Login 
പഠിക്കാം & സമ്പാദിക്കാം 
Home
8 May 2024 9:54 AM
യുഎഇ: കാര്‍ഡ് പേയ്‌മെന്റിൽ വന്‍ കുതിപ്പ്, 2028 ല്‍ 764 ബില്യണ്‍ ദിര്‍ഹത്തിലെത്തും
MyFin Desk
Summary
- നാല് വര്‍ഷത്തിനുള്ളില്‍ കാര്‍ഡ് പേയ്മെന്റ് മൂല്യത്തില്‍ വാര്‍ഷിക വളര്‍ച്ചാ നിരക്ക് നേടുന്നത് 10.6 ശതമാനം
- 2024 ല്‍ കാര്‍ഡ് പേയ്മെന്റ് മൂല്യം 511.4 ബില്യണ്‍ ദിര്‍ഹത്തിലെത്തുമെന്ന് പ്രതീക്ഷ
- വേജ് പ്രൊട്ടക്ഷന്‍ സിസ്റ്റം, ഫിനാന്‍ഷ്യല്‍ ഇന്‍ഫ്രാസ്ട്രക്ചര്‍ ട്രാന്‍സ്‌ഫോര്‍മേഷന്‍ പ്രോഗ്രാം എന്നിവ ക്യാഷ്ലെസ് ഇന്‍ഫ്രാസ്ട്രക്ചറിനെ പിന്തുണയ്ക്കുന്നു
യുഎഇ കാര്‍ഡ് പേയ്മെന്റ് വിപണി കുതിക്കുന്നു. ഇലക്ട്രോണിക് പേയ്മെന്റുകളിലേക്കുള്ള വര്‍ദ്ധിച്ചുവരുന്ന മാറ്റത്തിന്റേയും ഉപഭോക്തൃ ചെലവിലെ വര്‍ദ്ധനവിന്റേയും പശ്ചാത്തലത്തില്‍ കാര്‍ഡ് പേയ്മെന്റ് വിപണി നാല് വര്‍ഷത്തിനുള്ളില്‍ 764.1 ബില്യണ്‍ ദിര്‍ഹത്തിലെത്തുമെന്നാണ് പ്രവചനം. 2024 നും 2028 നും ഇടയില്‍ കാര്‍ഡ് പേയ്മെന്റ് മൂല്യം 10.6 ശതമാനം വാര്‍ഷിക വളര്‍ച്ചാ നിരക്ക് നേടുമെന്ന് ഡാറ്റ അനലിറ്റിക്‌സ് കമ്പനിയായ ഗ്ലോബല്‍ ഡാറ്റ വ്യക്തമാക്കി.
യുഎഇയില്‍ കാര്‍ഡ് പേയ്മെന്റ് മൂല്യം 2022 ല്‍ 17.7 ശതമാനം വളര്‍ച്ച രേഖപ്പെടുത്തിയിരുന്നു. തുടര്‍ന്ന് 2023 ല്‍ 14.6 ശതമാനം വളര്‍ച്ച രേഖപ്പെടുത്തി 451.4 ബില്യണ്‍ ദിര്‍ഹത്തിലെത്തി. യുഎഇ കാര്‍ഡ് പേയ്മെന്റ് വിപണിയെ അതിവേഗം വളരുന്നതും പുതുമയുള്ളതുമായി വിശേഷിപ്പിക്കാമെന്ന് ഗ്ലോബല്‍ ഡാറ്റയിലെ ലീഡ് ബാങ്കിംഗ് പേയ്മെന്റ് അനലിസ്റ്റ് രവി ശര്‍മ്മ പറഞ്ഞു. സാമ്പത്തിക ഉള്‍പ്പെടുത്തല്‍ സംരംഭങ്ങളിലൂടെ ഇലക്ട്രോണിക് പേയ്മെന്റുകള് പ്രോത്സാഹിപ്പിക്കുന്നതിനും പേയ്മെന്റ് സ്വീകാര്യത അടിസ്ഥാന സൗകര്യങ്ങള്‍ വികസിപ്പിക്കുന്നതിനും വിപുലീകരിക്കുന്നതിനുമുള്ള സര്‍ക്കാരിന്റെയും ധനകാര്യ സ്ഥാപനങ്ങളുടെയും നിരന്തരമായ ശ്രമങ്ങള്‍ ദൈനംദിന ഇടപാടുകള്‍ക്കായി ഇലക്ട്രോണിക് പേയ്മെന്റുകള് ഉപയോഗിക്കാന്‍ ഉപഭോക്താക്കളെ പ്രേരിപ്പിച്ചതായി ശര്‍മ്മ പറഞ്ഞു.
ഇലക്ട്രോണിക് പേയ്മെന്റുകള് പ്രോത്സാഹിപ്പിക്കുന്ന സര്‍ക്കാര്‍ സംരംഭങ്ങള്‍, ഡിജിറ്റല്‍ പേയ്മെന്റുകള്‍ക്കുള്ള ഉപഭോക്തൃ മുന്‍ഗണനകള്‍, പേയ്മെന്റ് ഇന്‍ഫ്രാസ്ട്രക്ചര്‍ മെച്ചപ്പെടുത്തല്‍ എന്നിവയുടെ പിന്തുണയോടെ യുഎഇ പേയ്മെന്റ് കാര്‍ഡ് വിപണി അതിന്റെ ഉയര്‍ന്ന വളര്‍ച്ചാ പാത തുടരുമെന്ന് പ്രതീക്ഷിക്കുന്നതായി ശര്‍മ്മ പറഞ്ഞു. കാര്‍ഡ് പേയ്മെന്റ് മൂല്യം 13.3 ശതമാനം വളര്‍ച്ച രേഖപ്പെടുത്തി 2024 ല്‍ 511.4 ബില്യണ്‍ ദിര്‍ഹത്തിലെത്തുമെന്ന് പ്രതീക്ഷിക്കുന്നു.
യുഎഇയില്‍ കൂടുതല്‍ പേയ്മെന്റുകള് ഡിജിറ്റലൈസേഷനിലേക്ക് മാറുകയാണ്. ഗവണ്‍മെന്റിന്റെയും യുഎഇ സെന്‍ട്രല്‍ ബാങ്കിന്റെയും വിവിധ സാമ്പത്തിക ഉള്‍പ്പെടുത്തല്‍ നടപടികളായ വേജ് പ്രൊട്ടക്ഷന്‍ സിസ്റ്റം, ഫിനാന്‍ഷ്യല്‍ ഇന്‍ഫ്രാസ്ട്രക്ചര്‍ ട്രാന്‍സ്‌ഫോര്‍മേഷന്‍ പ്രോഗ്രാം എന്നിവ ക്യാഷ്ലെസ് ഇന്‍ഫ്രാസ്ട്രക്ചറിനെ പിന്തുണയ്ക്കുന്നു. പണത്തെ ആശ്രയിക്കുന്നത് കുറയ്ക്കുന്നതിനും ഇലക്ട്രോണിക് പേയ്മെന്റുകള് പ്രോത്സാഹിപ്പിക്കുന്നതിനും അതുവഴി കാര്‍ഡ് പേയ്മെന്റുകള് പ്രയോജനപ്പെടുത്തുന്നതിനും യുഎഇ സര്‍ക്കാര്‍ മറ്റ് നിരവധി സംരംഭങ്ങള്‍ സ്വീകരിക്കുന്നു.
2023ല്‍ യുഎഇയില്‍ അന്താരാഷ്ട്ര കാര്‍ഡുകള്‍ ഉപയോഗിച്ചുള്ള മൊത്തം ചെലവ് 25 ശതമാനത്തിലധികം വളര്‍ച്ച രേഖപ്പെടുത്തി. മിഡില്‍ ഈസ്റ്റിലെയും വടക്കേ ആഫ്രിക്കയിലെയും കാര്‍ഡുകളും ഡിജിറ്റല്‍ പേയ്മെന്റ് സൊല്യൂഷനുകളും വഴിയുള്ള ഇടപാടുകള്‍ മൂല്യത്തില്‍ 20 ശതമാനവും വോളിയത്തില്‍ 50 ശതമാനവും ഉയര്‍ന്നു, ഇത് ദൈനംദിന ചെലവുകള്‍ക്കുള്ള ഡിജിറ്റല്‍ പേയ്മെന്റുകളിലേക്കുള്ള ഗണ്യമായ മാറ്റത്തെ സൂചിപ്പിക്കുന്നു.