അണ്‍ലിമിറ്റഡ് ഡാറ്റയും സൗജന്യ ഒടിടിയും നൽകി ജിയോ പ്ലാനുകള്‍

ജിയോ പ്രീപെയ്ഡ് ഉപയോക്താക്കള്‍ക്കായി ജിയോ ടിവി പ്രീമിയം പ്ലാനുകള്‍ അവതരിപ്പിച്ചു. പ്രതിമാസ,ത്രൈമാസ , വാര്‍ഷിക പ്ലാനുകളാണിവ. അണ്‍ലിമിറ്റഡ് ഡാറ്റ, കോളുകള്‍, എസ്എംഎസ് എന്നിവയ്‌ക്കൊപ്പം 14 പ്രമുഖ ഒടിടി സബ്‌സ്‌ക്രിപ്ഷനുകള്‍ അടങ്ങുന്നതാണ് പ്ലാന്‍. പ്രതിമാസം 1000 മൂല്യമുള്ള 14 ഒടിടി സബ്‌സ്‌ക്രിപ്ഷനുകളാണ് കുറഞ്ഞ ചിലവില്‍ ഈ പ്രീപെയ്ഡ് പ്ലാനുകളില്‍ ലഭിക്കുക. ഡിസംബര്‍ 15 മുതല്‍ ഈ പ്ലാനുകള്‍ ലഭ്യമായിട്ടുണ്ട്.

28 ദിവസം വാലിഡിറ്റിയുള്ള പ്ലാനിന് 398 രൂപയാണ് നിരക്ക്. 84 ദിവസത്തെക്ക് 1,198 രൂപയും, 365 ദിവസത്തെ പ്ലാനിന് 4,498 രൂപയുമാണ് നിരക്ക്. ദേശീയ, അന്തര്‍ദേശീയ, പ്രാദേശിക ഉള്ളടക്കമുള്ള 14 ഒടിടി ആപ്പുകള്‍ ഈ പ്ലാനില്‍ സൗജന്യമായി ലഭ്യമാകും. ജിയോ സിനിമ പ്രീമിയം, ഡിസ്‌നി + ഹോട്ട്സ്റ്റാര്‍, സീ 5, സോണി ലിവ്,പ്രൈം വീഡിയോ (മൊബൈല്‍), ലയണ്‍സ്‌ഗേറ്റ് പ്ലേ, ഡിസ്‌കവറി +, ഡോക്യുബേ, സണ്‍നെക്സ്റ്റ്, ഹോയിചോയ്, പ്ലാനറ്റ് മറാഠി, ചൗപാല്‍, എപിക്ഓണ്‍, എന്നിവയാണ് ലഭ്യമാകുന്ന ഒടിടി ആപ്പുകള്‍.