വിപണിയില്‍ ബുള്‍ റണ്‍, സെന്‍സെക്‌സ് 1,131 പോയിന്റ് ഉയര്‍ന്നു
രണ്ടാം ദിവസവും വിപണി നേട്ടത്തില്‍;
കഴിഞ്ഞ ദിവസത്തെ റാലി നീട്ടികൊണ്ട്, ബിഎസ്ഇ സെന്‍സെക്‌സ് 1,131.31 പോയിന്റ് അഥവാ 1.53 ശതമാനം ഉയര്‍ന്ന് 75,301.26 ല്‍ ക്ലോസ് ചെയ്തു. എന്‍എസ്ഇ നിഫ്റ്റി 325.55 പോയിന്റ് അഥവാ 1.45 ശതമാനം ഉയര്‍ന്ന് 22,834.30 ലെത്തി.
സെന്‍സെക്‌സ് ഓഹരികളില്‍, സൊമാറ്റോ 7 ശതമാനത്തിലധികം ഉയര്‍ന്നു. ഐസിഐസിഐ ബാങ്ക്, മഹീന്ദ്ര ആന്റ് മഹീന്ദ്ര, ടാറ്റ മോട്ടോഴ്സ്, ലാര്‍സന്‍ ആന്റ് ട്യൂബ്രോ, ഏഷ്യന്‍ പെയിന്റ്സ്, ടൈറ്റാന്‍, കൊട്ടക് മഹീന്ദ്ര ബാങ്ക്, സ്റ്റേറ്റ് ബാങ്ക് ഓഫ് ഇന്ത്യ എന്നിവ നേട്ടമുണ്ടാക്കി.
ബജാജ് ഫിന്‍സെര്‍വ്, ഭാരതി എയര്‍ടെല്‍, ടെക് മഹീന്ദ്ര, റിലയന്‍സ് ഇന്‍ഡസ്ട്രീസ് എന്നിവ പിന്നിലായിരുന്നു.
ഏഷ്യന്‍ വിപണികളില്‍, സിയോള്‍, ടോക്കിയോ, ഷാങ്ഹായ്, ഹോങ്കോംഗ് എന്നിവ പോസിറ്റീവ് മേഖലയില്‍ സ്ഥിരത നേടി.
യൂറോപ്യന്‍ വിപണികള്‍ നേട്ടത്തോടെ വ്യാപാരം നടത്തി. യുഎസ് വിപണികള്‍ തിങ്കളാഴ്ച ഉയര്‍ന്ന നിലയില്‍ അവസാനിച്ചു.
'ആഗോളതലത്തില്‍ സൂചികകള്‍ ശക്തമായ വീണ്ടെടുക്കലിന് സാക്ഷ്യം വഹിച്ചു. യുഎസില്‍ നിന്നും ചൈനയില്‍ നിന്നുമുള്ള മെച്ചപ്പെട്ട റീട്ടെയില്‍ വില്‍പ്പന ഡാറ്റ, നിക്ഷേപകരുടെ ആത്മവിശ്വാസം വര്‍ദ്ധിപ്പിച്ചു. മിഡ്, സ്‌മോള്‍ ക്യാപ് ഓഹരികള്‍ മികച്ച പ്രകടനം കാഴ്ചവച്ചു. എല്ലാ പ്രധാന മേഖലകളും നേട്ടങ്ങള്‍ രേഖപ്പെടുത്തി.
ആഭ്യന്തര വരുമാനത്തിലെ പ്രതീക്ഷിച്ച തിരിച്ചുവരവ്, ഡോളര്‍ സൂചികയിലെ സമീപകാല ഇടിവ്, ക്രൂഡ് ഓയില്‍ വിലയിലെ കുറവ് എന്നിവ ഈ വീണ്ടെടുക്കലിനെ പിന്തുണച്ചു,' ജിയോജിത് ഫിനാന്‍ഷ്യല്‍ സര്‍വീസസിന്റെ ഗവേഷണ മേധാവി വിനോദ് നായര്‍ പറഞ്ഞു.
ആഗോള എണ്ണ മാനദണ്ഡമായ ബ്രെന്റ് ക്രൂഡ് ഓയില്‍ 1.48 ശതമാനം ഉയര്‍ന്ന് ബാരലിന് 72.12 യുഎസ് ഡോളറിലെത്തി.
വിദേശ സ്ഥാപന നിക്ഷേപകര്‍ (എഫ്‌ഐഐ) തിങ്കളാഴ്ച 4,488.45 കോടി രൂപയുടെ ഓഹരികള്‍ വിറ്റഴിച്ചു. ആഭ്യന്തര സ്ഥാപന നിക്ഷേപകര്‍ (ഡിഐഐ) 6,000.60 കോടി രൂപയുടെ ഓഹരികള്‍ വാങ്ങി.