മെയ് മാസത്തിൽ ഇന്ത്യൻ കമ്പനികളിൽ $5.3 ബില്യൺ ‍നിക്ഷേപവുമായി വിസി-കൾ

പ്രൈവറ്റ് ഇക്വിറ്റി, വെ‍ഞ്ച്വർ കാപ്റ്റിൽ ഫണ്ടുകൾ, മെയ് മാസത്തിൽ ഇന്ത്യൻ സ്ഥാപനങ്ങളിൽ 5.3 ബില്യൺ ‍ഡോളർ നിക്ഷേപിച്ചു. കഴി‍ഞ്ഞ വർഷത്തിനേക്കാൾ 42 ശതമാനം വർദ്ധനവാണ് ഇത്തവണ റിപ്പോർട്ട് ചെയ്തത്.

ഏപ്രിൽ മാസത്തിൽ 7.5 ബില്യൺ ‍ഡോളറായിരുന്നു നിക്ഷേപം. ഈ മാസത്തേക്കാൾ നിക്ഷേപം 29 ശതമാനമായി കുറഞ്ഞുവെന്ന് കൺസൾട്ടൻസി സ്ഥാപനമായ ഐവിസിഎ (IVCA) യും, കൺസൾട്ടൻസി സ്ഥാപനമായ ഏർണെസ്ട് ആൻഡ് യാങും (EY) പുറത്തിറക്കിയ റിപ്പോർട്ടിൽ പറയുന്നു.

കഴിഞ്ഞ വർഷം മെയ് മാസത്തിൽ 66 ഇടപാടുകൾ മാത്രം നടന്നപ്പോൾ, 2022 മെയ് മാസത്തിൽ 109 ഇടപാടുകളും, ഏപ്രിലിൽ 117 ഇടപാടുകളും നടന്നു.

2021ലെ, ഇ-കൊമേഴ്‌സ്, ടെക്‌നോളജി മേഖലകൾ വിലയിരുത്തുയതിനു ശേഷം, മെയ് മാസത്തിലെ ഉയർന്ന നിക്ഷേപ പ്രവർത്തനങ്ങൾക്ക് പിന്നിൽ റിയൽ എസ്റ്റേറ്റ്, ഇൻഫ്രാസ്ട്രക്ചർ മേഖലകളിൽ നിക്ഷേപകർ 1.7 ബില്യൺ ഡോളറിന്റെ കരാറിലേർപ്പെട്ടതാണ് കാരണമെന്ന് ഐവിസിഎ-യുടെ പങ്കാളി വിവേക് സോണി പറഞ്ഞു.

പൊതുവേ ശുഭകരമായൊരവസ്ഥ തുടരുന്നുണ്ടെങ്കിലും, മുന്നോട്ടുള്ള ഇടപാടുകളെ ബാധിക്കുന്ന അനിശ്ചിതത്വങ്ങളുണ്ടെന്നും, അതിൽ ആർബിഐ പണനയം കർശനമാക്കുന്നത് ഇന്ത്യയിലെ മൂലധന പ്രവാഹത്തെ ബാധിക്കുന്ന ഒരു പ്രധാന ഘടകമാണെന്നും സോണി പറഞ്ഞു.

പണപ്പെരുപ്പം, എണ്ണവിലയിലെ കുതിച്ചുചാട്ടം, രൂപയുടെ മൂല്യത്തകർച്ച, രാജ്യത്ത് കൊവിഡ്-19 കേസുകളുടെ പുനരുജ്ജീവനം എന്നിവയും മറ്റ് ദോഷകരമായ അപകടസാധ്യതകളിൽ ഉൾപ്പെടുന്നു, അദ്ദേഹം പറഞ്ഞു.

100 മില്യൺ ‍ഡോളറിന്റെ 14 വലിയ ഡീലുകളാണ് മെയ് മാസത്തിൽ റിപ്പോർട്ട് ചെയ്തത്. അദാനിയുടെ നിയന്ത്രണത്തിലുള്ള മുംബൈ വിമാനത്താവളവും അപ്പോളോ ഗ്ലോബലിന്റെ പക്കൽ നിന്നും 750 മില്യൺ ഡോളർ കടമെടുത്തതും ഇതിൽ ഉൾപ്പെടുന്നു.

മെയ് 2022 ൽ 19 ഇടപാടുകളിലായി 2 ബില്യൺ ഡോളർ നിക്ഷേപിച്ചിരുന്നു. 73 ഡീലുകളിലായി 1.6 ബില്യൺ യുഎസ് ഡോളർ നിക്ഷേപിച്ച പ്രാരംഭ നിക്ഷേപങ്ങൾ രണ്ടാം സ്ഥാനത്താണ്.

ഭാവിയിൽ നിക്ഷേപങ്ങൾക്കായി ഇന്ത്യൻ സംരംഭങ്ങളിൽ നിക്ഷേപിക്കുന്നതിനായി PE, VC ഫണ്ടുകൾ 668 ദശലക്ഷം യുഎസ് ഡോളർ സമാഹരിച്ചു.