വെള്ളിയാഴ്ച നിക്ഷേപകർക്ക് നഷ്ടമായത് 4.90 ലക്ഷം കോടി രൂപ

ഡെല്‍ഹി: ഓഹരികളിലെ കനത്ത ഇടിവ് മൂലം വെള്ളിയാഴ്ച്ച നിക്ഷേപകരുടെ നഷ്ടം 4.90 ലക്ഷം കോടി രൂപ.

ഇന്നലെ വ്യാപാരം അവസാനിക്കുമ്പോള്‍ ബിഎസ്ഇ സെന്‍സെക്സ് 1,020.80 പോയിന്റ് അഥവാ 1.73 ശതമാനം ഇടിഞ്ഞ് 58,098.92 എന്ന നിലയിലെത്തി. പകല്‍ സമയത്ത്, ഇത് 1,137.77 പോയിന്റ് അല്ലെങ്കില്‍ 1.92 ശതമാനം ഇടിഞ്ഞ് 57,981.95 ല്‍ എത്തി.

ബിഎസ്ഇ ലിസ്റ്റ് ചെയ്ത കമ്പനികളുടെ വിപണി മൂലധനം വെള്ളിയാഴ്ച 4,90,162.55 കോടി രൂപ ഇടിഞ്ഞ് 2,76,64,566.79 കോടി രൂപയായി. ഓഹരി വിപണിയുടെ മൂന്നാം ദിന തകര്‍ച്ചയാണിത്. ഈ വേളയില്‍ ബിഎസ്ഇ ബെഞ്ച്മാര്‍ക്ക് 1,620.82 പോയിന്റ് അല്ലെങ്കില്‍ 2.71 ശതമാനം ഇടിഞ്ഞു. മാത്രമല്ല ഈ മൂന്ന് ദിവസത്തിനിടെ നിക്ഷേപകരുടെ സമ്പത്തില്‍ 6,77,646.74 കോടി രൂപയുടെ ഇടിവുണ്ടായി.

വിപണിയില്‍ ബിഎസ്ഇ മിഡ്ക്യാപ് ഗേജ് 2.28 ശതമാനവും സ്‌മോള്‍ക്യാപ് 1.92 ശതമാനവും താഴ്ന്നു.

എല്ലാ ബിഎസ്ഇ സെക്ടറല്‍ സൂചികകളും നഷ്ടത്തിലാണ് അവസാനിച്ചത്. യൂട്ടിലിറ്റികള്‍ 3.48 ശതമാനം, പവര്‍ 3.40 ശതമാനം, റിയല്‍റ്റി (2.97 ശതമാനം), സാമ്പത്തിക സേവനങ്ങള്‍ (2.56 ശതമാനം), ടെലികമ്മ്യൂണിക്കേഷന്‍ (2.17 ശതമാനം), മൂലധന വസ്തുക്കള്‍ (2.06 ശതമാനം), ഉപഭോക്തൃ വിവേചനാധികാരം (1.82 ശതമാനം) എന്നിങ്ങനെയാണ് നഷ്ടക്കണക്കുകള്‍.