ഇത്തിഹാദ് എയര്വേയ്സില് ക്യാബിന്‍ ക്രൂ റിക്രൂട്ട്‌മെന്റ് ; മലയാളികള്‍ ഉള്‍പ്പെടെയുള്ള പ്രവാസികള്‍ക്ക് തൊഴില്‍ സാധ്യത
- ഈ വര്‍ഷം അവസാനത്തോടെ ആയിരം ക്യാബിന്‍ ക്രൂവിനെ റിക്രൂട്ട് ചെയ്യും
- ഇത്തിഹാദിന്റെ വെബ്‌സൈറ്റ് വഴി ഓണ്‍ലൈനായി അപേക്ഷിക്കാം
- മുന്‍പരിചയമില്ലാത്തവര്‍ക്കും തൊഴിലവസരം
യുഎഇയിലെ മുന്‍നിര വിമാനക്കമ്പനിയായ ഇത്തിഹാദ് എയര്വേയ്സില് ക്യാബിന്‍ ക്രൂ ടീമില്‍ ചേരാന്‍ സുവര്‍ണാവസരം. ഈ വര്‍ഷം അവസാനത്തോടെ ആയിരം ക്യാബിന്‍ ക്രൂ അംഗങ്ങളെ റിക്രൂട്ട് ചെയ്യാനാണ് തീരുമാനിച്ചിരിക്കുന്നത്. ഈ വര്‍ഷം ഇതിനകം തന്നെ ആയിരം പേരെ ജോലിക്ക് നിയമിച്ചിരുന്നു. മലയാളിള്‍ ഉള്‍പ്പെടെയുള്ള പ്രവാസികള്‍ക്ക് മികച്ച അവസരമാണ് കൈവന്നിരിക്കുന്നത്.
താത്പര്യമുള്ള ഉദ്യോഗാര്‍ത്ഥികള്‍ ഇത്തിഹാദിന്റെ വെബ്‌സൈറ്റ് വഴി ഓണ്‍ലൈനായി അപേക്ഷിക്കേണ്ടതാണ്. ഷോട്ട് ലിസ്റ്റ് ചെയ്തവരെ ഇന്റര്‍വ്യൂന് വിളിക്കുന്നതാണ്. ഈ രംഗത്ത് മുന്‍പരിചയം നിര്‍ബന്ധമില്ല. തെരഞ്ഞെടുക്കപ്പെടുന്നവര്‍ക്ക് എയര്‍ലൈനിന്റെ ഹെഡ്ക്വാര്‍ട്ടറിലുള്ള ട്രെയിനിങ്ങ് സെന്ററില്‍ പരിശീലനം നല്‍കുന്നതാണ്. നിലവില്‍ ഇന്ത്യ ഉള്‍പ്പെടെ 112 രാജ്യങ്ങളില്‍ നിന്നുള്ളവര്‍ ഇത്തിഹാദില്‍ ക്യാബിന്‍ ക്രൂവായി ജോലി ചെയ്യുന്നുണ്ട്. ഓപ്പണ്‍ ഡേയില്‍ പങ്കെടുക്കാനും അവസരമുണ്ട്. അബുദാബി,ദുബായ് എന്നിവിടങ്ങളില്‍ കൂടാതെ ഇന്ത്യയില്‍ ജയ്പൂരിലും ഏഥന്‍സ്,മലാഗ,മാഞ്ചസ്റ്റര്‍,കോപ്പന്‍ഹേഗന്‍,വിയന്ന,സിംഗപ്പൂര്‍,നൈസ്,ഡബ്ലിന്‍,ആംസ്റ്റര്‍ഡാം,ബ്രസല്‍സ്,ഡസല്‍ഡോര്‍ഫ്,മിലാന്‍,ജോഹന്നാസ്ബര്‍ഗ്,കേപ്ടൗണ്‍,കൊളംബോ എന്നിവിടങ്ങളിലും ഈ വര്‍ഷം അവസാനം വരെ ഓപ്പണ്‍ ഡേകള്‍ നടക്കും.