Login 
പഠിക്കാം & സമ്പാദിക്കാം 
Home
20 Dec 2024 11:35 AM GMT
Summary
- ടെക്സ്റ്റിംഗ്, കോളിംഗ് എന്നിവ മെച്ചപ്പെടുത്താനുള്ള പുതിയ ഫീച്ചറാണ് അവതരിപ്പിക്കുന്നത്
- പുതുവര്‍ഷത്തില്‍ ന്യൂഇയര്‍ തീമോടെ വീഡിയോ കോളുകള്‍ വിളിക്കാനാകും
ഉപഭോക്താക്കള്‍ക്ക് പുതുവത്സര സമ്മാനവുമായി വാട്‌സ്ആപ്പ്. ടെക്സ്റ്റിംഗ്, കോളിംഗ് എന്നിവ മെച്ചപ്പെടുത്താനുള്ള പുതിയ ഫീച്ചറാണ് 2025ന്റെ തുടക്കത്തില്‍ ഉപഭോക്താക്കളെ തേടിയെത്തുക.
മെസേജുകളും, കോളുകളും മെച്ചപ്പെടുത്താനുള്ള ഫീച്ചറിന് പുറമെ പുതുവര്‍ഷാശംസകള്‍ നേരാനുള്ള സ്റ്റിക്കറുകളും ഇമോജികളും ഉള്‍പ്പെടുത്തിയാകും വാട്‌സ്ആപ്പിന്റെ പുതിയമാറ്റം. പുതുവര്‍ഷത്തില്‍ ന്യൂഇയര്‍ തീമോടെ വീഡിയോ കോളുകള്‍ വിളിക്കാനാകുമെന്നതാണ് ഒരു സവിശേഷത.
ഫെസ്റ്റിവല്‍ വൈബുകള്‍ സമ്മാനിക്കുന്ന പുതിയ ആനിമേഷനുകളും സ്റ്റിക്കറുകളും ഒപ്പമുണ്ടാകും. പുതുവത്സരത്തിന് പുറമെ മറ്റ് ഉത്സവദിനങ്ങളിലും ഇത്തരം ഫെസ്റ്റിവല്‍ ബാക്ക്ഗ്രൗണ്ടുകളും ഫില്‍ട്ടറുകളും ഇഫക്ടുകളും വാട്‌സ്ആപ്പില്‍ ലഭ്യമാകും. വരുന്ന ന്യൂഇയറിന് പ്രത്യേക സ്റ്റിക്കറുകള്‍ വാട്‌സ്ആപ്പിലേക്ക് എത്തും. ഇതിനൊപ്പം ന്യൂഇയര്‍ അവതാര്‍ സ്റ്റിക്കറുകളുമുണ്ടാകും. പുതിയ ആനിമേറ്റഡ് റിയാക്ഷനുകളും ഫെസ്റ്റിവലുകളുമായി ബന്ധപ്പെട്ട് വാട്‌സ്ആപ്പില്‍ പ്രത്യക്ഷപ്പെടും.
ഇത്തരത്തിലുള്ള പാര്‍ട്ടി ഇമോജികള്‍ ആരെങ്കിലും ഉപയോഗിച്ചാല്‍ അയക്കുന്നയാളുടെയും ലഭിക്കുന്നയാളുടെയും വാട്‌സ്ആപ്പില്‍ ആ വിശേഷ ദിനവുമായി ബന്ധപ്പെട്ട ആനിമേഷന്‍ പ്രത്യക്ഷപ്പെടും. ഫെസ്റ്റിവല്‍ ആശംസകള്‍ മറ്റൊരാള്‍ക്ക് ആകര്‍ഷകമായി കൈമാറാന്‍ പുതിയ ഫീച്ചറുകള്‍ സഹായിക്കും എന്നാണ് വാട്‌സ്ആപ്പിന്റെ വിലയിരുത്തല്‍.
