവിദ്യ വികസിപ്പിച്ചതിലൂടെ ചൈന അമേരിക്കയുമായുള്ള സംഘർഷം വഷളാകാനും, ഇരു രാജ്യങ്ങളും തമ്മിലുള്ള ഇലക്ട്രോമഗ്നറ്റിക് സ്പെക്ട്രത്തിന്റെ നിയന്ത്രണത്തിനായുള്ള മത്സരം കടുപ്പിക്കപ്പെടാനും സാധ്യതകൾ ഏറുന്നു.

പരമ്പരാഗത യുദ്ധതന്ത്രങ്ങളെ പൂർണ്ണമായും മാറ്റിമറിക്കാൻ ഈ സാങ്കേതികവിദ്യയ്ക്ക് കഴിയും. ഭാവിയിലെ യുദ്ധങ്ങൾ കൂടുതൽ ഇലക്ട്രോണിക് ആധിപത്യം നേടിയേക്കാം. ഇലക്ട്രോണിക് യുദ്ധഭൂമി ഇതിനകം സജീവമാണ്. ഈ നവീകരണം യുദ്ധത്തിൻ്റെ സ്വഭാവത്തെ അടിസ്ഥാനപരമായി മാറ്റുമെന്ന് ഗവേഷകർ വിശ്വസിക്കുന്നു.  ഇലക്ട്രോണിക് സ്പെക്ട്രത്തിന് മേലുള്ള ആധിപത്യത്തിനായുള്ള പോരാട്ടം ചൈനയും അമേരിക്കയും തമ്മിലുള്ള സംഘർഷം വഷളാക്കാം. 

.