ഖത്തറിലെ താമസക്കാർക്ക് പ്രീയം വില്ലകളോട്
- മാര്‍ച്ചില്‍ ഖത്തറിലെ റസിഡന്‍ഷ്യല്‍ ബില്‍ഡിംഗ് പെര്‍മിറ്റുകള്‍ 257 ആയി ഉയര്‍ന്നു
- പുതിയ റസിഡന്‍ഷ്യല്‍ ബില്‍ഡിംഗ് പെര്‍മിറ്റുകളില്‍ 88 ശതമാനവും നല്‍കിയത് വില്ലകള്‍ക്ക്
- അല്‍ റയ്യാന്‍ നഗരത്തിലാണ് ഏറ്റവുമധികം റസിഡന്‍ഷ്യല്‍ പെര്‍മിറ്റുകള്‍ നല്‍കിയിരിക്കുന്നത്
ഖത്തറിലെ ജനങ്ങള്‍ ഭൂരിഭാഗം താമസിക്കാന്‍ ആഗ്രഹിക്കുന്നത് വില്ലകളില്‍. മാര്‍ച്ചില്‍ രാജ്യത്തെ റസിഡന്‍ഷ്യല്‍ ബില്‍ഡിംഗ് പെര്‍മിറ്റുകള്‍ 257 ആയി ഉയര്‍ന്നതായി ഔദ്യോഗിക കണക്കുകള്‍ വ്യക്തമാക്കുന്നു. മുന്‍മാസം ഇത് 193 ആയിരുന്നു. പുതിയ റസിഡന്‍ഷ്യല്‍ ബില്‍ഡിംഗ് പെര്‍മിറ്റുകളില്‍ 88 ശതമാനവും വില്ലകള്‍ക്കാണ് നല്‍കിയിരിക്കുന്നത്. വില്ലകള്‍ക്കാണ് ആവശ്യക്കാര്‍ ഏറെയെന്ന് പ്ലാനിംഗ് ആന്റ് സ്റ്റാറ്റിസ്റ്റിക്‌സ് അതോറിറ്റി വ്യക്തമാക്കുന്നു. 29 അപ്പാര്‍ട്ട്‌മെന്റ് ബില്‍ഡിംഗ് ലൈസന്‍സുകള്‍ക്ക് 11 ശതമാനം വിഹിതം ഉണ്ടായിരുന്നു. മറ്റ് റെസിഡന്‍ഷ്യല്‍ കെട്ടിടങ്ങള്‍ക്ക് ഒരു ശതമാനം വിഹിതവും ഉണ്ടായിരുന്നു. അല്‍ റയ്യാന്‍ നഗരത്തിലാണ് ഏറ്റവുമധികം റസിഡന്‍ഷ്യല്‍ പെര്‍മിറ്റുകള്‍ നല്‍കിയിരിക്കുന്നത്. 210 ബില്‍ഡിംഗ് പെര്‍മിറ്റുകളാണ് ഇവിടെ നല്‍കിരിക്കുന്നത്. 179 പെര്‍മിറ്റുകള്‍ അനുവദിച്ച അല്‍-ദോഹ മുനിസിപ്പാലിറ്റി രണ്ടാം സ്ഥാനത്തും 120 പെര്‍മിറ്റുകളോടെ അല്‍ വക്ര മൂന്നാം സ്ഥാനത്തും എത്തി. അല്‍-ദായെന്‍ 111 പെര്‍മിറ്റുകളോടെ നാലാം സ്ഥാനവും കരസ്ഥമാക്കി. ശേഷിക്കുന്ന മുനിസിപ്പാലിറ്റികളില്‍ 55 അംഗീകാരങ്ങളുള്ള അല്‍-ഖോര്‍, 39-ഉം സ്ലാല്‍, 27-ഉം അല്‍-ഷിഹാനിയ, ആറ് പുറപ്പെടുവിച്ച അല്‍-ഷമ്മാല്‍ എന്നിവ ഉള്‍പ്പെടുന്നു.
റെസിഡന്‍ഷ്യല്‍, നോണ്‍ റെസിഡന്‍ഷ്യല്‍ യൂണിറ്റുകള്‍ക്കുള്ള പുതിയ നിര്‍മ്മാണ ലൈസന്‍സുകള്‍ 42 ശതമാനം ആണെന്ന് കണക്കുകള്‍ സൂചിപ്പിക്കുന്നു. ആ മാസം നല്‍കിയ മൊത്തത്തിലുള്ള കെട്ടിട അനുമതികളില്‍ 310 ക്ലിയറന്‍സുകള്‍ ലഭിച്ചു. കെട്ടിടങ്ങളുടെ എക്‌സറ്റന്‍ഷനായി നല്‍കിയ പെര്‍മിറ്റുകളില്‍ 53 ശതമാനം ഉള്‍പ്പെടും. അതില്‍ 399 ഇഷ്യൂ ചെയ്ത ലൈസന്‍സുകള്‍ ഉള്‍പ്പെടുന്നു. നോണ്‍ റസിഡന്‍ഷ്യല്‍ സ്ട്രക്ചര്‍ ലൈസന്‍സുകളില്‍ മുന്‍നിരയിലെത്തിയത് വര്‍ക്ക്‌ഷോപ്പുകളും ഫാക്ടറികളും ഉള്‍പ്പെടെയുള്ളവയ്ക്കാണ്.