മൂന്ന് സ്ഥാപനങ്ങൾക്ക് 15 ലക്ഷം രൂപ പിഴ ചുമത്തി സെബി

ഡെൽഹി: ബി‌എസ്‌ഇയിലെ ലിക്വിഡ് സ്റ്റോക്ക് ഓപ്‌ഷൻ വിഭാഗത്തിൽ കൃത്രിമ വ്യാപാരത്തിൽ ഏർപ്പെട്ടതിന് മൂന്ന് സ്ഥാപനങ്ങൾക്ക് ക്യാപിറ്റൽ മാർക്കറ്റ് റെഗുലേറ്ററായ സെബി വെള്ളിയാഴ്ച 15 ലക്ഷം രൂപ പിഴ ചുമത്തി. മൂന്ന് വ്യത്യസ്ത ഉത്തരവുകളിൽ, റെഗുലേറ്ററായ രേഖ പ്രദീപ് ഗംഗോളി, ബൻവ്രി ലാൽ സുൽത്താനിയ എച്ച്‌യുഎഫ്, സഞ്ജയ് ഖണ്ഡേൽവാൾ എന്നിവരിൽ നിന്ന് 5 ലക്ഷം രൂപ വീതം പിഴ ഈടാക്കി.

ബി‌എസ്‌ഇയിലെ സ്റ്റോക്ക് ഓപ്‌ഷൻ വിഭാഗത്തിൽ വലിയ തോതിലുള്ള റിവേഴ്‌സൽ ട്രേഡുകൾ സെബി നിരീക്ഷിച്ചിരുന്നു. ഇത്തരത്തിൽ ഓർഡറുകൾ വന്നത് കൃത്രിമ വോള്യങ്ങൾ സൃഷ്ടിക്കുന്നതിനിടയായി. സെക്യൂരിറ്റീസ് ആൻഡ് എക്‌സ്‌ചേഞ്ച് ബോർഡ് ഓഫ് ഇന്ത്യ (സെബി) 2014 ഏപ്രിൽ മുതൽ 2015 സെപ്‌റ്റംബർ വരെയുള്ള കാലയളവിൽ ബിഎസ്‌ഇയിൽ ലിക്വിഡ് സ്റ്റോക്ക് ഓപ്ഷനുകളിൽ ചില സ്ഥാപനങ്ങളുടെ ട്രേഡിംഗ് പ്രവർത്തനങ്ങളെക്കുറിച്ച് അന്വേഷണം നടത്തിയിരുന്നു.

ഇത്തരം ട്രേഡുകളുടെ പ്രവർത്തനം യഥാർത്ഥമല്ലെന്നും സ്റ്റോക്ക് ഓപ്ഷനുകളിലെ കൃത്രിമ വോള്യങ്ങളുടെ അടിസ്ഥാനത്തിൽ ട്രേഡിംഗ് തെറ്റിദ്ധരിപ്പിക്കുകയാണ് ചെയ്തതെന്ന് സെബി നിരീക്ഷിച്ചു. അന്വേഷണത്തിൽ ബിഎസ്ഇ യിലെ സ്റ്റോക്ക് ഓപ്‌ഷൻ വിഭാഗത്തിൽ റിവേഴ്‌സൽ ട്രേഡുകൾ നടപ്പിലാക്കുന്നതിൽ ഈ സ്ഥാപനങ്ങളും ഉൾപ്പെട്ടിട്ടുണ്ടെന്നും കണ്ടെത്തി.

സ്റ്റോക്ക് ഓപ്ഷനുകളിൽ ഇത്തരം ട്രേഡുകളിൽ ഏർപ്പെടുന്നതിലൂടെ, പി എഫ് യു ടി പി (വഞ്ചനാപരവും അന്യായവുമായ വ്യാപാര സമ്പ്രദായ നിരോധനം) മാനദണ്ഡങ്ങൾ ലംഘിച്ചുവെന്നും സെബി നിരീക്ഷിച്ചു.