യുഎഇ : ഷോപ്പിംഗ് വർദ്ധിച്ചു, ഉപഭോക്തൃ ചെലവഴിക്കല്‍ 13% ഉയര്‍ന്നു

യുഎഇ ഉപഭോക്തൃ ചെലവഴിക്കല്‍ 2022 നെ അപേക്ഷിച്ച് 2023 ല്‍ 13 ശതമാനം വര്‍ദ്ധിച്ചു. റീട്ടെയ്ല്‍ സമ്പദ് വ്യവസ്ഥയിലെ 14 ശതമാനം വര്‍ദ്ധനയാണ് രേഖപ്പെടുത്തിയത്. 2022 ന്റെ രണ്ടാം പകുതിയില്‍ വിനോദസഞ്ചാരികള്‍ കൂടുതല്‍ പേര്‍ രാജ്യത്തെത്തിയതിനാല്‍ ഉപഭോക്തൃ ചെലവും കൂടി. വൈവിധ്യമാര്‍ന്ന ലോകോത്തര ഷോപ്പിങ്ങ് മാളുകള്‍,ആഡംബര ബോട്ടിക്കുകള്‍,ഹോട്ടലുകള്‍,റെസ്‌റ്റോറന്റുകള്‍ എന്നിവ യുഎഇയുടെ പ്രത്യേകതയാണ്. രാജ്യത്തിന്റെ റീട്ടെയ്ല്‍ മേഖല കുത്തനെയുള്ള വളര്‍ച്ചാപാതയിലാണ്. ടൂറിസവും ഉപഭോക്തൃ വിശ്വാസവും ഉള്‍പ്പെടെയുള്ള ഘടകങ്ങള്‍ ചെലവ് വര്‍ദ്ധിപ്പിച്ചതിനാല്‍ ഈ പ്രവണത 2023 ലും തുടര്‍ന്നതായി റിപ്പോര്‍ട്ടുകള്‍.

റീട്ടെയ്ല്‍ സമ്പദ് വ്യവസ്ഥയിലെ ഉപഭോക്തൃ ചെലവ് വര്‍ഷം മുഴുവനും ശക്തമായ വളര്‍ച്ച പ്രകടമാക്കി. 2023 ലെ സമ്പൂര്‍ണ ഉപഭോക്തൃ ചെലവ് വര്‍ഷത്തിന്റെ ആദ്യ പകുതിയിലും രണ്ടാം പകുതിയിലും തുല്യമായി വിഭജിച്ചു. 2023 ല്‍ മൊത്തത്തില്‍ ചെലവ് ഊര്‍ജ്ജ്വസ്വലമായി തുടര്‍ന്നു. സൗഹൃദപരമായ നിക്ഷേപ-ബിസിനസ് അന്തരീക്ഷവും യുഎഇയിലേക്ക് നിക്ഷേപകരെ ആകര്‍ഷിക്കുന്നു. ഇത് രാജ്യത്തെ ശക്തിപ്പെടുത്താന്‍ സാധിച്ചു.

2023 ല്‍ ഹൈപ്പര്‍മാര്‍ക്കറ്റ്/സൂപ്പര്‍മാര്‍ക്കറ്റ് മേഖലയിലെ ചെലവ് മൂന്ന് ശതമാനം വര്‍ദ്ധിച്ചു. വര്‍ഷത്തിന്റെ ആദ്യ പകുതിയില്‍ ചെലവിടല്‍ അഞ്ച് ശതമാനം വര്‍ദ്ധിച്ചു. എന്നാല്‍ രണ്ടാം പകുതിയില്‍ ഉപഭോക്തൃ ചെലവ് കഴിഞ്ഞ വര്‍ഷം ഇതേ കാലയളവിന് അനുസൃതമായി. ഇ-കൊമേഴ്‌സ്,ഡിജിറ്റല്‍ വില്‍പ്പന എന്നിവയിടെല 19 ശതമാനം വളര്‍ച്ച ഈ മേഖലയിലെ വളര്‍ച്ചയെ പ്രധാനമായും നയിച്ചത്. അതേസമയം ഫിസിക്കല്‍ സ്റ്റോറുകളിലെ ചെലവ് സ്ഥിരമായി തുടരുകയാണ്. ഇത് മുന്‍വര്‍ഷത്തെ ചെലവ് നിലവാരത്തെ പ്രതിഫലിപ്പിക്കുന്നു. ഡിജിറ്റല്‍ കുതിച്ചുചാട്ടം ഉണ്ടായിരുന്നിട്ടും ബ്രിക്ക് ആന്‍ഡ് മോര്‍ട്ടാര്‍ സ്‌റ്റോറുകള്‍ ആധിപത്യം പുലര്‍ത്തി. മൊത്തം സെക്ടര്‍ ചെലവിന്റെ 85 ശതമാനവും ഇവ വഹിക്കുന്നു.

മുന്‍വര്‍ഷത്തെ പാറ്റേണ്‍ പിന്തുടര്‍ന്ന് ഉപഭോക്താക്കള്‍ കൂടുതല്‍ ഷോപ്പിങ്ങ് നടത്തുമ്പോള്‍ ഇന്‍സ്‌റ്റോര്‍,ഓണ്‍ലൈന്‍ എന്നിങ്ങനെ വിഭജിച്ചാണ് ഷോപ്പിംഗ്. മികച്ച ഡീലുകള്‍ക്കാണ് ഉപഭോക്താക്കള്‍ തിരയുന്നത്. വിലയിലെ ഏറ്റക്കുറച്ചിലുകള്‍ ശ്രദ്ധിക്കുന്നവരാണ് അധികവുമെന്ന് ഇതുസംബന്ധിച്ച സര്‍വേ ഫലം വ്യക്തമാക്കുന്നു. വിലക്കിഴിവുള്ള ഉത്പന്നങ്ങള്‍ വാങ്ങാന്‍ ഉപഭോക്താക്കള്‍ ശ്രദ്ധിക്കുന്നതായും കണ്ടെത്തി. റീട്ടെയ്ല്‍ ജനറല്‍ വിഭാഗങ്ങള്‍ 2023 ഓടെ ഉപഭോക്തൃ ചെലവില്‍ ഗണ്യമായ വര്‍ദ്ധനവ് രേഖപ്പെടുത്തി. കഴിഞ്ഞ വര്‍ഷത്തെ അപേക്ഷിച്ച് 16 ശതമാനം വര്‍ദ്ധനവ് രേഖപ്പെടുത്തി. ഇലക്ട്രോണിക്സ് (33 ശതമാനം), ഫുഡ് ആന്‍ഡ് ബിവറേജ് (എഫ് ആന്‍ഡ് ബി) (25 ശതമാനം), ഹോട്ടലുകള്‍ (17 ശതമാനം) എന്നിവയാണ് വര്‍ഷാവര്‍ഷം ഏറ്റവും വലിയ വര്‍ധന. എഫ് ആന്‍ഡ് ബി മേഖലയുടെ വളര്‍ച്ചയില്‍ ഏറ്റവും കൂടുതല്‍ സംഭാവന നല്‍കിയത് 41 ശതമാനം, ഹോട്ടലുകള്‍ (35 ശതമാനം), ഇലക്ട്രോണിക്‌സ് (ഒമ്പത് ശതമാനം) എന്നിവയാണ്.

ദുബായ് ഷോപ്പിങ്ങ് ഫെസ്റ്റിവലിലെ ചെലവുകളും ഒന്നിലധികം വില്‍പ്പനയും ഉള്‍പ്പെടെ 2023 ന്റെ ആദ്യ രണ്ട് പാദങ്ങളില്‍ വര്‍ഷാവര്‍ഷം കുതിച്ചുചാട്ടത്തിന്റെ 82 ശതമാനം വരും. 2022 നെ അപേക്ഷിച്ച് ഈ മേഖലയിലെ ടൂറിസ്റ്റ് ചെലവ് 64 ശതമാനം വര്‍ദ്ധിച്ചു. മൊത്തം ഫാഷന്‍ ചെലവിന്റെ ഒരു ശതമാനമായി ഇത് വളര്‍ച്ച തുടരുന്നു. വര്‍ദ്ധിച്ചുവരുന്ന വിനോദസഞ്ചാരികളുടെ എണ്ണവും അഭിവൃദ്ധി പ്രാപിക്കുന്ന ഇ കൊമേഴ്‌സ് വിപണിയും വലിയ പ്രതീക്ഷ നല്‍കുന്നു.