ഇന്ന് കേന്ദ്ര ബജറ്റ്, വിപണി കുതിക്കുമോ?

ബജറ്റ് ദിനമായ ഇന്ന് ഓഹരി വിപണി  ചാഞ്ചാട്ടത്തിലായിരിക്കും. ആഗോള വിപണിയിലെ ദുർബലമായ സൂചനകൾക്കിടയിലും ഇന്ത്യൻ ഓഹരി വിപണി സൂചികകളായ സെൻസെക്സും നിഫ്റ്റിയും  ജാഗ്രതയോടെ തുറക്കും.

ഗിഫ്റ്റ് നിഫ്റ്റി ഇടിവിലാണ്. കനേഡിയൻ, മെക്സിക്കൻ, ചൈനീസ് ഉൽപ്പന്നങ്ങളുടെ ഇറക്കുമതിക്ക് പ്രസിഡന്റ് ഡൊണാൾഡ് ട്രംപ് തീരുവ ചുമത്തുമെന്നതിനാൽ ഏഷ്യൻ വിപണികൾ സമ്മിശ്രമായി അവസാനിച്ചു.  യുഎസ് ഓഹരി വിപണി വെള്ളിയാഴ്ച ഇടിഞ്ഞു. പ്രതിരോധം, റെയിൽവേ, അടിസ്ഥാന സൗകര്യങ്ങൾ, ബാങ്കുകൾ തുടങ്ങിയ പ്രധാന മേഖലകൾ നിക്ഷേപകരുടെ ശ്രദ്ധ ആകഷിക്കും. ചരിത്രപരമായി, ബജറ്റ് ദിനത്തിൽ നിഫ്റ്റി  2-3% പരിധിക്കുള്ളിൽ ഒരു ദിവസത്തെ ഏറ്റക്കുറച്ചിലുകൾ പ്രകടിപ്പിച്ചിട്ടുണ്ട്. ഇത്  അവസരങ്ങളും അപകടസാധ്യതകളും ഒരു പോലെ  പ്രദാനം ചെയ്യുന്നു.

ഗിഫ്റ്റ് നിഫ്റ്റി 

ഗിഫ്റ്റ് നിഫ്റ്റി ഏകദേശം 23,533 ലെവലിൽ വ്യാപാരം തുടരുന്നു. നിഫ്റ്റി ഫ്യൂച്ചേഴ്‌സിന്റെ മുൻ ക്ലോസിനേക്കാൾ ഏകദേശം 87 പോയിന്റിന്റെ ഇടിവ്. ഇത് ഇന്ത്യൻ ഓഹരി വിപണി സൂചികകൾക്ക് ദുർബലമായ തുടക്കത്തെ സൂചിപ്പിക്കുന്നു.

ഏഷ്യൻ വിപണികൾ

വെള്ളിയാഴ്ച ഏഷ്യൻ വിപണികൾ സമ്മിശ്രമായി അവസാനിച്ചു, ജപ്പാനിലെ നിക്കി 0.15% നേട്ടമുണ്ടാക്കി, ദക്ഷിണ കൊറിയയുടെ കോസ്പി 0.77% നഷ്ടത്തിൽ അവസാനിച്ചു. അവധി ദിവസങ്ങൾ കാരണം ചൈനയിലെയും ഹോങ്കോങ്ങിലെയും വിപണികൾ അടവായിരുന്നു.

വാൾസ്ട്രീറ്റ്

 വെള്ളിയാഴ്ച യുഎസ് ഓഹരി വിപണി താഴ്ന്നു. ഡൗ ജോൺസ് വ്യാവസായിക ശരാശരി 337.47 പോയിന്റ് അഥവാ 0.75% ഇടിഞ്ഞ് 44,544.66 ലെത്തി. എസ് ആൻറ് പി 30.64 പോയിന്റ് അഥവാ 0.50% ഇടിഞ്ഞ് 6,040.53 ലെത്തി. നാസ്ഡാക്ക് കോമ്പോസിറ്റ് 54.31 പോയിന്റ് അഥവാ 0.28% താഴ്ന്ന് 19,627.44 ൽ ക്ലോസ് ചെയ്തു.

എൻവിഡിയ ഓഹരി വില 3.7% ഇടിഞ്ഞപ്പോൾ ആപ്പിൾ ഓഹരികൾ 0.7% ഇടിഞ്ഞു, ആമസോൺ ഓഹരി വില 1.3% ഉയർന്നു. ടെസ്‌ല ഓഹരി വില 1.1% ഉയർന്നു, ഷെവ്‌റോൺ ഓഹരികൾ 4.56% ഇടിഞ്ഞു.

ഇന്ത്യൻ വിപണി

തുടർച്ചയായ നാലാം ദിവസവും നേട്ടം നിലനിർത്തി വിപണി. സെൻസെക്സ് 740.76 പോയിന്റ് അഥവാ 0.97 ശതമാനം ഉയർന്ന് 77,500.57 എന്ന നിലയിൽ ക്ലോസ് ചെയ്തു. എൻ‌എസ്‌ഇ നിഫ്റ്റി 258.90 പോയിന്റ് അഥവാ 1.11 ശതമാനം ഉയർന്ന് 23,508.40 ലെത്തി. മൂന്നാം പാദ ഫലങ്ങളും സാമ്പത്തിക സർവേ വളർച്ചയ്ക്ക് അനുകൂലമായ ബജറ്റ് പ്രവചനങ്ങളുമാണ് വിപണി നേട്ടത്തിലെത്താൻ കാരണമായത്.ഇൻഡസ്ഇൻഡ് ബാങ്ക്, ടൈറ്റാൻ, ടാറ്റ മോട്ടോഴ്‌സ്, ടാറ്റ സ്റ്റീൽ, ഐടിസി, മാരുതി എന്നിവ വിപണിയിൽ നേട്ടം കൈവരിച്ചപ്പോൾ ഐടിസി ഹോട്ടലുകൾ, ഭാരതി എയർടെൽ, ബജാജ് ഫിൻസെർവ്, ബജാജ് ഫിനാൻസ്, ഐസിഐസിഐ ബാങ്ക് എന്നി ഓഹരികൾ നഷ്ടത്തിൽ വ്യാപാരം അവസാനിപ്പിച്ചു.

കൺസ്യൂമർ ഡ്യൂറബിൾസ്, ഓയിൽ ആൻഡ് ഗ്യാസ്, പവർ, പിഎസ്‌യു, റിയൽറ്റി, എഫ്എംസിജി സൂചികകൾ 2 ശതമാനം വീതം ഉയർന്നപ്പോൾ, ക്യാപിറ്റൽ ഗുഡ്സ് സൂചിക 4 ശതമാനം ഉയർന്നു. ബിഎസ്ഇ മിഡ്‌ക്യാപ്പ്, സ്‌മോൾക്യാപ്പ് സൂചികകൾ 2 ശതമാനം വീതം നേട്ടമുണ്ടാക്കി

പിന്തുണയും പ്രതിരോധവും

നിഫ്റ്റി 

പിവറ്റ് പോയിന്റുകളെ അടിസ്ഥാനമാക്കിയുള്ള പ്രതിരോധം: 23,547, 23,611, 23,714

പിന്തുണ: 23,341, 23,278, 23,175

ബാങ്ക് നിഫ്റ്റി

പിവറ്റ് പോയിന്റുകളെ അടിസ്ഥാനമാക്കിയുള്ള പ്രതിരോധം: 49,677, 49,829, 50,074

പിന്തുണ: 49,186, 49,034, 48,788

പുട്ട്-കോൾ അനുപാതം

മാർക്കറ്റിന്റെ മാനസികാവസ്ഥയെ സൂചിപ്പിക്കുന്ന നിഫ്റ്റി പുട്ട്-കോൾ അനുപാതം (PCR), ജനുവരി 31 ന് മുൻ സെഷനിലെ 0.97 ലെവലിൽ നിന്ന് 1.01 ആയി ഉയർന്നു.

സ്വർണ്ണ വില

വെള്ളിയാഴ്ച സ്വർണ്ണ വില ആദ്യമായി 2,800 ഡോളർ എന്ന പ്രധാന മാർക്കിനെ മറികടന്നു. സ്പോട്ട് ഗോൾഡ് ഔൺസിന് 0.25% ഉയർന്ന് 2,801.൦൦ ഡോളർ ആയി. യുഎസ് സ്വർണ്ണ ഫ്യൂച്ചറുകൾ 0.4% കുറഞ്ഞ് 2,835 ഡോളറിൽ ൽ ക്ലോസ് ചെയ്തു.

 ഇന്ന് ഫലം പ്രഖ്യാപിക്കുന്ന കമ്പനികൾ

ആരതി ഇൻഡസ്ട്രീസ്, അനന്ത് രാജ്, അപെക്സ് ഫ്രോസൺ ഫുഡ്സ്, ജി ആർ ഇൻഫ്രാപ്രൊജക്റ്റ്സ്, ജയ്പ്രകാശ് പവർ വെഞ്ച്വേഴ്സ്, നിയോജൻ കെമിക്കൽസ്, വിനതി ഓർഗാനിക്സ്, വിൻഡ്സർ മെഷീൻസ് എന്നിവ ഫെബ്രുവരി 1 ന് അവരുടെ ത്രൈമാസ വരുമാനം പ്രഖ്യാപിക്കും.

ഇന്ന് ശ്രദ്ധിക്കേണ്ട ഓഹരികൾ

ടാറ്റ പവർ

രാജസ്ഥാനിലുടനീളം സോളാർ വൈദ്യുതിക്കായി  കമ്പനിയുടെ അനുബന്ധ സ്ഥാപനമായ ടാറ്റ പവർ റിന്യൂവബിൾ എനർജി, ജയ്പൂർ വിദ്യുത് വിത്രാൻ നിഗം, അജ്മീർ വിദ്യുത് വിത്രാൻ നിഗം, ജോധ്പൂർ വിദ്യുത് വിത്രാൻ നിഗം ​​എന്നിവയുൾപ്പെടെ രാജസ്ഥാനിലെ വിതരണ കമ്പനികളുമായി  ധാരണാപത്രം (എംഒയു) ഒപ്പുവച്ചു.

ഹീറോ മോട്ടോകോർപ്പ്

 മെയ് 1 മുതൽ എക്സിക്യൂട്ടീവ് ഡയറക്ടർ വിക്രം കാസ്ബേക്കറെ കമ്പനിയുടെ ആക്ടിംഗ് ചീഫ് എക്സിക്യൂട്ടീവ് ഓഫീസർ (സിഇഒ) ആയി നിയമിക്കുന്നതിന് ബോർഡ് അംഗീകാരം നൽകി.  നിരഞ്ജൻ ഗുപ്ത 2025 ഏപ്രിൽ 30 മുതൽ കമ്പനിയുടെ സിഇഒ സ്ഥാനം ഒഴിഞ്ഞു.

വാരീ എനർജിസ്

കമ്പനിയുടെ അനുബന്ധ സ്ഥാപനമായ വാരീ ക്ലീൻ എനർജി സൊല്യൂഷൻസിന് ഇന്ത്യയിൽ പ്രതിവർഷം 90,000 മെട്രിക് ടൺ ഗ്രീൻ ഹൈഡ്രജൻ ഉൽപ്പാദന കേന്ദ്രം സ്ഥാപിക്കുന്നതിന് സോളാർ എനർജി കോർപ്പറേഷൻ ഓഫ് ഇന്ത്യയിൽ നിന്ന്  വിജ്ഞാപനം ലഭിച്ചു.

യുപിഎൽ

 മുപ്പത്തിമൂന്ന് വർഷത്തെ സേവനത്തിനുശേഷം യുപിഎൽ ഗ്രൂപ്പിന്റെ വൈസ് ചെയർമാനായി രാജേന്ദ്ര ദാരക് വിരമിച്ചു.

കെപിഐ ഗ്രീൻ എനർജി

കമ്പനിയും അതിന്റെ പൂർണ ഉടമസ്ഥതയിലുള്ള അനുബന്ധ സ്ഥാപനമായ കെപിഐജി എനർജിയയും ക്യാപ്റ്റീവ് പവർ പ്രൊഡ്യൂസർ (സിപിപി) വിഭാഗത്തിന് കീഴിലുള്ള  ക്ലയന്റുകൾക്കായി മൊത്തം 40.16 മെഗാവാട്ട് പുനരുപയോഗ ഊർജ്ജ പദ്ധതികൾ വിജയകരമായി വികസിപ്പിക്കുകയും കമ്മീഷൻ ചെയ്യുകയും ചെയ്തു.

കെയ്‌ൻസ് ടെക്‌നോളജി

കമ്പനിയുടെ ഡെപ്യൂട്ടി ചീഫ് ഫിനാൻഷ്യൽ ഓഫീസർ സ്ഥാനത്ത് നിന്ന് ആർ ബാലസുബ്രഹ്മണ്യൻ രാജിവച്ചു.

നെസ്‌ലെ ഇന്ത്യ

കമ്പനി ഗുജറാത്തിലെ സനന്ദ് ഫാക്ടറിയിൽ ഒരു പുതിയ കിറ്റ്കാറ്റ് ഉൽപ്പാദന യൂണിറ്റ് ആരംഭിച്ചു. 

ഓയിൽ ഇന്ത്യ

ഓയിൽ ഇന്ത്യയുടെ പൂർണ ഉടമസ്ഥതയിലുള്ള ഉപസ്ഥാപനമായി ഓയിൽ ഗ്രീൻ എനർജി സംയോജിപ്പിച്ചു..