ഇന്ത്യാക്കാര്‍ ഡൗണ്‍ലോഡുചെയ്തത് 26 ബില്യണ്‍ ആപ്പുകള്‍!

ഇന്ത്യാക്കാരുടെ ആപ്പ് ഡൗണ്‍ലോഡിംഗ് പ്രേമത്തിന് വലിയകുറവൊന്നും 2023ല്‍ ഉണ്ടായിട്ടില്ലെന്ന് കണക്കുകള്‍ വ്യക്തമാക്കുന്നു. അനലിറ്റിക്സ് പ്ലാറ്റ്ഫോമായ data.ai (മുമ്പ് ആപ്പ് ആനി) പ്രകാരം 2023-ല്‍ പ്രധാന ഓപ്പറേറ്റിംഗ് സിസ്റ്റങ്ങളായ ആന്‍ഡ്രോയിഡ്, ഐഒഎസ് എന്നിവയില്‍ പ്രവര്‍ത്തിക്കുന്ന മൊബൈല്‍ ഉപകരണങ്ങളില്‍ 25.96 ബില്യണ്‍ ആപ്പുകള്‍ ഇന്ത്യക്കാര്‍ ഡൗണ്‍ലോഡ് ചെയ്തു എന്നാണ് കണക്ക്. 2022-ലെ 28 ബില്യണ്‍ ഡൗണ്‍ലോഡുകളേക്കാള്‍ അല്‍പ്പം കുറവായിരുന്നു ഇത്.

ജനുവരി 1 മുതല്‍ ഡിസംബര്‍ 30 വരെയുള്ള ഡാറ്റയെ അടിസ്ഥാനമാക്കിയാണ് 2023-ലെ ഈ കണക്കുകള്‍.

വ്യത്യസ്ത ആപ്പ് സ്റ്റോറുകളില്‍ നിന്നുള്ള ഇന്ത്യയിലെ കൂട്ടായ വരുമാനം 415 മില്യണ്‍ യുഎസ് ഡോളറാണ്. വര്‍ധനയുണ്ടായിട്ടും ആഗോള പെക്കിംഗ് ഓര്‍ഡറില്‍ ഇത് 25-ാം സ്ഥാനത്താണ്. ഉദാഹരണത്തിന്, ഗൂഗിള്‍ പ്ലേ സ്റ്റോറിന്റെ വരുമാനം കഴിഞ്ഞ വര്‍ഷം 19 മില്യണ്‍ ഡോളറായിരുന്നു. അതിനുശേഷം 16 മില്യണ്‍ ഡോളറുമായി സീ ആണ് പട്ടികയിലുള്ളത്. മൂന്നാമതുള്ളത് ഒരു ഡേറ്റിംഗ് ആപ്പാണ്, ബംബിള്‍ .ഇത് 11 മില്യണ്‍ ഡോളര്‍ നേടി. പിന്നാലെ 10 മില്യണ്‍ ഡോളറുമായി ടെന്‍സെന്റുമുണ്ട്. ആപ്പുകളുടെ വരുമാനത്തില്‍ ഡെവലപ്പര്‍മാര്‍ ആപ്പ് സ്റ്റോറുകള്‍ക്ക് നല്‍കുന്ന ഷെയറുകളും ഉള്‍പ്പെടുന്നു.

ആപ്പ് വിഭാഗങ്ങളില്‍, ഗെയിമിംഗ് ഡൗണ്‍ലോഡ് നമ്പറുകളില്‍ 9.3 ബില്യണുമായി മുന്നിലെത്തി. പിന്നാലെ സോഷ്യല്‍ പ്ലാറ്റുഫോമുകളാണ്. ഇത് 2.36 ബില്യണിലധികം ഡൗണ്‍ലോഡുകള്‍ റിപ്പോര്‍ട്ടു ചെയ്തു.

ഫോട്ടോ, വീഡിയോ (1.86 ബില്യണ്‍) എന്നിവയ്ക്ക് പിന്നാലെ. ധനകാര്യം (1.6 ബില്യണ്‍), വിനോദം (1.3 ബില്യണ്‍), ഷോപ്പിംഗ് (1.10 ബില്യണ്‍) ബിസിനസ്സ് (446 ദശലക്ഷം), വിദ്യാഭ്യാസം (439 ദശലക്ഷം) ഉല്‍പ്പാദനക്ഷമത ഉപകരണങ്ങള്‍ (995 ദശലക്ഷം), ജീവിതശൈലി ആപ്പുകള്‍ (468 ദശലക്ഷം) എന്നിവ ഡൗണ്‍ലോഡുകള്‍ക്കുള്ള മറ്റ് ജനപ്രിയ വിഭാഗങ്ങളില്‍ ഉള്‍പ്പെടുന്നു.

കഴിഞ്ഞ വര്‍ഷം40 ദശലക്ഷം കൂട്ടിച്ചേര്‍ക്കലുകളോടെ 449 ദശലക്ഷം ഡൗണ്‍ലോഡുകളുമായി ഗൂഗിള്‍ ഇന്ത്യയിലെ ഏറ്റവും ജനപ്രിയ ആപ്പായി തുടര്‍ന്നു. പിന്നാലെ ഇന്‍സ്റ്റാഗ്രാം, റിലയന്‍സ് ജിയോ, ഫ്‌ലിപ്കാര്‍ട്ട്, വാട്‌സാപ്പ് എന്നിവയുണ്ട്.

2023 അവസാനത്തോടെ 35.8 ദശലക്ഷം സജീവ ഉപയോക്താക്കളുള്ള മീഷോ, 11 ദശലക്ഷത്തിലധികം സജീവ ഉപയോക്താക്കളുള്ള ഷോപ്പ്സിയെക്കാള്‍ മുന്നിലായിരുന്നു.

ഇ-കൊമേഴ്സ് ഭീമന്‍മാരായ ആമസോണും ഫ്‌ലിപ്കാര്‍ട്ടും സജീവ ഉപയോക്താക്കളുടെ കാര്യത്തില്‍ പരസ്പരം മത്സരിച്ചു. വര്‍ഷാവസാനത്തോടെ, ഫ്‌ലിപ്കാര്‍ട്ടിന്റെ 82.1 ദശലക്ഷവുമായി താരതമ്യം ചെയ്യുമ്പോള്‍ ആമസോണിന് 76 ദശലക്ഷത്തിലധികം സജീവ ഉപയോക്താക്കളുണ്ടായിരുന്നു.

ഓവര്‍-ദി-ടോപ്പ് എന്റര്‍ടൈന്‍മെന്റ് സ്പെയ്സില്‍, ഡിസ്‌നി + ഹോട്ട്സ്റ്റാറിന് 67 ദശലക്ഷത്തിലധികം സജീവ ഉപയോക്താക്കളുണ്ടായിരുന്നത്. അതേസമയം നെറ്റ്ഫ്‌ലിക്സ് അതിന്റെ എണ്ണം 16 ദശലക്ഷത്തിലധികമായി ഉയര്‍ത്തി. ആമസോണ്‍ പ്രൈം, 10 ദശലക്ഷത്തിലധികം ഉപയോക്താക്കളുമായി പിന്നിലുണ്ട്.