ലാഭക്ഷമത ഇടിയുന്നു; ഗീരി പൈയുടെ ബാങ്ക് വായ്പ ‘ഡി’ യിലേക്ക് താഴ്ത്തി ക്രിസിൽ

കൊച്ചി: റീട്ടെയിൽ ഗോൾഡ് ജ്വല്ലറി എന്നത് കേരളത്തിലെ ഒരു സാധാരണ ബിസിനസ്സ് വിഭാഗമാണ്; അവിടെ മുൻകാലങ്ങളിലെ പ്രശസ്തരായ റീട്ടെയിൽ കളിക്കാരിൽ ഭുരിഭാഗത്തേയും വിസ്മൃതിയിലേക്ക് ഒതുക്കിക്കൊണ്ട് പുതിയ പേരുകൾ രംഗത്തെത്തിയിട്ടുണ്ട്..

കഴിഞ്ഞ ഏതാനും പതിറ്റാണ്ടുകളായി വ്യത്യസ്‌ത നടപടികളിലൂടെ കേരളത്തിലെമ്പാടും ഈ പ്രവണത പ്രകടമാണെങ്കിലും, ഈ പരിവർത്തനം ഏറ്റവും വ്യക്തമായി കാണാനാവുന്നത് സ്വർണ്ണ നഗരമെന്നു പേരുകേട്ട  തൃശ്ശൂരിലാണ്. 

ഇതിനിടയിലും കൊച്ചി ആസ്ഥാനമായുള്ള എ ഗീരി പൈ ഗോൾഡ് ആൻഡ് ഡയമണ്ട്‌സ് (എജിപിജിഡി) ഇപ്പോഴും റീട്ടെയിൽ ജ്വല്ലറി ബിസിനസിൽ അറിയപ്പെടുന്ന പേരായി തുടരുകയാണ്. എന്നാൽ നിലവിലെ പ്രവർത്തനങ്ങളുടെ തോതും ലാഭത്തിന്റെ നിലവാരവും ഗ്രൂപ്പിന്റെ പാരമ്പര്യത്തെ നിരാകരിക്കുന്നതായാണ് കാണാനാവുന്നത്..

1980-ൽ ഒരു പാർട്ണർഷിപ്പ് സ്ഥാപനമായി സ്ഥാപിതമായ, 45 വർഷത്തിനടുത്ത് ബിസിനസിൽ പാരമ്പര്യമുണ്ടെന്നു  അഭിമാനിക്കുന്ന ഗീരി പൈക്ക് 2021-22 സാമ്പത്തിക വർഷത്തിൽ നേടാനായത് വെറും 7 ലക്ഷം രൂപയുടെ തുച്ഛമായ അറ്റാദായം മാത്രമാണ്.

പ്രമുഖ റേറ്റിംഗ് ഏജൻസിയായ ക്രിസിൽ പ്രസിദ്ധീകരിച്ച ഒരു രേഖ പ്രകാരം ഒരു വർഷം മുമ്പ് കമ്പനി റിപ്പോർട്ട് ചെയ്ത 4 ലക്ഷം രൂപയേക്കാൾ ഇത് നേരിയ തോതിൽ മികച്ചതാണ്.

റേറ്റിങ് തരംതാഴ്ത്തി

ക്രിസിൽ റേറ്റിംഗ്സ് അടുത്തിടെ ഗിരി പൈയുടെ ദീർഘകാല ബാങ്ക് കടങ്ങളെ 'ഡി' ('CRISIL-D') ആയി തരംതാഴ്ത്തി; ഇത് സമയബന്ധിതമായ പേയ്‌മെന്റ് സംബന്ധിച്ച ഏറ്റവും കുറഞ്ഞ സുരക്ഷയെ പ്രതിനിധീകരിക്കുന്നു, മറ്റൊരു രീതിയിൽ പറഞ്ഞാൽ തിരിച്ചടവിൽ വീഴ്ച വരുത്തുമ്പോഴാണ് ക്രീസിൽ 'ഡി' റേറ്റിങ് നൽകാറുള്ളത്. നേരത്തെ കമ്പനിക്കുണ്ടായിരുന്ന 'CRISIL B+/Stable'-ൽ നിന്നാണ് ഈ തരാം താഴ്ത്തൽ എന്നത് വളരെ ഗൗരവമർഹിക്കുന്നു. 

കൂടാതെ, കമ്പനിയുടെ അഭ്യർത്ഥന പ്രകാരം ക്രിസിൽ റേറ്റിംഗ്സ് 6.74 കോടി രൂപയുടെ ഫണ്ട് അധിഷ്ഠിത ബാങ്ക് പരിധിയുടെ റേറ്റിംഗ് പിൻവലിച്ചു. “ഇത് ബാങ്ക് ലോൺ റേറ്റിംഗുകൾ പിൻവലിക്കുന്നതിനുള്ള CRISIL റേറ്റിംഗ് നയത്തിന് അനുസൃതമാണ്," എന്ന് ക്രീസിൽ പുറത്തിറക്കിയ പ്രസ്താവനയിൽ പറയുന്നു.

"വരുമാനത്തിലുണ്ടായ ഇടിവിനെത്തുടർന്ന് പണലഭ്യതയിലുണ്ടായ ബുദ്ധിമുട്ട് കാരണം 2023 ജനുവരി മുതൽ 2023 മാർച്ച് വരെയുള്ള കാലയളവിലെ ടേം ലോണിന്റെ അക്കൗണ്ടിലെ കടബാധ്യതകൾ നിറവേറ്റുന്നതിലെ കാലതാമസമാണ് റേറ്റിംഗ് നടപടി പ്രതിഫലിപ്പിക്കുന്നത്," ക്രിസിൽ വിശദീകരിച്ചു.

നിലവിലെ റേറ്റിംഗ്, ഗിരി പൈയുടെ മിതമായ പ്രവർത്തനങ്ങളും വലിയ പ്രവർത്തന മൂലധന ആവശ്യകതയും ശരാശരിക്ക് താഴെയുള്ള സാമ്പത്തിക റിസ്ക് പ്രൊഫൈലും പ്രതിഫലിപ്പിക്കുന്നതായി ക്രിസിൽ അതിന്റെ കുറിപ്പിൽ കൂട്ടിച്ചേർത്തു.

എന്നിരുന്നാലും, ജ്വല്ലറി വ്യവസായത്തിലെ പങ്കാളികളുടെ വിപുലമായ അനുഭവസമ്പത്ത്  ഈ ബലഹീനതകൾ ഭാഗികമായി നികത്തുന്നതായി റേറ്റിംഗ് ഏജൻസി അഭിപ്രായപ്പെട്ടിട്ടുണ്ട്..

ഗിരി പൈയുടെ ദുർബലമായ പണലഭ്യത സമയ ബന്ധിതമായ വായ്പ ബാധ്യതകൾ തിരിച്ചടയ്ക്കുന്നതിലെ കാലതാമസത്തിൽ പ്രതിഫലിക്കുന്നതായി ക്രിസിൽ കൂട്ടിച്ചേർത്തു. “റീട്ടെയിൽ ജ്വല്ലറി വിപണിയിൽ നിലനിൽക്കുന്ന തീവ്രമായ മത്സരം ഗ്രൂപ്പിന്റെ സ്കേലബിളിറ്റി, വിലനിർണ്ണയ വഴക്കം, ലാഭം എന്നിവയെ പരിമിതപ്പെടുത്തുന്നു,” അതിൽ പറയുന്നു.

2023 സാമ്പത്തിക വർഷത്തിൽ കമ്പനിയുടെ വരുമാനം 28-29 കോടി രൂപയായി കുറഞ്ഞു, ഒരു വർഷം മുമ്പ് 31.86 കോടി രൂപയും 2021 സാമ്പത്തിക വർഷത്തിൽ 39.40 കോടി രൂപയുമായി താരതമ്യപ്പെടുത്തുമ്പോൾ, വിപണി സാഹചര്യങ്ങളും ചരക്ക് വിലയിലുണ്ടായ വർധനയും കാരണം ഡിമാൻഡ് കുറഞ്ഞതായി കാണാം.

എന്നിരുന്നാലും, 2024 സാമ്പത്തിക വർഷത്തിൽ പ്രവർത്തനങ്ങൾ ക്രമപ്പെടുത്തുമെന്ന് പ്രതീക്ഷിക്കുന്നതിനാൽ ഗിരി പൈയുടെ വരുമാനം മെച്ചപ്പെടുമെന്ന് ക്രീസിൽ പ്രതീക്ഷിക്കുന്നു, എങ്കിലും, ഷോറൂമുകളുടെ എണ്ണക്കുറവ് കാരണം വരുമാനം വലിയ കുതിച്ചു ചാട്ടമൊന്നുമില്ലാതെ മിതമായ നിലയിൽ തന്നെ തുടരുമെന്ന് ഏജൻസി വിശ്വസിക്കുന്നു.