യുകെ വിസാ ഫീസ് കുത്തനെ ഉയര്‍ത്തും

2024 ഓടെ യുകെ സര്‍ക്കാര്‍ വര്‍ക്ക് പെര്‍മിറ്റുകള്‍ക്കും വിസകള്‍ക്കുമുള്ള നിരക്കുകള്‍ വര്‍ധിപ്പിക്കുമെന്ന് സൂചന. നിരക്കുകളില്‍ 20% വര്‍ധനവ് ഉണ്ടാകുമെന്നാണ് വിദഗ്ധര്‍ പറയുന്നത്. ജോലിക്കായി യുകെയിലേക്ക് കുടിയേറാന്‍ ഉദ്ദേശിക്കുന്ന വ്യക്തികള്‍ ഉടന്‍ നടപടികള്‍ സ്വീകരിക്കാന്‍ അവര്‍ ഉപദേശിക്കുന്നു.

ജോബ് ഓഫറുകളുള്ളവര്‍ അല്ലെങ്കില്‍ യുകെ തൊഴിലുടമകളുമായി ചര്‍ച്ചകള്‍ നടത്തുന്നവര്‍ ഉയര്‍ന്ന ഫീസ് ഒഴിവാക്കാന്‍ അവരുടെ പദ്ധതികള്‍ വേഗത്തില്‍ പൂര്‍ത്തിയാക്കേണ്ടതുണ്ട്.

'അടുത്തവര്‍ഷം പൊതുതെരഞ്ഞെടുപ്പിനെ നേരിടുന്ന സര്‍ക്കാര്‍ ഇമിഗ്രേഷനില്‍ നടപടിയെടുക്കുകതന്നെ ചെയ്യും. അതിനാല്‍ ഫീസിലെ ഈ മാറ്റങ്ങള്‍ ഉടനടി പ്രാബല്യത്തില്‍ വരുമെന്ന് ഞങ്ങള്‍ പ്രതീക്ഷിക്കുന്നു' ലണ്ടന്‍ ആസ്ഥാനമായുള്ള ഇമിഗ്രേഷന്‍ സ്ഥാപനമായ എ വൈ ആന്‍ഡ് ജെ സോളിസിറ്റേഴ്സിന്റെ ഡയറക്ടര്‍ യാഷ് ദുബല്‍ പറഞ്ഞു. നാഷണല്‍ ഹെല്‍ത്ത് സര്‍വീസിന് ഫണ്ട് നല്‍കുമ്പോള്‍ കുടിയേറ്റത്തിന്റെ കാര്യത്തില്‍ തങ്ങള്‍ കടുത്ത നിലപാടാണ് സ്വീകരിക്കുന്നതെന്ന് വോട്ടര്‍മാരെ കാണിക്കാന്‍ നിലവിലെ സര്‍ക്കാര്‍ ആഗ്രഹിക്കുന്നു.

ഈ നയം രണ്ട് ലക്ഷ്യങ്ങളും ഉള്‍ക്കൊള്ളുന്നതാണ്.

''സാധാരണയായി ഇമിഗ്രേഷന്‍ ഫീസ് മാറ്റങ്ങള്‍ പ്രാബല്യത്തില്‍ വരുന്നതിന് കുറഞ്ഞത് 21 ദിവസം മുമ്പെങ്കിലും പാര്‍ലമെന്റിന് മുമ്പാകെ പോകും. എന്നിരുന്നാലും, കുടിയേറ്റക്കാര്‍ നെറ്റ് സംഭാവന നല്‍കുന്നവരല്ലെന്ന ചില വോട്ടര്‍മാരുടെ തെറ്റിദ്ധാരണ ഇല്ലാതാക്കാന്‍ പൊതുതിരഞ്ഞെടുപ്പിന് മുമ്പ് കുടിയേറ്റ സമ്പ്രദായം മാറ്റാനുള്ള രാഷ്ട്രീയ ഇച്ഛാശക്തി ഈ സര്‍ക്കാരിനുണ്ട്. ഇക്കാരണത്താല്‍, നയപരമായ മാറ്റങ്ങള്‍ വേഗത്തില്‍ നടപ്പിലാക്കാന്‍ സാധ്യതയുണ്ട്. അതിനാല്‍ വിസയ്ക്കായി തീര്‍പ്പുകല്‍പ്പിക്കാത്ത അപേക്ഷകളുള്ള ഇന്ത്യയിലുള്ള ആര്‍ക്കും അവ എത്രയും വേഗം സമര്‍പ്പിക്കാന്‍ ഞങ്ങള്‍ ഉപദേശിക്കും'' സ്ഥാപനം പറയുന്നു.

യുകെ വിസകള്‍ക്കായി ഒരു പുതിയ നിരക്ക് ഘടന അവതരിപ്പിക്കാനാണ് ഒരുങ്ങുന്നത്. ജോലി, സന്ദര്‍ശന വിസ ഫീസ് 15% വര്‍ധിക്കുകയും മറ്റ് വിസ തരങ്ങള്‍ക്ക് കുറഞ്ഞത് 20% വര്‍ധനവ് വരുത്തുകയും ചെയ്യും. കൂടാതെ, ആരോഗ്യ സംരക്ഷണത്തിനായി കുടിയേറ്റക്കാര്‍ നല്‍കുന്ന വിവാദമായ ഇമിഗ്രേഷന്‍ ഹെല്‍ത്ത് സര്‍ചാര്‍ജ് മുതിര്‍ന്നവര്‍ക്ക് പ്രതിവര്‍ഷം 624 പൗണ്ട് എന്നതില്‍ നിന്ന് 1,035 ആയും കുട്ടികള്‍ക്കുള്ള നിരക്ക് 470 പൗണ്ടില്‍ നിന്ന് 776 ആയും ഉയരും.

ഈ കുത്തനെയുള്ള വര്‍ധനവ് ആശങ്കാജനകമാണ്. ഉദാഹരണത്തിന്, ഒരു പങ്കാളിയെയും കുട്ടിയെയും കൊണ്ടുവരുന്ന വിദഗ്ധ തൊഴിലാളി വിസ ഉടമകള്‍ക്ക് അവരുടെ മൂന്ന് വര്‍ഷത്തെ വിസയുടെ നിരക്ക് 7,029 പൗണ്ടില്‍ നിന്ന് 10,695 ആയി ഉയരും.

ഇമിഗ്രേഷന്‍ സ്‌കില്‍ ചാര്‍ജില്‍ വര്‍ധനയുണ്ടാകാന്‍ സാധ്യതയുണ്ടെന്ന വാര്‍ത്തകളും പുറത്തുവരുന്നുണ്ട്. എന്നാല്‍ ഇതുവരെ ഔദ്യോഗിക അതിന് സ്ഥിരീകരണം നല്‍കിയിട്ടില്ല.

കൂടാതെ, വെബ് ഡിസൈനര്‍മാര്‍, റെസിഡന്‍ഷ്യല്‍ ഡേ കെയര്‍ മാനേജര്‍മാര്‍ തുടങ്ങിയ യുകെ ഷോര്‍ട്ടേജ് ഒക്യുപേഷന്‍സ് ലിസ്റ്റ് ജോലികള്‍ക്കുള്ള ശമ്പള പരിധി, നിലവിലുള്ള നിരക്കിന്റെ 80% ആണ്, അതിന്റെ ഫലമായി കുടിയേറ്റക്കാരുടെ ശമ്പളം 20% കുറവാണ്. ഫീസിന്റെ വര്‍ധിച്ച ചിലവ് ചില അപേക്ഷകരെ കുറഞ്ഞ ശമ്പളമുള്ള സ്ഥാനങ്ങള്‍ എടുക്കുന്നതില്‍ നിന്ന് നിരുത്സാഹപ്പെടുത്തും. കാരണം വിസയുടെ ആവശ്യകതകള്‍ നിറവേറ്റുന്നത് അവര്‍ക്ക് സാമ്പത്തികമായി വെല്ലുവിളിയായേക്കാം.

ഫീസിനത്തിലെ ഉയര്‍ച്ചയുടെ ആഘാതം ചില കുടിയേറ്റക്കാരെ താഴ്ന്ന ശമ്പളമുള്ള ജോലികള്‍ എടുക്കുന്നതില്‍ നിന്ന് പിന്തിരിപ്പിച്ചേക്കാം. കാരണം കുറഞ്ഞ വേതനത്തോടൊപ്പം ഫീസ് വര്‍ധനയും ജോലിയെ സാമ്പത്തികമായി അപ്രായോഗികമാക്കും.