Login 
പഠിക്കാം & സമ്പാദിക്കാം 
Home
22 May 2022 11:30 PM
Summary
ഡെല്‍ഹി: പേയ്മെന്റ് പ്രോസസിംഗ് ചാര്‍ജ്ജുകളുടെയും, ജീവനക്കാരുടെ ആനുകൂല്യ ചെലവുകളുടെയും വര്‍ദ്ധനവ് കാരണം നാലാംപാദത്തില്‍ പേടിഎമ്മിന്റെ മാതൃകമ്പനിയായ വണ്‍97കമ്യൂണിക്കേഷന്‍സിന്റെ കണ്‍സോളിഡേറ്റഡ് നഷ്ടം 761.4 കോടി രൂപയായി വര്‍ധിച്ചു. കഴിഞ്ഞ വര്‍ഷം ഇതേ കാലയളവില്‍ കമ്പനിയുടെ നഷ്ടം 441.8 കോടി രൂപയായിരുന്നു. 2021 ഡിസംബറില്‍ അവസാനിച്ച പാദത്തില്‍ അതിന്റെ നഷ്ടം 778.4 കോടി രൂപയായിരുന്നു. കമ്പനിയുടെ എബിറ്റിഡ നഷ്ടം 2022 സാമ്പത്തിക വര്‍ഷത്തില്‍ എട്ട് ശതമാനം കുറഞ്ഞ് മുന്‍ വര്‍ഷത്തെ 1,655 കോടി രൂപയില്‍ നിന്ന് 1,518 കോടി രൂപയായി. […]
ഡെല്‍ഹി: പേയ്മെന്റ് പ്രോസസിംഗ് ചാര്‍ജ്ജുകളുടെയും, ജീവനക്കാരുടെ ആനുകൂല്യ ചെലവുകളുടെയും വര്‍ദ്ധനവ് കാരണം നാലാംപാദത്തില്‍ പേടിഎമ്മിന്റെ മാതൃകമ്പനിയായ വണ്‍97കമ്യൂണിക്കേഷന്‍സിന്റെ കണ്‍സോളിഡേറ്റഡ് നഷ്ടം 761.4 കോടി രൂപയായി വര്‍ധിച്ചു. കഴിഞ്ഞ വര്‍ഷം ഇതേ കാലയളവില്‍ കമ്പനിയുടെ നഷ്ടം 441.8 കോടി രൂപയായിരുന്നു. 2021 ഡിസംബറില്‍ അവസാനിച്ച പാദത്തില്‍ അതിന്റെ നഷ്ടം 778.4 കോടി രൂപയായിരുന്നു.
കമ്പനിയുടെ എബിറ്റിഡ നഷ്ടം 2022 സാമ്പത്തിക വര്‍ഷത്തില്‍ എട്ട് ശതമാനം കുറഞ്ഞ് മുന്‍ വര്‍ഷത്തെ 1,655 കോടി രൂപയില്‍ നിന്ന് 1,518 കോടി രൂപയായി. കൂടാതെ, കമ്പനിക്ക് 809 കോടി രൂപയുടെ പണ രഹിത എംപ്ലോയി സ്‌റ്റോക്ക് ഓണര്‍ഷിപ് പ്ലാന്‍ (ESOP) ചെലവുകള്‍ ഉണ്ടായിരുന്നു.
വണ്‍97 കമ്മ്യൂണിക്കേഷന്‍സിന്റെ (OCL) പ്രവര്‍ത്തനങ്ങളില്‍ നിന്നുള്ള വരുമാനം ഈ പാദത്തില്‍ ഏകദേശം 89 ശതമാനം ഉയര്‍ന്ന് 1,540.9 കോടി രൂപയായി. മുന്‍ വര്‍ഷം ഇതേ കാലയളവില്‍ ഇത് 815.3 കോടി രൂപയായിരുന്നു. ജീവനക്കാരുടെ ചെലവ് 2021 മാര്‍ച്ചിലെ 347.8 കോടിയില്‍ നിന്ന് 863.4 കോടിയായി. പേയ്മെന്റ് പ്രോസസ്സിംഗ് ചാര്‍ജുകള്‍ 2022 സാമ്പത്തിക വര്‍ഷത്തിലെ നാലാം പാദത്തില്‍ ഒരു വര്‍ഷം മുമ്പത്തെ ഇതേ കാലയളവിലെ 508.7 കോടി രൂപയില്‍ നിന്ന് 52 ശതമാനം വര്‍ധിച്ച് 774.2 കോടി രൂപയായി. മാര്‍ക്കറ്റിംഗ് ചെലവ് 100.1 കോടി രൂപയില്‍ നിന്ന് 248.9 കോടി രൂപയായി.
2022 മാര്‍ച്ച് 31 ന് അവസാനിച്ച സാമ്പത്തിക വര്‍ഷത്തില്‍ വണ്‍97 കമ്യൂണിക്കേഷന്‍സിന്റെ നഷ്ടം 2,396.4 കോടി രൂപയായി വര്‍ദ്ധിച്ചു. 2020-21 വര്‍ഷം ഇത് 1,701 കോടി രൂപയായിരുന്നു. എന്നിരുന്നാലും, പ്രവര്‍ത്തനങ്ങളില്‍ നിന്നുള്ള വാര്‍ഷിക വരുമാനം 2021-22 ൽ 77.49 ശതമാനം ഉയര്‍ന്ന് 4,974.2 കോടി രൂപയായി. മുൻ വർഷം ഇത് 2,802.4 കോടി രൂപയായിരുന്നു.