ഇന്ത്യൻ ഓഹരി വിപണി തുടർച്ചയായ നാലാം ദിവസവും നേട്ടത്തിൽ വ്യാപാരം അവസാനിപ്പിച്ചു. ഫെബ്രുവരി 13 ന് ശേഷം ആദ്യമായി സെൻസെക്സ് 76000 പോയിന്റ് തിരിച്ചുപിടിച്ചപ്പോൾ, നിഫ്റ്റി 23000 പോയിന്റിലെത്തി. സെൻസെക്സ് 899 പോയിന്റ് അഥവാ 1.19 ശതമാനം ഉയർന്ന് 76,348 ൽ ക്ലോസ് ചെയ്തു. നിഫ്റ്റി 283 പോയിന്റ് അഥവാ 1.24 ശതമാനം ഉയർന്ന് 23,190.65 ൽ ക്ലോസ് ചെയ്തു.
സെൻസെസ് ഓഹരികൾ ( Top Gainers, Losers )
സെൻസെക്സ് ഓഹരികളിൽ 27 ഓഹരികൾ ഇന്ന് നേട്ടത്തിൽ ക്ലോസ് ചെയ്തു. ഭാരതി എയർടെൽ, എച്ച്ഡിഎഫ്സി ബാങ്ക്, ആർഐഎൽ, ഇൻഫോസിസ്, ടിസിഎസ്, ഐസിഐസിഐ ബാങ്ക്, ടൈറ്റാൻ, എം ആൻഡ് എം എന്നിവ നേട്ടമുണ്ടാക്കിയപ്പോൾ ബജാജ് ഫിനാൻസ്, ഇൻഡസ്ഇൻഡ് ബാങ്ക്, അൾട്രാടെക് സിമന്റ് എന്നിവ നഷ്ടത്തിൽ വ്യാപാരം അവസാനിപ്പിച്ചു.
നിഫ്റ്റി 50 ( Top Gainers, Losers )
നിഫ്റ്റിയിൽ 44 ഓഹരികൾ ഇന്ന് നേട്ടത്തിൽ ക്ലോസ് ചെയ്തു. ഭാരതി എയർടെൽ, ടൈറ്റാൻ, ഐഷർ മോട്ടോഴ്‌സ്, ബജാജ് ഓട്ടോ, ബ്രിട്ടാനിയ, ബിപിസിഎൽ, ബിഇഎൽ എന്നിവയാണ് ഏറ്റവും കൂടുതൽ നേട്ടമുണ്ടാക്കിയത്‌. അതേസമയം ഇൻഡസ്ഇൻഡ് ബാങ്ക്, ബജാജ് ഫിനാൻസ്, ട്രെന്റ്, ശ്രീറാം ഫിനാൻസ് എന്നിവ ഇടിവ് നേരിട്ടു.
സെക്ടറൽ സൂചിക
എല്ലാ സെക്ടറൽ സൂചികകളും ഇന്ന് നേട്ടത്തിലാണ് വ്യാപാരം അവസാനിപ്പിച്ചത്. മെറ്റൽ, മീഡിയ, ഐടി, എഫ്എംസിജി, ഓട്ടോ, കൺസ്യൂമർ ഡ്യൂറബിൾസ്, റിയൽറ്റി, ടെലികോം എന്നീ സൂചികകൾ ഒരു ശതമാനം വീതം ഉയർന്നു.
ബിഎസ്ഇ മിഡ്ക്യാപ് സൂചിക 0.61 ശതമാനവും സ്മോൾക്യാപ് സൂചിക 0.73 ശതമാനം ഉയർന്നു. ഇന്ത്യ വിക്സ് -5.22 ശതമാനം ഇടിഞ്ഞ് 12.60 ൽ എത്തി.
ആഗോള വിപണികൾ
ഏഷ്യൻ വിപണികളിൽ സിയോൾ പോസിറ്റീവ് ആയി നിലനിന്നപ്പോൾ ഷാങ്ഹായും ഹോങ്കോങ്ങും താഴ്ന്ന നിലയിലായിരുന്നു. ജപ്പാന്റെ നിക്കി അവധിയായിരുന്നു. യൂറോപ്യൻ ഓഹരി വിപണികൾ താഴ്ന്ന നിലയിലായിരുന്നു വ്യാപാരം. ബുധനാഴ്ച യുഎസ് വിപണികൾ ഉയർന്ന നിലയിലായിരുന്നു.
ആഗോള എണ്ണ മാനദണ്ഡമായ ബ്രെന്റ് ക്രൂഡ് 0.32 ശതമാനം ഉയർന്ന് ബാരലിന് 71.01 ഡോളറിലെത്തി. യുഎസ് ഡോളറിനെതിരെ രൂപയുടെ മൂല്യം ഒരു പൈസ ഉയർന്ന് 86.36 ൽ ക്ലോസ് ചെയ്തു.