ഓഫറുകള്‍ നല്‍കുന്ന ഇന്ധന ക്രെഡിറ്റ് കാര്‍ഡുകള്‍; പോക്കറ്റ് കാലിയാകാതെ ഇന്ധനം നിറക്കാം

പെട്രോള്‍, ഡീസല്‍ വില വര്‍ധിക്കുന്ന സാഹചര്യത്തില്‍, ഇന്ധനം വാങ്ങുന്നതിനുള്ള ചെലവ് കുറയ്ക്കാന്‍ ഇന്ധന ക്രെഡിറ്റ് കാര്‍ഡ് സഹായിക്കും. ക്യാഷ്ബാക്കുകളാണ് പ്രധാന ആകര്‍ഷണം. ഇന്ധന ക്രെഡിറ്റ് കാര്‍ഡ് തിരഞ്ഞെടുക്കുമ്പോള്‍ പല കാര്യങ്ങള്‍ ശ്രദ്ധിക്കേണ്ടതുണ്ട്. ഓരോ കാര്‍ഡും എങ്ങനെ പ്രവര്‍ത്തിക്കുന്നുവെന്നും പെട്രോള്‍-ഡീസല്‍ ചെലവ് രീതിയില്‍ ഏതാണ് കൂടുതല്‍ ആനുകൂല്യം നല്‍കുന്നതെന്നും അറിയുകയാണ് പ്രധാനം. സര്‍ചാര്‍ജുകള്‍ ഒഴിവാക്കാനും ഇതിലൂടെ സാധിക്കും. എന്നാല്‍ വാര്‍ഷിക ഫീസുകളില്‍ ശ്രദ്ധിച്ചില്ലെങ്കില്‍ പണിപാളും. ഒരു വര്‍ഷത്തിനുള്ളില്‍ ഒരു നിശ്ചിത തുക ചെലവഴിച്ചാല്‍ ചില കാര്‍ഡുകളില്‍ വാര്‍ഷിക ഫീസ് ഒഴിവാക്കാന്‍ സാധിക്കും.

2023 ലെ ചില മികച്ച ഇന്ധന ക്രെഡിറ്റ് കാര്‍ഡുകള്‍ പരിശോധിക്കാം.

ബാങ്ക് ഓഫ് ബറോഡ

കാര്‍ഡ് ലഭിക്കുന്നതിനായി ചാര്‍ജ് ഈടാക്കുന്നില്ല. ക്രെഡിറ്റ് കാര്‍ഡ് ഉപയോഗിച്ച് ഓരോ തവണയും ഇടപാട് നടത്തുമ്പോള്‍ ഒരു ശതമാനം ക്യാഷ്ബാക്ക്. ഇന്ധന സര്‍ചാര്‍ജ് ഇല്ല. ആദ്യ വര്‍ഷത്തേക്കുള്ള ജോയിനിംഗ്, വാര്‍ഷിക ഫീസ് സൗജന്യം.

ബിപിസിഎല്‍ എസ്ബിഐ ക്രെഡിറ്റ് കാര്‍ഡ്

കാര്‍ഡ് ലഭിക്കുന്നതിനായുള്ള ചാര്‍ജ് 499 രൂപയാണ്. 4.25 ശതമാനം വാല്യൂബാക്ക് (13X* റിവാര്‍ഡ് പോയിന്റുകള്‍ 3.25 ശതമാനം + 4,000 രൂപ വരെയുള്ള എല്ലാ ഇടപാടുകള്‍ക്കും ഒരു ശതമാനം ഇന്ധന സര്‍ചാര്‍ജ് ഒഴിവാക്കല്‍, ജിഎസ്ടിയും മറ്റ് നിരക്കുകളും ഒഴികെ), രാജ്യത്തുടനീളമുള്ള ഏത് ബിപിസിഎല്‍ പെട്രോള്‍ പമ്പിലും ഇത് ലഭ്യമാണ്. . ഒരു ബില്ലിംഗില്‍ പരമാവധി 100 രൂപ സര്‍ചാര്‍ജ് ഒഴിവായിക്കിട്ടും. ഇത് 1200 രൂപയുടെ വാര്‍ഷിക ലാഭം നേടിത്തരും.

എച്ച്ഡിഎഫ്‌സി ഭാരത് ക്യാഷ്ബാക്ക് ക്രെഡിറ്റ് കാര്‍ഡ്

ജോയിനിംഗ് ഫീസ 500 രൂപയാണ്. ഇന്ധനച്ചെലവില്‍ അഞ്ച് ശതമാനം പ്രതിമാസ ക്യാഷ്ബാക്ക് ഉള്ള സേവിംഗ്‌സ്. ഒരു ശതമാനം സര്‍ചാര്‍ജ് ഒഴിവാക്കികിട്ടും. 400 രൂപ വരെയുള്ള ഇടപാടുകള്‍ക്ക് 250 രൂപ വരെ ലാഭിക്കാം.

ഇന്ത്യന്‍ ഓയില്‍ എച്ച്ഡിഎഫ്‌സി ബാങ്ക് ക്രെഡിറ്റ് കാര്‍ഡ്

500 രൂപയാണ് ജോയിനിംഗ് ഫീസ്. പ്രതിവര്‍ഷം 50 ലിറ്റര്‍ വരെ സൗജന്യ ഇന്ധനം നേടാനാകും. ഇന്ത്യന്‍ ഓയില്‍ ഔട്ട്ലെറ്റുകളില്‍ നിന്നും ചെലവിന്റെ 5ശതമാനം ഇന്ധന പോയിന്റുകളായി സമ്പാദിക്കാം. ആദ്യ 6 മാസങ്ങളില്‍ പ്രതിമാസം പരമാവധി 250 ഇന്ധന പോയിന്റുകള്‍, കാര്‍ഡ് ഇഷ്യു മുതല്‍ 6 മാസം കഴിഞ്ഞ് പരമാവധി 150 ഇന്ധന പോയിന്റുകള്‍ എന്നിങ്ങനെയാണിത്.

പലചരക്ക് സാധനങ്ങള്‍ക്കും ബില്‍ പേയ്മെന്റുകള്‍ക്കുമായി ചെലവഴിക്കുന്ന തുകയുടെ 5 ശതമാനം ഇന്ധന പോയിന്റുകളായി സമ്പാദിക്കാം. (ഓരോ വിഭാഗത്തിലും പ്രതിമാസം പരമാവധി 100 ഇന്ധന പോയിന്റുകള്‍), മറ്റെല്ലാ വാങ്ങലുകള്‍ക്കും ചെലവഴിക്കുന്ന ഓരോ 150 രൂപയ്ക്കും 1 ഫ്യുവല്‍ പോയിന്റ് നേടാം.

ഇന്ത്യന്‍ ഓയില്‍ ആക്‌സിസ് ബാങ്ക് ക്രെഡിറ്റ് കാര്‍ഡ്

ജോയിനിംഗ് ഫീസ് 500 രൂപയാണ്. ഒരു ശതമാനം ഇന്ധന സര്‍ചാര്‍ജ് ഇളവ്, ഓഫര്‍ ലഭിക്കുന്നതിന് 200 രൂപയ്ക്കും 5000 രൂപയ്ക്കും ഇടയില്‍ രാജ്യത്തെ ഏത് ഇന്ധന ഔട്ട്ലെറ്റില്‍ നിന്നും ഇത് പ്രയോജനപ്പെടുത്താം. ഒരു സ്റ്റേറ്റ്മെന്റ് 50 രൂപ പരമാവധി കിഴിവ്. ഇന്ധന സര്‍ചാര്‍ജില്‍ ഈടാക്കുന്ന ജിഎസ്ടി റീഫണ്ട് ചെയ്യാനാകില്ല

സ്റ്റാന്‍ഡേര്‍ഡ് ചാര്‍ട്ടേഡ് സൂപ്പര്‍ വാല്യൂ ടൈറ്റാനിയം ക്രെഡിറ്റ് കാര്‍ഡ്

ജോയിനിംഗ് ഫീസായി 750 രൂപ ഈടാക്കുന്നു. ഇന്ധനത്തിന് അഞ്ച ശതമാനം ക്യാഷ്ബാക്ക്. എല്ലാ ഇന്ധന സ്റ്റേഷനുകളിലും പ്രതിമാസം 200 രൂപ വരെ ചെലവഴിക്കുന്നതിന് ഒരു ഇടപാടിന് പരമാവധി ക്യാഷ്ബാക്ക് 100 രൂപ. 2,000 രൂപയോ അതില്‍ താഴെയോ ഉള്ള എല്ലാ ഇടപാടുകള്‍ക്കും ക്യാഷ്ബാക്കിന് അര്‍ഹതയുണ്ട്.

എയര്‍ ഇന്ത്യ എസ്ബിഐ സിഗ്‌നേച്ചര്‍ ക്രെഡിറ്റ് കാര്‍ഡ്

ജോയിനിംഗ് ഫീസ് 4999 രൂപയാണ്. എല്ലാ പെട്രോള്‍ പമ്പുകളിലും എയര്‍ ഇന്ത്യ എസ്ബിഐ സിഗ്‌നേച്ചര്‍ കാര്‍ഡ് ഉപയോഗിച്ച് 1ഒരു ശതമാനം ഇന്ധന സര്‍ചാര്‍ജ് ഒഴിവാക്കാം. ആ ആനുകൂല്യം ലഭിക്കുന്നതിന് 500 രൂപ മുതല്‍ 4,000 രൂപ വരെയുള്ള ഇന്ധനം വാങ്ങാം, പരമാവധി സര്‍ചാര്‍ജ് 250 രൂപ വരെ ഇളവ് നേടാം. അധിക നികുതികള്‍ ചിലപ്പോള്‍ ബാധകമായേക്കാം.

യെസ് ഫസ്റ്റ് പ്രിഫേഡ് ക്രെഡിറ്റ് കാര്‍ഡ്

ജോയിനിംഗ് ഫീസ് 999 രൂപയാണ്. 400 മുതല്‍ 5,000 രൂപ വരെയുള്ള ഇടപാടുകള്‍ക്ക് ഇന്ത്യയിലുടനീളമുള്ള എല്ലാ ഇന്ധന സ്റ്റേഷനുകളിലും ഒരു ഇന്ധന സര്‍ചാര്‍ജ് ഇളവ്. ഈ ക്രെഡിറ്റ് കാര്‍ഡുകള്‍ക്ക് വാര്‍ഷിക ഫീസ് പൂജ്യം മുതല്‍ 1,000 രൂപ വരെയാണ്, അതോടൊപ്പം പ്രതിമാസം 3.25 ശതമാനം മുതല്‍ പ്രതിമാസം 3.40 ശതമാനം വരെ പലിശ നിരക്കും.

ഇന്ധനച്ചെലവുകളിലെ ഓഫറുകളും ആനുകൂല്യങ്ങളും കൂടാതെ ഈ ക്രെഡിറ്റ് കാര്‍ഡുകള്‍ വിനോദം, ഡൈനിംഗ്, ഷോപ്പിംഗ് എന്നിങ്ങനെയുള്ള മറ്റ് വിഭാഗങ്ങളിലും കാര്യമായ ഓഫറുകളും നല്‍കുന്നു.

ഇന്ത്യന്‍ ഓയില്‍ ആക്സിസ് ബാങ്ക് ക്രെഡിറ്റ് കാര്‍ഡ്- നിങ്ങള്‍ക്ക് ഇന്ധനച്ചെലവിനും മറ്റ് ഓണ്‍ലൈന്‍ ചെലവുകള്‍ക്കും മനേട്ടം നല്‍കുന്നു. ഇന്ത്യയിലെ ഏത് ഐഒസിഎല്‍ ഇന്ധന ഔട്ട്ലെറ്റിലും ഓരോ 100 രൂപയ്ക്കും 20 റിവാര്‍ഡ് പോയിന്റുകള്‍ നേടുന്നതിലൂടെ ഇന്ധന ഇടപാടുകളില്‍ നിങ്ങള്‍ക്ക് നാല് ശതമാനം മൂല്യം തിരികെ ലഭിക്കും.

എച്ച്ഡിഎഫ്‌സി ഭാരത് ക്യാഷ്ബാക്ക് ക്രെഡിറ്റ് കാര്‍ഡ്- ഇന്ധനത്തില്‍ ക്യാഷ്ബാക്ക് ആഗ്രഹിക്കുന്ന ഉപയോക്താക്കള്‍ക്ക് ഏറ്റവും അനുയോജ്യമായ ഒരു തുടക്കം എച്ച്ഡിഎഫ്‌സി ഭാരത് ക്യാഷ് ബാക്ക് ക്രെഡിറ്റ് കാര്‍ഡ് നല്‍കുന്നു. ഇന്ധനച്ചെലവ്, റെയില്‍വേ ടിക്കറ്റ് ബുക്കിംഗ്, പലചരക്ക് സാധനങ്ങള്‍, ബില്‍ പേയ്മെന്റ്, മൊബൈല്‍ റീചാര്‍ജ്, PayZapp/EasyEMI/ SmartBUY എന്നിവയ്ക്ക് അഞ്ച് ശതമാനം ക്യാഷ്ബാക്ക് കാര്‍ഡ് വാഗ്ദാനം ചെയ്യുന്നു. ഈ ക്രെഡിറ്റ് കാര്‍ഡ് വഴി എല്ലാ വര്‍ഷവും 3,600 രൂപ വരെ ലാഭിക്കാം.

ഇന്ത്യന്‍ ഓയില്‍ എച്ച്ഡിഎഫ്സി ബാങ്ക് ക്രെഡിറ്റ് കാര്‍ഡ്- പ്രധാനമായും ഇന്ത്യയിലെ മെട്രോ ഇതര നഗരങ്ങളില്‍ നിന്നും പട്ടണങ്ങളില്‍ നിന്നുമുള്ള ഉപയോക്താക്കളെ കേന്ദ്രീകരിച്ചാണ്. വിസ, റുപേ വേരിയന്റുകളില്‍ ഇവ ലഭ്യമാണ്. ഈ കാര്‍ഡ് ഉപയോഗിച്ച്, എല്ലാ ചെലവ് വിഭാഗങ്ങളിലും നിങ്ങള്‍ക്ക് 'ഇന്ധന പോയിന്റുകള്‍' നേടാനാകും. ഇന്ത്യന്‍ ഓയില്‍ ഇന്ധന സ്റ്റേഷനുകളില്‍ ഇന്ധനം വാങ്ങുന്നതിനെതിരെ ഉപയോഗിക്കാനും കഴിയും. ഈ ക്രെഡിറ്റ് കാര്‍ഡ് വഴി നിങ്ങള്‍ക്ക് ഓരോ വര്‍ഷവും 50 ലിറ്റര്‍ വരെ സൗജന്യ ഇന്ധനം നേടാം.

ഐസിഐസിഐ ബാങ്ക് എച്ച്പിസിഎല്‍ സൂപ്പര്‍ സേവര്‍ ക്രെഡിറ്റ് കാര്‍ഡ് - എച്ച്പിസിഎല്‍ പെട്രോള്‍ പമ്പുകളിലെ ഇന്ധന ഇടപാടുകള്‍ക്ക് പ്രതിഫലം നല്‍കുന്ന ഒരു കോ-ബ്രാന്‍ഡഡ് ക്രെഡിറ്റ് കാര്‍ഡാണ്. ഓരോ തവണയും കാര്‍ഡ് ഉപയോഗിക്കുമ്പോള്‍ നാല് ശതമാനം വരെ ലാഭിക്കാം. ഈ ക്രെഡിറ്റ് കാര്‍ഡ് യാത്ര, വിനോദം, ഡൈനിംഗ് എന്നിവ പോലുള്ള മറ്റ് വിഭാഗങ്ങളിലുടനീളം ആനുകൂല്യങ്ങള്‍ വാഗ്ദാനം ചെയ്യുന്നു.

ബിപിസിഎല്‍ എസ്ബിഐ കാര്‍ഡ് ഒക്ടെയ്ന്‍- ബിപിസിഎല്‍ എസ്ബിഐ കാര്‍ഡിന്റെ പ്രീമിയം പതിപ്പാണിത്. ഇതില്‍ അധിക നേട്ടങ്ങളുമുണ്ട്. ഈ കാര്‍ഡ് ഉപയോഗിച്ച്, വെബ്സൈറ്റിലൂടെയും മൊബൈല്‍ ആപ്പിലൂടെയും ഭാരത്ഗ്യാസ് ഓണ്‍ലൈന്‍ പേയ്മെന്റുകളില്‍ 7.25 ശതമാനം മൂല്യം തിരികെ ലഭിക്കും.

എച്ച്പിസിഎല്‍ ഐഡിഎഫ്‌സി ഫസ്റ്റ് പവര്‍ + ക്രെഡിറ്റ് കാര്‍ഡ്- എച്ച്പിസിഎല്‍ പെട്രോള്‍ പമ്പുകളില്‍ ഇന്ധനച്ചെലവിന് മാന്യമായ മൂല്യം നല്‍കുന്ന കോ-ബ്രാന്‍ഡഡ് ഫ്യുവല്‍ ക്രെഡിറ്റ് കാര്‍ഡാണ്. ഈ കാര്‍ഡ് ഉപയോഗിച്ച്, ഇന്ധനച്ചെലവിന് 6.5 ശതമാനം വരെ മൂല്യം തിരികെ ലഭിക്കും. ഇന്ധനത്തിനുപുറമെ, ഈ ക്രെഡിറ്റ് കാര്‍ഡ് മറ്റ് വിഭാഗങ്ങള്‍ക്കും പലചരക്ക് സാധനങ്ങള്‍ക്കും യൂട്ടിലിറ്റി ചെലവുകള്‍ക്കും മൂല്യം നല്‍കുന്നു.എന്നിരുന്നാലും, നിങ്ങള്‍ വാര്‍ഷിക ഫീസ് 5100 രൂപ അടയ്ക്കാന്‍ ആഗ്രഹിക്കുന്നില്ലെങ്കില്‍. ഈ കാര്‍ഡിന്റെ താഴ്ന്ന വേരിയന്റായ HPCL IDFC ഫസ്റ്റ് പവര്‍ ക്രെഡിറ്റ് കാര്‍ഡ് പരിഗണിക്കാവുന്നതാണ്.

ക്രെഡിറ്റ് കാര്‍ഡുകള്‍ തിരഞ്ഞെടുക്കുമ്പോള്‍ ഇന്ധന ആനുകൂല്യങ്ങള്‍ക്കൊപ്പം, മറ്റ് മേഖലകളിലെ ഓഫറുകള്‍ കൂടി പരിഗണിക്കണം. സിനിമകള്‍ അല്ലെങ്കില്‍ പലചരക്ക് സാധനങ്ങള്‍, എന്നിവയില്‍ ഉയര്‍ന്ന റിവാര്‍ഡുകള്‍ വാഗ്ദാനം ചെയ്യുന്നത് പരിശോധിക്കാം. കൂടാതെ ബോണസും ചെലവ് മുന്‍ഗണനകളുമായി യോജിക്കുന്ന ഒന്ന് തിരഞ്ഞെടുക്കുക.