ക്ലെയിം തീര്‍പ്പാക്കല്‍; സ്റ്റാര്‍ ഹെല്‍ത്ത് വീഴ്ചകള്‍ വരുത്തിയതായി റിപ്പോര്‍ട്ട്

സ്റ്റാര്‍ ഹെല്‍ത്ത് ആന്‍ഡ് അലൈഡ് ഇന്‍ഷുറന്‍സിന്റെ ക്ലെയിം സെറ്റില്‍മെന്റ് രീതികളില്‍ ഇന്‍ഷുറന്‍സ് വാച്ച്‌ഡോഗ് ഐആര്‍ഡിഎഐ വീഴ്ചകള്‍ കണ്ടെത്തിയതായി റിപ്പോര്‍ട്ട്. ഔദ്യോഗിക അന്വേഷണം നടക്കുന്ന സാഹചര്യത്തില്‍ ഇന്‍ഷുറര്‍ക്കെതിരെ റെഗുലേറ്റര്‍ നടപടിക്ക് സാധ്യത.

സ്റ്റാര്‍ ഹെല്‍ത്തിന് പുറമെ, രാജ്യത്തെ മറ്റ് പത്തോളം ജനറല്‍, ആരോഗ്യ ഇന്‍ഷുറന്‍സ് കമ്പനികളുടെ പ്രവര്‍ത്തനങ്ങളും ഐആര്‍ഡിഎഐ അവലോകനം ചെയ്തിട്ടുണ്ട്. എന്നാല്‍ അവര്‍ക്കെതിരെ ഇതുവരെ ഒരു നടപടിയും സ്വീകരിച്ചതായി സ്ഥിരീകരണമില്ല.

ക്ലെയിം സെറ്റില്‍മെന്റ് റെക്കോര്‍ഡ് മിക്‌സഡ് റിസള്‍ട്ടുകളാണ് കാണിക്കുന്നത്. ഐആര്‍ഡിഎഐയുടെ ഇന്‍ഷുറന്‍സ് സ്റ്റാറ്റിസ്റ്റിക്‌സ് ഹാന്‍ഡ്ബുക്ക് അനുസരിച്ച്, 2023-24 സാമ്പത്തിക വര്‍ഷത്തില്‍ സ്റ്റാര്‍ ഹെല്‍ത്തിന്റെ ക്ലെയിം അനുപാതം 66.47% ആയിരുന്നു.

2023-24 സാമ്പത്തിക വര്‍ഷത്തില്‍ പ്രീമിയമായി ശേഖരിക്കുന്ന ഓരോ 100 രൂപയ്ക്കും സ്റ്റാര്‍ ഹെല്‍ത്ത് ഏകദേശം 67 രൂപ ക്ലെയിം സെറ്റില്‍മെന്റുകള്‍ക്കായി നല്‍കി. ഇത് എല്ലാ ജനറല്‍, ഹെല്‍ത്ത് ഇന്‍ഷുറന്‍സുകളുടെയും മൊത്തം 82.52% എന്ന ക്ലെയിം അനുപാതത്തേക്കാള്‍ ഇത് വളരെ കുറവാണ്.

എല്ലാ സ്റ്റാന്‍ഡ്-എലോണ്‍ ഹെല്‍ത്ത് ഇന്‍ഷുറന്‍സ് കമ്പനികളിലും മൂന്ന് മാസത്തിനുള്ളില്‍ ഏറ്റവും കുറഞ്ഞ ക്ലെയിം സെറ്റില്‍മെന്റ് അനുപാതം സ്റ്റാര്‍ ഹെല്‍ത്ത് രേഖപ്പെടുത്തി. 2023-24 ല്‍ കമ്പനി 82.31% ക്ലെയിമുകളും മൂന്ന് മാസത്തിനുള്ളില്‍ തീര്‍പ്പാക്കി. 2.74% ക്ലെയിമുകള്‍ പ്രോസസ്സ് ചെയ്യാന്‍ മൂന്ന് മുതല്‍ ആറ് മാസം വരെ സമയമെടുത്തു. അതേസമയം 0.35% ക്ലെയിമുകള്‍ ആറ് മാസത്തിനും ഒരു വര്‍ഷത്തിനും ഇടയില്‍ തീര്‍പ്പാക്കി.

കൂടാതെ, സ്റ്റാര്‍ ഹെല്‍ത്തിന്റെ ക്ലെയിമുകളില്‍ 0.074% തീര്‍പ്പാക്കാന്‍ ഒന്ന് മുതല്‍ രണ്ട് വര്‍ഷം വരെ എടുത്തു, കൂടാതെ 0.03% രണ്ട് വര്‍ഷത്തിലേറെയായി പരിഹരിക്കപ്പെടാതെ കിടക്കുന്നു.

2023-24 സാമ്പത്തിക വര്‍ഷത്തില്‍ സ്റ്റാര്‍ ഹെല്‍ത്ത് 2,96,356 ക്ലെയിമുകള്‍ നിരസിച്ചതായി ഐആര്‍ഡിഎഐ ഡാറ്റ കാണിക്കുന്നു. ഏറ്റവുമധികം നിരസിക്കല്‍ സ്റ്റാര്‍ ഹെല്‍്ത്താണ് നടത്തിയത്. രണ്ടാമതുള്ള കെയര്‍ ഹെല്‍ത്ത് ഇന്‍ഷുറന്‍സ് 76,903 ക്ലെയിമുകള്‍ മാത്രമാണ് നിരസിച്ചത്.

ഇതേ കാലയളവില്‍ നിവ ബുപ, മണിപ്പാല്‍ സിഗ്‌ന തുടങ്ങിയ മറ്റ് ഇന്‍ഷുറന്‍സ് കമ്പനികള്‍ യഥാക്രമം 55,185 ഉം 50,480 ഉം ക്ലെയിമുകള്‍ നിരസിച്ചു.

കൂടാതെ, പൊതുമേഖലാ ഇന്‍ഷുറന്‍സ് കമ്പനിയായ നാഷണല്‍ ഇന്‍ഷുറന്‍സ് കമ്പനി ലിമിറ്റഡ് ഒഴികെ, എല്ലാ ജനറല്‍, ഹെല്‍ത്ത് ഇന്‍ഷുറന്‍സ് കമ്പനികളിലും ഏറ്റവും കൂടുതല്‍ ഉപഭോക്തൃ പരാതികള്‍ ലഭിച്ചത് സ്റ്റാര്‍ ഹെല്‍ത്തിനാണെന്നും റിപ്പോര്‍ട്ട് പറയുന്നു.