നാട്ടിലേക്ക് പണമയക്കുമ്പോള്‍ എന്തെല്ലാം ശ്രദ്ധിക്കണം?

ഒരു എന്‍ ആര്‍ ഐ എന്ന നിലയില്‍, നിങ്ങള്‍ക്ക് ഇന്ത്യയിലേക്ക് ഇടയ്ക്കിടെ പണം അയയ്ക്കേണ്ടി വന്നേക്കാം. അത് ലളിതവും കാര്യക്ഷമവും താങ്ങാനാവുന്നതുമായിരിക്കണമെന്ന് നിങ്ങള്‍ ആഗ്രഹിക്കുന്നു. വേഗവും ഇവിടെ ഒരു പ്രശ്‌നമാണ്. എപ്പോള്‍ വേണമെങ്കിലും എവിടെനിന്നും കുറച്ച് മിനിറ്റുകള്‍ക്കുള്ളിലും പണം അയയ്ക്കാന്‍ കഴിയണം. ഇന്ത്യയിലേക്ക് പണം അയയ്ക്കാന്‍ ആഗ്രഹിക്കുന്നുവെങ്കില്‍, നിങ്ങള്‍ക്ക് ഒരു എന്‍ ആര്‍ ഐ അക്കൗണ്ട് ആവശ്യമാണ്.

പണമയക്കുമ്പോള്‍ താഴെ പറയുന്നകാര്യങ്ങള്‍ ശ്രദ്ധിക്കുക

വിനിമയ നിരക്ക്: പണവിനിമയ രംഗത്തുള്ള പ്രമുഖ വിനിമയ സ്ഥാപനങ്ങളെ മനസിലാക്കക്കുക. കുറഞ്ഞ നിരക്കുളളതും താരതമ്യേന സുതാര്യവുമായി പ്രവര്‍ത്തിക്കുന്നതുമായ സേവന ദാതാക്കളെ ആകണം തിരഞ്ഞെടക്കേണ്ടത്. മറ്റ് സേവനങ്ങളും നോക്കാവുന്നതാണ്.

നികുതികളും പരിവര്‍ത്തന ഫീസും: ചില ധനകാര്യ സ്ഥാപനങ്ങള്‍ ഓരോ ഇടപാടിനും ഇന്ത്യയില്‍ സേവന നികുതികളും പരിവര്‍ത്തന ഫീസും റിസീവിംഗ് ചാര്‍ജും. പണം അയയ്ക്കുന്നതിന് മുമ്പ് മറഞ്ഞിരിക്കുന്ന ചെലവുകള്‍ പരിശോധിക്കുക.

പങ്കാളികളുടെ പട്ടിക: അന്താരാഷ്ട്ര പണ കൈമാറ്റം സുഗമമാക്കുന്നതിന് പല ബാങ്കുകളും അവരുടെ വിദേശ പങ്കാളികളുമായി സഹകരിച്ച് പ്രവര്‍ത്തിക്കുന്നു. നിങ്ങളുടെ ബാങ്കിന്റെ വിദേശ പങ്കാളികളുടെ പട്ടിക ആവശ്യപ്പെട്ടാല്‍ അവര്‍ ലഭ്യമാക്കും.

ഇടപാടിന്റെ വേഗതയും സമയവും: ഗുണഭോക്താവിന് കൃത്യസമയത്ത് പണം ലഭിക്കുന്നുണ്ടെന്ന് ഉറപ്പാക്കാന്‍, ഇടപാട് എത്ര വേഗത്തില്‍ പൂര്‍ത്തിയാകുമെന്ന് പരിശോധിക്കുക. സാധ്യമായ ഏറ്റവും കുറഞ്ഞ സമയമെടുക്കുന്ന ഒരു ബാങ്ക്/സേവനദാതാവ് നിങ്ങള്‍ക്ക് വേണം. നിങ്ങളുടെ കൈമാറ്റ രീതിയെ ആശ്രയിച്ച്, ഇടപാടുകള്‍ പൂര്‍ത്തിയാകാന്‍ കുറച്ച് മണിക്കൂറുകള്‍ മുതല്‍ കുറച്ച് ദിവസങ്ങള്‍ വരെ എടുത്തേക്കാം.

കട്ട്-ഓഫ് സമയം: ബാങ്കുകള്‍ വിവിധ രാജ്യങ്ങള്‍ക്ക് ഒരു കട്ട്-ഓഫ് സമയം നിശ്ചയിച്ചിട്ടുണ്ട്. കട്ട്-ഓഫ് സമയത്തിന് മുമ്പ് പണം കൈമാറ്റം നടത്താന്‍ കഴിഞ്ഞാല്‍, മിക്ക രാജ്യങ്ങളിലും അതേ ദിവസം തന്നെ നിങ്ങളുടെ ഇടപാട് പൂര്‍ത്തിയാകും. ഓരോ രാജ്യത്തിനുമുള്ള കട്ട് ഓഫ് സമയം കസ്റ്റമര്‍ സര്‍വീസിനോട് ചോദിക്കുക.

കറന്‍സി ലിസ്റ്റ്: നിങ്ങളുടെ സേവന ദാതാവിന് നിങ്ങള്‍ ഇടപാട് നടത്താന്‍ ആഗ്രഹിക്കുന്ന കറന്‍സി നല്‍കാന്‍ കഴിയുമോയെന്ന് പരിശോധിക്കുക.

മുന്‍കാല വിനിമയ നിരക്കുകള്‍: നിങ്ങള്‍ ഒരു ഇടപാട് നടത്തുന്നതിന് മുമ്പുള്ള ദിവസത്തെ വിനിമയ നിരക്ക് പരിശോധിക്കുക, കാരണം നിരക്കിലെ ചെറിയ ഏറ്റക്കുറച്ചിലുകള്‍ രൂപയുടെ മൂല്യത്തില്‍ കാര്യമായ നേട്ടങ്ങള്‍ക്കോ നഷ്ടത്തിനോ കാരണമാകും.

ഇടപാട് പരിധി: നിങ്ങള്‍ക്ക് വിദേശത്തേക്ക് അയക്കാവുന്ന പണത്തിന് ബാങ്കുകള്‍ക്ക് പരിധിയുണ്ട്. കൂടാതെ, ചില ബാങ്കുകള്‍ക്ക് ഒരു വര്‍ഷത്തെ ഇടപാടുകളുടെ എണ്ണത്തില്‍ പരിമിതികളുണ്ട്. അന്താരാഷ്ട്ര കൈമാറ്റങ്ങള്‍ നടത്തുന്നതിന് മുമ്പ് പരിധി അറിയുക.

ഗുണഭോക്താക്കളുടെ വിശദാംശങ്ങള്‍: നിങ്ങള്‍ ഇന്ത്യയിലേക്ക് പണം അയയ്ക്കുമ്പോള്‍, ഗുണഭോക്താക്കളുടെ വിശദാംശങ്ങള്‍ ചേര്‍ക്കാന്‍ ബാങ്കുകള്‍ നിങ്ങളോട് ആവശ്യപ്പെടും. സ്വീകര്‍ത്താവിന്റെ ബാങ്ക് അക്കൗണ്ട് നമ്പര്‍, പേര്, വിലാസം, ബാങ്കിന്റെ ബ്രാഞ്ച് പേര്, ഐഎഫ്എസ് സി (ഇന്ത്യന്‍ ഫിനാന്‍ഷ്യല്‍ സിസ്റ്റം കോഡ്) നമ്പര്‍ എന്നിവയെക്കുറിച്ച് തെറ്റായ വിവരങ്ങള്‍ നല്‍കിയാല്‍ ഇടപാടുകള്‍ നിരസിക്കപ്പെടാം. കൂടാതെ, ചില സന്ദര്‍ഭങ്ങളില്‍ സിഫ്റ്റ് കോഡ് ആവശ്യമാണ്. ഇടപാടിന് മുമ്പ് വിശദാംശങ്ങള്‍ പരിശോധിച്ച് അത് തയ്യാറാക്കി വയ്ക്കുക.

അവധി ദിവസങ്ങളും പ്രവൃത്തി സമയവും: അവധി ദിവസങ്ങളില്‍ ബാങ്കുകള്‍ പ്രവര്‍ത്തിക്കില്ല. പ്രവര്‍ത്തന സമയവും ശ്രദ്ധിക്കണം. അതിനനുസരിച്ച് മുന്‍കൂട്ടി പ്ലാന്‍ ചെയ്യുക.

നിയന്ത്രണങ്ങള്‍: എല്ലാറ്റിനുമുപരിയായി, നിയമങ്ങള്‍ മനസ്സിലാക്കുക. കുടുംബത്തിനോ നിക്ഷേപത്തിനോ മറ്റെന്തെങ്കിലും ആവശ്യങ്ങള്‍ക്കോ വേണ്ടിയുള്ള പണം കൈമാറ്റം നിയന്ത്രിക്കുന്ന ഒരു കൂട്ടം നിയമങ്ങള്‍ റിസര്‍വ് ബാങ്ക് ഓഫ് ഇന്ത്യ ഏര്‍പ്പെടുത്തിയിട്ടുണ്ട്.