എന്തു കൊണ്ട് ഐഫോണ്‍ 15 പ്രോമാക്‌സിന് ഡിമാന്‍ഡ് കൂടുന്നു ?
ഈ വര്‍ഷം 80 ദശലക്ഷം ഐഫോണ്‍ 15 വിറ്റഴിക്കുമെന്നാണ് പ്രതീക്ഷിക്കുന്നത്
സെപ്റ്റംബര്‍ 12ന് ലോഞ്ച് ചെയ്ത ഐഫോണ്‍ 15 സീരീസില്‍ ആകെ നാല് മോഡലുകളാണ് അവതരിപ്പിച്ചത്. ഇതില്‍ ഐഫോണ്‍ 15 പ്രോമാക്‌സ് മോഡലിന് ഇപ്പോള്‍ വന്‍ ഡിമാന്‍ഡാണ് അനുഭവപ്പെടുന്നത്.
എന്തുകൊണ്ട് ഐഫോണ്‍ 15 പ്രോമാക്‌സ് ?
ഐഫോണ്‍ 15 പ്രോമാക്‌സ് വിപണിയില്‍ വന്‍ ഡിമാന്‍ഡ് അനുഭവപ്പെടാനുള്ള കാരണം അതിന്റെ ടെലി ഫോട്ടോ ക്യാമറയാണ്.
5 തവണ വരെ സൂം ഇന്‍ ചെയ്യാന്‍ കഴിയുന്ന ടെലിഫോട്ടോ ക്യാമറയാണ് ഐഫോണ്‍ 15 പ്രോമാക്‌സിനുള്ളത്.
ഐഫോണ്‍ 15 പ്രോ മോഡലിന് 3 തവണ മാത്രമാണ് സൂം ഇന്‍ ചെയ്യാന്‍ സാധിക്കുന്നത്.
മൂന്ന് മോഡലുകള്‍
ഐഫോണ്‍ 15 പ്രോ മാക്‌സ് സീരീസില്‍ മൊത്തം മൂന്നു മോഡലുകളാണുള്ളത്.
ഇവയാണ് മൂന്നു മോഡലുകള്‍
iPhone 15 Pro Max (256 GB): Rs 1,59,900
iPhone 15 Pro Max (512 GB): Rs 1,79,900
iPhone 15 Pro Max (1 TB): Rs 1,99,൯൦൦
നാച്ചുറല്‍ ടൈറ്റാനിയം, വൈറ്റ് ടൈറ്റാനിയം നിറങ്ങളിലുള്ള ഐഫോണ്‍15 പ്രോ മാക്‌സ്, എല്ലാ സ്റ്റോറേജ് വേരിയന്റുകള്‍ക്കും ഡെലിവറിക്കായി നവംബര്‍ 2 മുതല്‍ 8 വരെയുള്ള ദിവസങ്ങള്‍ കാത്തിരിക്കണം. എന്നാല്‍ ടൈറ്റാനിയം ബ്ലൂ, ടൈറ്റാനിയം ബ്ലാക്ക് നിറങ്ങളിലുള്ള ഫോണുകള്‍ ഒക്ടോബര്‍ പകുതിയോടെ ഡെലിവറി ചെയ്യാനാകുമെന്നാണ് റിപ്പോര്‍ട്ട്.
ഡെലിവറിയില്‍ കാലതാമസം നേരിടും
ഐഫോണ്‍ 15 പ്രോ മാക്‌സ് മോഡലിന്റെ ഡെലിവറി വൈകുമെന്നാണ് റിപ്പോര്‍ട്ട്. യുഎസ്സില്‍ ഈ മോഡല്‍ ലഭിക്കാന്‍ നവംബര്‍ മാസം വരെ കാത്തിരിക്കേണ്ടി വരുമെന്നും റിപ്പോര്‍ട്ടുണ്ട്. ഇന്ത്യയില്‍ ഈ മോഡല്‍ ലഭിക്കണമെങ്കില്‍ ഒക്ടോബര്‍ 16 വരെ കാത്തിരിക്കണമെന്നും റിപ്പോര്‍ട്ടുണ്ട്.
കസ്റ്റമേഴ്‌സില്‍ നിന്നും ഉയര്‍ന്ന ഡിമാന്‍ഡ് ഉള്ളതു കൊണ്ടു മാത്രമല്ല, ഈ മോഡലിന്റെ ഉല്‍പ്പാദനം വൈകി ആരംഭിച്ചതും ഡെലിവറി വൈകാന്‍ കാരണമാകും.
ഈ വര്‍ഷം 80 ദശലക്ഷം ഐഫോണ്‍ 15 വിറ്റഴിക്കുമെന്നാണ് പ്രതീക്ഷിക്കുന്നത്.