എൽഐസിയുടെ പ്രീമിയത്തിൽ 26% വർദ്ധന

സർക്കാർ ഉടമസ്ഥതയിലുള്ള ലൈഫ് ഇൻഷുറൻസ് കോർപ്പറേഷൻ ഓഫ് ഇന്ത്യ (എൽഐസി) 2024 മാർച്ചിൽ പിരിച്ചെടുത്ത മൊത്തം പ്രീമിയത്തിൽ 26.41 ശതമാനം വർധന രേഖപ്പെടുത്തി. ഇത് 36,300.62 കോടി രൂപയായി.

പ്രീമിയം കളക്ഷൻ വളർച്ചയിൽ 24.76 ശതമാനത്തിൽ എസ്ബിഐ ലൈഫ് ഇൻഷുറൻസ് കമ്പനിയാണ് എൽഐസിക്ക് പിന്നിൽ. ഐസിഐസിഐ പ്രുഡൻഷ്യൽ ലൈഫ് ഇൻഷുറൻസ് കമ്പനി 12.58 ശതമാനം വളർച്ച രേഖപ്പെടുത്തി. മറ്റൊരു പ്രധാന ഇൻഷുറൻസ് കമ്പനിയായ എച്ച്‌ഡിഎഫ്‌സി ലൈഫ് ഇൻഷുറൻസ് കമ്പനി പ്രീമിയം കളക്ഷനിൽ 20.05 ശതമാനം ഇടിവ് രേഖപ്പെടുത്തി.

2024 മാർച്ച് വരെ, പ്രീമിയം കളക്ഷനുകളുടെ അടിസ്ഥാനത്തിൽ 58.87 ശതമാനം വിപണി വിഹിതമാണ് എൽഐസിക്ക് ലഭിക്കുന്നതെന്ന് ലൈഫ് ഇൻഷുറൻസ് കൗൺസിൽ പുറത്തുവിട്ട കണക്കുകൾ വ്യക്തമാക്കുന്നു.

നികുതി ഇളവുകൾ ലഭിക്കുന്നതിന് ഉപഭോക്താക്കൾ അവസാന നിമിഷം നടത്തിയ ഇടപാടുകൾ കാരണമാണ് മാർച്ചിൽ പ്രീമിയം ശേഖരണത്തിൽ കുതിച്ചുചാട്ടം അനുഭവപ്പെട്ടതെന്ന് എൽഐസി പറഞ്ഞു.

എൽഐസിയെ കൂടാതെ, ഏറ്റവും ശക്തമായ 10 ലൈഫ് ഇൻഷുറൻസ് ബ്രാൻഡുകളിൽ ഇടം നേടിയ മറ്റൊരു ഇന്ത്യൻ ലൈഫ് ഇൻഷുറൻസ് കമ്പനിയാണ് നിലവിൽ ആറാം സ്ഥാനത്തുള്ള എസ്ബിഐ ലൈഫ് ഇൻഷുറൻസ്.