വ്യാജ അക്കൗണ്ടുകൾ മൂടി വച്ചു, മസ്കിന്  ട്വിറ്റർ വേണ്ട

വ്യാജ അക്കൗണ്ടുകളെക്കുറിച്ചുള്ള വിവരങ്ങൾ നൽകുന്നതിൽ പരാജയപ്പെട്ടതിനാൽ ട്വിറ്ററുമായുള്ള 44 ബില്യൺ ഡോളറിന്റെ കരാർ എലോൺ മസ്‌ക് അവസാനിപ്പിച്ചു.

യുഎസ് സെക്യൂരിറ്റീസ് ആൻഡ് എക്‌സ്‌ചേഞ്ച് കമ്മീഷനിൽ (എസ്‌ഇസി) സമർപ്പിച്ച ഫയലിംഗിൽ, വ്യാജ അക്കൗണ്ടുകളെക്കുറിച്ചുള്ള അന്വേഷണങ്ങളോട് പ്രതികരിക്കുന്നതിൽ ട്വിറ്റർ പരാജയപ്പെട്ടതായി മസ്കിന്റെ അഭിഭാഷകർ പറഞ്ഞു." മസ്‌ക് ലയന കരാർ അവസാനിപ്പിക്കുന്നു. കാരണം ആ കരാറിലെ ഒന്നിലധികം വ്യവസ്ഥകളുടെ ലംഘനമാണ് ട്വിറ്റർ നടത്തിയിരിക്കുന്നത്," ഫയലിംഗിൽ പറയുന്നു.

ലയന കരാർ നടപ്പാക്കുന്നതിന് നിയമനടപടി സ്വീകരിക്കാൻ സ്വീകരിക്കാൻ കമ്പനിയുടെ ബോർഡ് പദ്ധതിയിടുന്നതായി ട്വിറ്റർ ചെയർമാൻ ബ്രെറ്റ് ടെയ്‌ലർ പറഞ്ഞു.

"മസ്കുമായി സമ്മതിച്ച വിലയിലും വ്യവസ്ഥകളിലും ഇടപാട് അവസാനിപ്പിക്കാൻ ട്വിറ്റർ ബോർഡ് പ്രതിജ്ഞാബദ്ധമാണ്. ഡെലവെയർ കോർട്ട് ഓഫ് ചാൻസറിയിൽ ഞങ്ങൾ വിജയിക്കുമെന്ന് ഞങ്ങൾക്ക് ഉറപ്പുണ്ട്," ടെയ്‌ലർ തന്റെ ട്വീറ്റിൽ പറഞ്ഞു.

ഇടപാടിന്റെ നിബന്ധനകൾ അനുസരിച്ച്, ഇടപാട് പൂർത്തിയാക്കിയില്ലെങ്കിൽ മസ്‌ക് 1 ബില്യൺ ഡോളർ ബ്രേക്ക്-അപ്പ് ഫീസ് നൽകേണ്ടിവരും.

ഈ വാർത്തയെ തുടർന്ന് ട്വിറ്ററിൻറെ ഓഹരികൾ 5 ശതമാനത്തിൽ അധികം ഇടിഞ്ഞിരുന്നു.