നഗര ഭവനങ്ങള്‍ക്ക് മിതമായ നിരക്കില്‍ വായ്പകള്‍
- ആന്ധ്രയ്ക്കും ബീഹാറിനും വികസനത്തിനായി നിരവധി പദ്ധതികള്‍
- ബീഹാറിലെ റോഡ് പദ്ധതികള്‍ക്കായി 26000 കോടി
നഗര ഭവനങ്ങള്‍ക്ക് മിതമായ നിരക്കില്‍ വായ്പകള്‍ ലഭ്യമാക്കാന്‍ പലിശ സബ്സിഡി പദ്ധതിയുമായി സര്‍ക്കാര്‍ മുന്നോട്ടുവരുമെന്ന് ധനമന്ത്രി നിര്‍മ്മല സീതാരാമന്‍. മൂന്നാം മോദി സര്‍ക്കാരിന്റെ ആദ്യ
സമ്പൂര്‍ണ ബജറ്റ് അവതരിപ്പിച്ച് സംസാരിക്കുകയായിരുന്നു മന്ത്രി.
ആന്ധ്രാപ്രദേശിന്റെയും ബീഹാറിന്റെയും വികസനത്തിനായി സര്‍ക്കാര്‍ നിരവധി നടപടികളും ധനമന്ത്രി പ്രഖ്യാപിച്ചു.
ആന്ധ്രയുടെ തലസ്ഥാന നഗരത്തിന്റെ വികസനത്തിന് പ്രത്യേക സാമ്പത്തിക സഹായവും സര്‍ക്കാര്‍ സുഗമമാക്കും.
കൂടാതെ, സ്ത്രീകള്‍ക്കും പെണ്‍കുട്ടികള്‍ക്കും പ്രയോജനപ്പെടുന്ന പദ്ധതികള്‍ക്കായി കേന്ദ്രം 3 ലക്ഷം കോടി രൂപ അനുവദിച്ചു. കൂടാതെ പോളവാരം ജലസേചന പദ്ധതി പൂര്‍ത്തീകരിക്കുന്നതിനും ധനസഹായം നല്‍കുന്നതിനും പൂര്‍ണ്ണമായും പ്രതിജ്ഞാബദ്ധമാണെന്നും പ്രസ്താവിച്ചു. സംസ്ഥാനത്തെ മൂന്ന് ജില്ലകള്‍ക്കുള്ള പിന്നാക്ക മേഖല ഗ്രാന്റും മന്ത്രി പ്രഖ്യാപിച്ചു. കേന്ദ്രത്തില്‍ ബിജെപിയുടെ പ്രധാന സഖ്യകക്ഷിയാണ് തെലുങ്കുദേശം പാര്‍ട്ടി (ടിഡിപി).
ബീഹാറിലെ റോഡ് പദ്ധതികള്‍ക്കായി 26000 കോടിരൂപയുടെ പദ്ധതിയാണ് പ്രഖ്യാപിച്ചത്. ബീഹാര്‍, ആസാം, ഹിമാചല്‍ പ്രദേശ്, ഉത്തരാഖണ്ഡ്, സിക്കിം എന്നീ സംസ്ഥാനങ്ങള്‍ പ്രളയ സഹായ പദ്ധതികളും പ്രഖ്യാപിച്ചു.
ആന്ധ്രാപ്രദേശില്‍ നിന്നുള്ള രാഷ്ട്രീയ പാര്‍ട്ടികള്‍ 2014 മുതല്‍ സംസ്ഥാനത്തിന് പ്രത്യേക കാറ്റഗറി പദവി ആവശ്യപ്പെട്ട് വീണ്ടും വീണ്ടും പ്രതിഷേധിച്ചിരുന്നു.
പ്രത്യേക കാറ്റഗറി സ്റ്റാറ്റസ് എന്നത് നികുതി ആനുകൂല്യങ്ങളുടെയും മേഖലയുടെ വികസനത്തിന് സാമ്പത്തിക പിന്തുണയുടെയും രൂപത്തില്‍ പ്രത്യേക സഹായം നല്‍കുന്നതിന് കേന്ദ്ര ഗവണ്‍മെന്റ് പ്രദേശങ്ങളെയോ സംസ്ഥാനങ്ങളെയോ തരംതിരിക്കുന്നതാണ്.
30 ലക്ഷത്തിലധികം ജനസംഖ്യയുള്ള വലിയ നഗരങ്ങള്‍ക്കായി ട്രാന്‍സിറ്റ് അധിഷ്ഠിത വികസന പദ്ധതികള്‍ ധനമന്ത്രി നിര്‍ദ്ദേശിക്കുന്നു.
സ്വകാര്യമേഖലയുടെ ഉല്‍പ്പാദനക്ഷമത നേട്ടങ്ങള്‍, ബിസിനസ് അവസരങ്ങള്‍, നവീകരണം എന്നിവയ്ക്കായി ഡിജിറ്റല്‍ പബ്ലിക് ഇന്‍ഫ്രാ ആപ്ലിക്കേഷന്‍ വികസിപ്പിക്കാനും സര്‍ക്കാര്‍ നിര്‍ദ്ദേശം.