വിപണി ഇന്നും നേട്ടത്തിൽ: 25,000 ലേക്ക് നിഫ്റ്റി

ആഭ്യന്തര സൂചികകൾ ഇന്ന് വ്യപാരം ആരംഭിച്ചത് നേട്ടത്തോടെയാണ്. തുടർച്ചയായി നാലാം ദിവസമാണ് സൂചികകൾ നേട്ടത്തോടെ വ്യാപാരം ആരംഭിക്കുന്നത്. ബാങ്ക് ഓഹരികളിൽ കുതിപ്പ് സൂചികകൾക്ക് താങ്ങായി. സെൻസെക്‌സ് 116.94 പോയിൻ്റ് ഉയർന്ന് 81,572.34 ലും നിഫ്റ്റി 33.75 പോയിൻ്റ് ഉയർന്ന് 24,891.05 ലുമാണ് വ്യാപാരം ആരംഭിച്ചത്.

സെൻസെക്സിൽ എൻടിപിസി, ഏഷ്യൻ പെയിൻ്റ്‌സ്, ജെഎസ്ഡബ്ല്യു സ്റ്റീൽ, ഭാരതി എയർടെൽ, ഐടിസി, ഐസിഐസിഐ ബാങ്ക്, അദാനി പോർട്ട്‌സ്, ടെക് മഹീന്ദ്ര തുടങ്ങിയ ഓഹരികൾ നേട്ടത്തിലാണ്. പവർ ഗ്രിഡ്, ടാറ്റ മോട്ടോഴ്‌സ്, ഇൻഡസ്ഇൻഡ് ബാങ്ക്, ആക്‌സിസ് ബാങ്ക്, റിലയൻസ് ഇൻഡസ്‌ട്രീസ്, കൊട്ടക് മഹീന്ദ്ര ബാങ്ക് തുടങ്ങിയ ഓഹരികൾ ഇടിഞ്ഞു.

ഏഷ്യൻ വിപണികളിൽ ഷാങ്ഹായ്, ഹോങ്കോംഗ്, സിയോൾ എന്നിവ നേട്ടത്തോടെ വ്യാപാരം തുടരുന്നു. ടോക്കിയോ ഇടിവിലാണ്. യുഎസ് വിപണികൾ ചൊവ്വാഴ്ച സമ്മിശ്ര വ്യാപാരത്തോടെയാണ് ക്ലോസ് ചെയ്തത്.

അസ്ഥിരത അളക്കുന്ന ഇന്ത്യ വിക്സ് സൂചിക 9 ശതമാനം ഇടിഞ്ഞ് 11.5 ലെത്തി. സെക്ടറൽ സൂചികകളിൽ നിഫ്റ്റി മെറ്റലും നിഫ്റ്റി റിയാലിറ്റിയും മികച്ച നേട്ടത്തിലാണ്.

ബ്രെൻ്റ് ക്രൂഡ് 1.49 ശതമാനം ഉയർന്ന് ബാരലിന് 79.80 ഡോളറിലെത്തി. വിദേശ നിക്ഷേപ സ്ഥാപനങ്ങൾ ചൊവ്വാഴ്ച 5,598.64 കോടി രൂപയുടെ ഓഹരികൾ വിറ്റു. സ്വർണം ട്രോയ് ഔൺസിന് 0.43 ശതമാനം 2463 ഡോളറിലെത്തി. യുഎസ് ഡോളറിനെതിരെ രൂപയുടെ മൂല്യം 2 പൈസ ഉയർന്ന് 83.71 ലെത്തി.