Login 
പഠിക്കാം & സമ്പാദിക്കാം 
Home
13 Feb 2023 7:15 AM GMT
Summary
- 2023 ലെ ഗള്‍ഫ് രാജ്യങ്ങളിലെ ഏറ്റവും ശക്തരായ 100 ബിസിനസ് സ്ത്രീകളുടെ പട്ടികയാണ് ഫോബ്‌സ് പുറത്തിറക്കിയത്
പ്രശസ്തമായ അമേരിക്കന്‍ ബിസിനസ് മാഗസിന്‍ ഫോബ്‌സ് കഴിഞ്ഞ ദിവസം പ്രസിദ്ധീകരിച്ച മിഡില്‍ ഈസ്റ്റിലെ ഏറ്റവും ശക്തരായ ബിസിനസ് വനിതകളുടെ പട്ടികയില്‍ എട്ട് കുവൈത്തി വനിതകള്‍ ഇടം പിടിച്ചു.
2023 ലെ ഗള്‍ഫ് രാജ്യങ്ങളിലെ ഏറ്റവും ശക്തരായ 100 ബിസിനസ് സ്ത്രീകളുടെ പട്ടികയാണ് ഫോബ്‌സ് പുറത്തിറക്കിയത്. കുവൈത്തില്‍ നിന്ന് പട്ടികയില്‍ ആദ്യ പത്തില്‍ രണ്ടുപേരും, ആദ്യ ഇരുപതില്‍ നാലുപേരും ഇടംപിടിച്ചിട്ടുണ്ട്.
കുവൈത്തില്‍നിന്ന് പട്ടികയില്‍ ഒന്നാം സഥാനത്തെത്തിയിരിക്കുന്നത് നാഷണല്‍ ബാങ്ക് കുവൈത്ത് ഗ്രൂപ്പ് സിഇഒ ശൈഖ അല്‍ ബഹര്‍ ആണ്. അകെ പട്ടികയില്‍ നാലാം സഥാനമാണ് അവര്‍ സ്വന്തമാക്കിയിരിക്കുന്നത്.
പട്ടികയില്‍ കുവൈത്ത് നാഷണല്‍ പെട്രോളിയം സിഇഒ വാദ അല്‍ ഖത്തിബ് ആറാം സ്ഥാനം സ്വന്തമാക്കിയിട്ടുണ്ട്. ഇവരാണ് കുവൈത്തില്‍ നിന്നുള്ളവരില്‍ രണ്ടാമത്. കുവൈത്തിലെ പ്രശസ്തമായ കിപ്കോ ഗ്രൂപ്പ് സിഇഒ അദാന നാസര്‍ അസ്സബാഹ് പട്ടികയില്‍ പന്ത്രണ്ടാം സഥാനം നേടി. കുവൈത്തില്‍ നിന്ന് മൂന്നാം സഥാനമാണ് ഇവര്‍ സ്വന്തമാക്കിയിരിക്കുന്നത്.
അജിലിറ്റി ചെയര്‍പേഴ്സണ്‍ ഹെനാദി അസ്സലാഹ് ഇരുപതാം സഥാനമാണ് സ്വന്തമാക്കിയിരിക്കുന്നത്. ടെലികോം കമ്പനിയായ സൈന്‍ കുവൈത്ത് സിഇഒ ഈമാന്‍ അല്‍ റൗദാന്‍ പട്ടികയില്‍ ഇരുപത്തിരണ്ടാം സഥാനവും സ്വന്തമാക്കി.
അഹ്ലി യുണൈറ്റഡ് ബാങ്ക് സിഇഒ ജഹാദ് അല്‍ ഹുമൈദി 34, പെട്രോ കെമിക്കല്‍ ഇന്‍ഡ്രസ്ട്രീസ് കമ്പനി സിഇഒ നാദിഅ അല്‍ ഹജ്ജി 35 എന്നിങ്ങനെ സ്ഥാനങ്ങളാണ് സ്വന്തമാക്കിയിരിക്കുന്നത്.
