ബിഗ് ടിക്കറ്റ് ഒന്നാം സമ്മാനം 2.26 കോടി മലയാളിക്ക്

അബുദാബി: കഴിഞ്ഞ ഡിസംബറിൽ നടന്ന ബിഗ് ടിക്കറ്റിന്റെ പ്രതിവാര നറുക്കെടുപ്പിൽ 1ദശലക്ഷം ദിർഹം (2.26 കോടി രൂപ) നേടി ഏറ്റവും പുതിയ വിജയിയായി കേരളത്തിൽ നിന്നുള്ള ഷംസീർ. സെയിൽസ്മാൻ ആയ നാലുപുരക്കൽ കീഴത്ത് ഷംസീർ സോഷ്യൽ മീഡിയയിലെ ഒരു പരസ്യത്തിൽ നിന്നാണ് ബിഗ് ടിക്കറ്റ് നറുക്കെടുപ്പിനെ കുറിച്ച് മനസ്സിലാക്കുന്നത്. ക്രിസ്മസ് വാരത്തിലെ ഭാഗ്യ നറുക്കെടുപ്പിൽ രണ്ട് ബാല്യകാല സുഹൃത്തുക്കൾക്കൊപ്പമാണ് ഷംസീർ പങ്കെടുത്തത്. ഇമെയിൽ വഴി പ്രത്യേക ഓഫർ ലഭിച്ചതിന് ശേഷമാണ് 2023 വർഷത്തേക്കുള്ള അവസാന ടിക്കറ്റ് വാങ്ങിയത്. പ്രൊമോഷന്റെ ഭാഗമായി രണ്ട് ടിക്കറ്റ് എടുത്തപ്പോൾ സൗജന്യം ആയി കിട്ടിയ ടിക്കറ്റിന് ആണ് സമ്മാനം ലഭിച്ചത്.

2023-ൽ ഷംസീറും സുഹൃത്തുക്കളും ആഴ്ചതോറുമുള്ള നാല് നറുക്കെടുപ്പിൽ പങ്കെടുത്തിരുന്നു. അഞ്ചാം തവണ എടുത്ത ടിക്കറ്റ് വഴി ആണ് ഭാഗ്യം കടന്ന് വന്നത്. നിരവധി മലയാളികൾ സമ്മാനം നേടിയതിനെ തുടർന്നാണ് നറുക്കെടുപ്പിൽ പങ്കെടുക്കാൻ തീരുമാനിച്ചതെന്നും, അനേകം മലയാളികൾ ബിഗ് ടിക്കറ്റ് നേടിയത് ഞങ്ങളുടെ ഭാഗ്യം പരീക്ഷിക്കാൻ ഞങ്ങളെ പ്രേരിപ്പിച്ചു എന്നും ഷംസീർ പറയുന്നു. തനിക് ലഭിച്ച 1 മില്യൺ ദിർഹം തന്റെ ദീർഘ കാല സ്വപ്നം ആയ സ്വന്തം ബിസിനസ്സ് തുടങ്ങാനുള്ള സ്വപ്നത്തെ യാഥാർഥ്യമാക്കാൻ ഉപയോഗിക്കും.

ബിഗ് ടിക്കറ്റ് നറുക്കെടുപ്പിൽ പങ്കെടുക്കാൻ www.bigticket.ae എന്ന വെബ്‌സൈറ്റിൽ ഓൺലൈനായോ അൽ ഐൻ എയർപോർട്ടിലെ ഇൻ-സ്റ്റോർ കൗണ്ടറുകൾ സന്ദർശിച്ചോ ടിക്കറ്റുകൾ വാങ്ങാം. ഓട്ടോമാറ്റിക് ഇലക്ട്രോണിക് ഡ്രോയിലൂടെ ഒരാൾക്ക് ആഴ്ച്ചതോറും ഒരു മില്യൺ ദിർഹം വീതം നേടാം. ബിഗ് ടിക്കറ്റ് തത്സമയ നറുക്കെടുപ്പ് ബിഗ് ടിക്കറ്റിന്റെ ഔദ്യോഗിക യൂട്യൂബ് ചാനലിലൂടെയും ഫേസ്ബുക്ക് പേജിലൂടെയും, ഇൻസ്റ്റാഗ്രാം പേജിലൂടെയും കാണാനാകും.