Login 
പഠിക്കാം & സമ്പാദിക്കാം 
Home
4 Feb 2025 9:12 AM GMT
Summary
- ഏറ്റവും പുതിയ വേര്‍ഷനിലേക്ക് മാറിയില്ലെങ്കില്‍ ഡിവൈസുകള്‍ ഹാക്ക് ചെയ്യപ്പെട്ടേക്കാം
- ഐഒഎസ് 18.3ക്ക് മുമ്പുള്ള സോഫ്‌റ്റ്വെയറുകള്‍ ഉപയോഗിക്കുന്നവര്‍ക്കാണ് മുന്നറിയിപ്പ്
സോഫ്‌റ്റ്വെയര്‍ അപ്ഡേറ്റ് ചെയ്യാത്ത ഐഫോണ്‍ ഉപയോക്താക്കള്‍ക്ക് ജാഗ്രതാ നിര്‍ദേശവുമായി ഇന്ത്യന്‍ കമ്പ്യൂട്ടര്‍ എമര്‍ജന്‍സി റെസ്‌പോണ്‍സ് ടീം. ഏറ്റവും പുതിയ വേര്‍ഷനിലേക്ക് മാറിയില്ലെങ്കില്‍ ഡിവൈസുകള്‍ ഹാക്ക് ചെയ്യപ്പെടാന്‍ സാധ്യതയുണ്ടെന്നാണ് മുന്നറിയിപ്പ്.
ഏറ്റവും പുതിയ ഐഒഎസ് 18.3ക്ക് മുമ്പുള്ള സോഫ്‌റ്റ്വെയറുകള്‍ ഉപയോഗിക്കുന്നവര്‍ക്കാണ് മുന്നറിയിപ്പ്്. അപ്ഡേറ്റ് ചെയ്യപ്പെടാത്ത ഐപാഡുകളും ആപ്പിള്‍ വാച്ചുകളും മാക് കമ്പ്യൂട്ടറുകളും സഫാരി വെബ് ബ്രൗസറും ഉപയോഗിക്കുന്നവര്‍ക്കും മുന്നറിയിപ്പ് ബാധകമാണ്.
പഴയ സോഫ്‌റ്റ്വെയര്‍ വേര്‍ഷനുകളിലുള്ള ആപ്പിള്‍ ഡിവൈസുകള്‍ ഉപയോഗിക്കുന്നതിലുള്ള അപകട സാധ്യതയെ ഹൈ റിസ്‌ക് ഗണത്തിലാണ് ഇന്ത്യന്‍ കമ്പ്യൂട്ടര്‍ എമര്‍ജന്‍സി റെസ്‌പോണ്‍സ് ടീം ഉള്‍പ്പെടുത്തിയിരിക്കുന്നത്. മതിയായ അപ്‌ഡേഷനുകള്‍ക്ക് തയ്യാറായില്ലെങ്കില്‍ ഹാക്കര്‍മാര്‍ ആപ്പിള്‍ ഡിവൈസുകളിലേക്ക് നുഴഞ്ഞുകയറുകയും വ്യക്തി വിവരങ്ങള്‍ അടക്കമുള്ളവ കൈക്കലാക്കുകയും ചെയ്‌തേക്കാം. ഇത് വലിയ സൈബര്‍ ഭീഷണി സൃഷ്ടിക്കുമെന്നും സെര്‍ട്ട്-ഇന്‍ വാര്‍ത്താക്കുറിപ്പില്‍ വ്യക്തമാക്കി.
നിലവിലെ സുരക്ഷാ പിഴവ് മറികടക്കാനുള്ള മാര്‍ഗങ്ങള്‍ ആപ്പിള്‍ ഐഫോണുകളുടെയും ഐപാഡുകളുടെയും ആപ്പിള്‍ വാച്ചുകളുടെയും മാക് കമ്പ്യൂട്ടറുകളുടെയും പുതിയ സോഫ്‌റ്റ്വെയര്‍ അപ്ഡേറ്റില്‍ സ്വീകരിച്ചിട്ടുണ്ട്. അതിനാലാണ് എത്രയും വേഗം സോഫ്‌റ്റ്വെയര്‍ അപ്ഡേറ്റ് ചെയ്യാന്‍ സെര്‍ട്ട്-ഇന്‍ ഉപഭോക്താക്കളോട് നിര്‍ദേശിച്ചിരിക്കുന്നത്.
