സൗദിയില്‍ ഓണ്‍ലൈന്‍ ഇടപാടുകള്‍ക്ക് പ്രിയമേറുന്നു

ഓണ്‍ലൈന്‍ ഇടപാട് നടത്തുന്നവരുടെ എണ്ണം എല്ലാ രാജ്യങ്ങളിലും വര്‍ദ്ധിച്ചുവരികയാണ്. സൗദിയിലും സ്ഥിതി വ്യത്യസ്തമല്ല. മദ കാര്‍ഡുകള്‍ ഉപയോഗിച്ചുള്ള സൗദി ഇ-കൊമേഴ്സ് വില്‍പ്പന ഫെബ്രുവരിയില്‍ 14.11 ബില്യണ്‍ റിയാലിലെത്തി (3.76 ബില്യണ്‍ ഡോളര്‍). അതായത് 25 ശതമാനം വാര്‍ഷിക വര്‍ദ്ധനവ് രേഖപ്പെടുത്തിയതായി രാജ്യത്തെ സെന്‍ട്രല്‍ ബാങ്ക് വെളിപ്പെടുത്തി. ഓണ്‍ലൈന്‍ ഷോപ്പിംഗ്, ഇന്‍-ആപ്പ് വാങ്ങലുകള്‍, ഇ-വാലറ്റുകള്‍ എന്നിവയിലൂടെയുള്ള ഇടപാടുകള്‍ ഈ കണക്കില്‍ ഉള്‍പ്പെടുന്നു. വിസ, മാസ്റ്റര്‍കാര്‍ഡ്, മറ്റ് ക്രെഡിറ്റ് കാര്‍ഡുകള്‍ എന്നിവ വഴിയുള്ള ഇടപാടുകള്‍ ഒഴിവാക്കിയുള്ള കണക്കാണ് വെളിപ്പെടുത്തിയത്.

സൗദി അറേബ്യയുടെ ദേശീയ കാര്‍ഡ് പേയ്മെന്റ് സ്‌കീമായിട്ടാണ് മദ പ്രവര്‍ത്തിക്കുന്നത്. രാജ്യത്തിനുള്ളില്‍ ഡിജിറ്റല്‍ പേയ്മെന്റുകള്‍ മുന്നോട്ട് കൊണ്ടുപോകാന്‍ ലക്ഷ്യമിട്ടാണ് ഈ കാര്‍ഡ് പേയ്‌മെന്റ് സംവിധാനം നടപ്പിലാക്കിയിരിക്കുന്നത്. പ്രത്യേകിച്ച് ഇ-കൊമേഴ്സ്, വില്‍പ്പന പോയിന്റ്, എടിഎം വളര്‍ച്ച എന്നിവയെ പിന്തുണയ്ക്കാന്‍. കാര്‍ഡ് ഹോള്‍ഡറുടെ ബാങ്ക് അക്കൗണ്ടിലേക്ക് നേരിട്ട് ലിങ്ക് ചെയ്തിരിക്കുന്നതിനാല്‍ വാങ്ങല്‍, പണം പിന്‍വലിക്കല്‍, ഓണ്‍ലൈന്‍ പേയ്മെന്റുകള്‍ എന്നിവയുള്‍പ്പെടെ വിവിധ ആവശ്യങ്ങള്‍ക്കായി തത്സമയവും സുരക്ഷിതവും വിശ്വസനീയവുമായ ഇടപാടുകള്‍ പ്രാപ്തമാക്കുന്നു.

ഇ-കൊമേഴ്സ് ഇടപാടുകളുടെ എണ്ണം വര്‍ഷം തോറും 44 ശതമാനം വര്‍ധിച്ച് ഫെബ്രുവരിയില്‍ 84 ദശലക്ഷത്തിലധികം എത്തി. നിയന്ത്രണ പരിഷ്‌കാരങ്ങള്‍, ശക്തമായ ഇന്റര്‍നെറ്റ് ഇന്‍ഫ്രാസ്ട്രക്ചര്‍, നൂതന ഇ-കൊമേഴ്സ് ബിസിനസുകളുടെ തുടര്‍ച്ചയായ പുരോഗതി എന്നിവ ഇ കൊമേഴ്‌സ് ഇടപാടുകള്‍ക്ക് ആക്കംകൂട്ടി. കഴിഞ്ഞ മൂന്ന് വര്‍ഷത്തിനിടയില്‍, സൗദി അറേബ്യയിലെ ഓണ്‍ലൈന്‍ വില്‍പ്പന വിവിധ വിഭാഗങ്ങളിലായി ഏകദേശം 60 ശതമാനം ഉയര്‍ന്നുവെന്ന് അമേരിക്കന്‍ ഇന്റര്‍നാഷണല്‍ ട്രേഡ് അഡ്മിനിസ്ട്രേഷന്‍ ജനുവരിയിലെ കൊമേഴ്സ്യല്‍ ഗൈഡില്‍ പറയുന്നു. കൂടാതെ, രാജ്യത്തെ ഒരു ഇ-കൊമേഴ്സ് ഉപയോക്താവിന്റെ ശരാശരി ചെലവ് 50 ശതമാനത്തിലധികം വര്‍ദ്ധിച്ചു. 2024 ഓടെ സൗദി അറേബ്യ 33.6 മില്യണ്‍ ഇ-കൊമേഴ്സ് ഉപയോക്താക്കളില്‍ എത്തുമെന്നും 2019 ല്‍ നിന്ന് 42 ശതമാനം വര്‍ധന രേഖപ്പെടുത്തുമെന്നും പ്രതീക്ഷിക്കുന്നു.

15 വയസ്സിന് മുകളിലുള്ള സൗദികളില്‍ 72 ശതമാനം പേര്‍ക്കും ഡിജിറ്റല്‍ ഇടപാടുകള്‍ക്കും ഓണ്‍ലൈന്‍ വാണിജ്യത്തിനുമുള്ള ബാങ്ക് അക്കൗണ്ടുകള്‍ ഉണ്ട്. 2021 ജനുവരിയില്‍ അരങ്ങേറിയ ആമസോണ്‍ പ്രൈം പോലുള്ള പ്രാദേശിക പ്ലാറ്റ്ഫോമുകളുടെ വ്യാപനവും ഇ കൊമേഴ്‌സ് രംഗത്തിന് ഉണര്‍വേകി. ഡിജിറ്റല്‍ ഇടപാട് മേഖലയില്‍ വെല്ലുവിളികളുമുണ്ട്. ഓണ്‍ലൈന്‍ ഹാക്കിങ്ങ് ജനങ്ങള്‍ക്ക് ഭീതിയുളവാക്കുന്ന ഒന്നാണ്. പാസ്വേഡുകള്‍, സാമ്പത്തിക വിശദാംശങ്ങള്‍, വ്യക്തിഗത ഡാറ്റ എന്നിവ പോലുള്ള തന്ത്രപ്രധാനമായ വിവരങ്ങള്‍ ചോര്‍ത്തുന്ന ഹാക്കര്‍മാര്‍ അപകടകാരികളാണ്. ഇതിനെതിരെ ജാഗ്രത പുലര്‍ത്തേണ്ടതാണ്.

ഉപഭോക്തൃ സ്വഭാവത്തില്‍ കാര്യമായ മാറ്റം വരുത്തുകയും പരമ്പരാഗത റീട്ടെയില്‍ ഔട്ട്ലെറ്റുകളെ ബാധിക്കുകയും ചെയ്യുന്ന കോവിഡ് 19 പാന്‍ഡെമിക്കിന്റെ പശ്ചാത്തലത്തില്‍ ഓണ്‍ലൈന്‍ ഷോപ്പിംഗിലേക്കുള്ള മാറ്റം പ്രകടമായി. ഇ-കൊമേഴ്സിന്റെ ഉയര്‍ച്ച അത്യന്താപേക്ഷിതമാണെന്ന് തെളിയിക്കപ്പെട്ടിരിക്കുന്നു. ഉല്‍പ്പന്നങ്ങള്‍ക്ക് ഡിജിറ്റല്‍ ആക്സസ് നല്‍കുകയും മാറിക്കൊണ്ടിരിക്കുന്ന വിപണി പ്രവണതകള്‍ക്കും ഉപഭോക്തൃ മുന്‍ഗണനകള്‍ക്കും അനുയോജ്യമാക്കാന്‍ ബിസിനസുകളെ പ്രാപ്തരാക്കുകയും ചെയ്യുന്നു. രാജ്യത്തിന്റെ മൊത്ത ആഭ്യന്തര ഉല്‍പ്പാദനത്തില്‍ ഡിജിറ്റല്‍ സമ്പദ്വ്യവസ്ഥയുടെ സംഭാവന വര്‍ദ്ധിപ്പിക്കാന്‍ ലക്ഷ്യമിട്ട് സൗദി ഗവണ്‍മെന്റ് വിവിധ സംരംഭങ്ങള്‍ നടപ്പിലാക്കുന്നത് ശുഭകരമാണ്.

വ്യവസായം വികസിക്കുമ്പോള്‍, പുതിയ പേയ്മെന്റ് രീതികള്‍ ഉയര്‍ന്നുവരുന്നു, ഈ നവീകരണങ്ങള്‍ പരിശോധിക്കുന്നതിനും നിയന്ത്രിക്കുന്നതിനുമായി ഒരു സാന്‍ഡ്ബോക്സ് സ്ഥാപിക്കാന്‍ സെന്‍ട്രല്‍ ബാങ്കിനെ പ്രേരിപ്പിക്കുന്നു. പുതിയ സാങ്കേതിക വിദ്യകള്‍ പരീക്ഷിക്കുന്നതിനും അവലംബിക്കുന്നതിനുമുള്ള ഒരു നിര്‍ണായക പ്ലാറ്റ്‌ഫോമായി ഇത് വര്‍ത്തിക്കുന്നു. ഇവ കൂടാതെ, കമ്മ്യൂണിക്കേഷന്‍സ്, സ്പേസ്, ടെക്നോളജി കമ്മീഷന്‍ ഡെലിവറി ആപ്ലിക്കേഷനുകള്‍ക്കും പ്രവര്‍ത്തനങ്ങള്‍ കാര്യക്ഷമമാക്കുന്നതിനും ഇ-കൊമേഴ്സ് ബിസിനസുകള്‍ക്ക് കാര്യക്ഷമത വര്‍ദ്ധിപ്പിക്കുന്നതിനുമായി ഒരു പ്രത്യേക സാന്‍ഡ്ബോക്സ് അവതരിപ്പിച്ചു. 2025 ഓടെ രാജ്യത്തെ ഇ-കൊമേഴ്സ് ഉപയോക്താക്കളുടെ എണ്ണം 34.5 ദശലക്ഷത്തിലെത്തുമെന്ന് പ്രതീക്ഷിക്കുന്നു, ഉപയോക്താക്കളുടെ എണ്ണം  2023 ലെ 66.7 ശതമാനത്തില്‍ നിന്നും വര്‍ധിക്കും. 2027-ഓടെ 74.7 ശതമാനമായി മാറുമെന്നും പ്രതീക്ഷിക്കുന്നു.