വിവിധ റിയാൽ നോട്ടുകൾ അസാധുവാക്കി സെൻട്രൽ ബാങ്ക് ഓഫ് ഒമാൻ

ഒമാനിൽ നിലവിലുള്ള ഏതാനും റിയാൽ നോട്ടുകൾ പ്രചാരണത്തിൽ നിന്ന് പിൻവലിക്കാൻ തീരുമാനിച്ചതായി സെൻട്രൽ ബാങ്ക് ഓഫ് ഒമാൻ അറിയിച്ചു. 2024 ജനുവരിയിൽ മുതൽ 360 ദിവസങ്ങൾക്കുള്ളിൽ ആണ് പിൻവലിക്കൽ നടപടി പൂർത്തിയാക്കുക. ഈ നോട്ടുകൾ ഇപ്പോൾ കൈവശമുള്ളവർ ഈ കാലയളവിനുള്ളിൽ ബാങ്കുകളിൽ മാറ്റി എടുക്കണം.

പിൻവലിക്കുന്ന ബാങ്ക് നോട്ടുകൾ:

1995 നവംബറിൽ സിബിഒ പുറത്തിറക്കിയ 1500 ബൈസ, 200 ബൈസ, 100 ബൈസ നോട്ടുകൾ.

2000 നവംബറിൽ പുറത്തിറക്കിയ 50 ഒമാൻ റിയാൽ, 20 റിയാൽ, 10 റിയാൽ, 5 റിയാൽ നോട്ടുകൾ.

2005-ൽ പുറത്തിറക്കിയ 1 റിയാൽ സ്മരണ നോട്ട്.

2010-ൽ പുറത്തിറക്കിയ 20 റിയാൽ സ്മരണ നോട്ട്.

2011-2012 കാലഘട്ടത്തിൽ പുറത്തിറക്കിയ 50 റിയാൽ, 10 റിയാൽ, 5 റിയാൽ നോട്ടുകൾ.

2015 ൽ പുറത്തിറക്കിയ 1 റിയാൽ സ്മരണ നോട്ട്.

2019 ൽ പുറത്തിറക്കിയ 50 റിയാൽ നോട്ട്.

പ്രസ്തുത കറൻസി നോട്ടുകൾ ഇനി നിയമപരമായ അംഗീകരിക്കില്ല. ഒമാനിൽ പ്രവർത്തിക്കുന്ന എല്ലാ ബാങ്കുകളും, ധനകാര്യ സ്ഥാപനങ്ങളും, ചില്ലറ വ്യാപാരികളും ഈ കാലയളവിൽ ഈ ബാങ്ക് നോട്ടുകൾ പൊതുജനങ്ങളിൽ നിന്ന് സ്വീകരിക്കാൻ നിർദ്ദേശിച്ചിട്ടുണ്ട്. ഈ ബാങ്ക് നോട്ടുകൾ വിനിമയത്തിൽ ഇല്ലാതാകുമെന്നും കൈമാറ്റത്തിനായി വ്യക്തമാക്കിയ കാലയളവ് അവസാനിച്ചതിന് ശേഷം അവയ്ക്ക് നിയമപരമായ മൂല്യം ഉണ്ടാകില്ലെന്നും സെൻട്രൽ ബാങ്ക് ഓഫ് ഒമാൻ ഒരു ഓൺലൈൻ അറിയിപ്പിൽ പറഞ്ഞു.