സ്വയം പ്രതിരോധം ഇസ്രയേലിന്റെ അവകാശമെന്ന് ജി7

ഹമാസിനെ അപലപിച്ചും, സ്വയം പ്രതിരോധത്തിനുള്ള ഇസ്രയേലിന്റെ അവകാശത്തെ പിന്തുണച്ചും ജി7 യോഗം. അതോടൊപ്പം പാലസ്തീന്‍ പൗരന്മാര്‍ക്ക് സഹായം വേഗത്തിലാക്കാനും ബുധനാഴ്ച ടോക്കിയോയില്‍ നടന്ന ഗ്രൂപ്പ് ഓഫ് സെവന്‍ വിദേശകാര്യമന്ത്രിമാരുടെ യോഗം ആവശ്യപ്പെട്ടു.

ഒരു പ്രസ്താവനയില്‍, ഇസ്രായേലിനെതിരായ ഹമാസിന്റെ ആക്രമണങ്ങളെക്കുറിച്ചുള്ള വിമര്‍ശനങ്ങള്‍ സന്തുലിതമാക്കാനും പാലസ്തീനിലെ ഭക്ഷണം, വെള്ളം, വൈദ്യസഹായം, പാര്‍പ്പിടം എന്നിവ ആവശ്യമുള്ള സാധാരണക്കാരെ സഹായിക്കാന്‍ അടിയന്തര നടപടിയെടുക്കാനും യോഗം അഭ്യര്‍ത്ഥിച്ചു.

യുഎസ് സ്റ്റേറ്റ് സെക്രട്ടറി ആന്റണി ബ്ലിങ്കനും ബ്രിട്ടന്‍, കാനഡ, ഫ്രാന്‍സ്, ജര്‍മ്മനി, ജപ്പാന്‍, ഇറ്റലി എന്നിവിടങ്ങളില്‍ നിന്നുള്ള വിദേശകാര്യ മന്ത്രിമാരും അടിയന്തരമായി ആവശ്യമായ സഹായം, സിവിലിയന്‍ നീക്കങ്ങള്‍, ബന്ദികളെ മോചിപ്പിക്കല്‍ എന്നിവ സുഗമമാക്കുന്നതിനുള്ള ശ്രമങ്ങളെ പിന്തുണയ്ക്കുമെന്ന് ഊന്നിപ്പറഞ്ഞു.

അതേസമയം പാലസ്തീനില്‍ തീവ്രവാദികളുടെ കുടിയേറ്റ അക്രമങ്ങള്‍ വര്‍ധിക്കുന്നതിലും അപലപിക്കപ്പെട്ടു . ഇത് അംഗീകരിക്കാനാവില്ലെന്നും വെസ്റ്റ് ബാങ്കിലെ സുരക്ഷയെ തുരങ്കം വയ്ക്കുന്നുവെന്നും ശാശ്വത സമാധാനത്തിനുള്ള സാധ്യതകളെ ഭീഷണിപ്പെടുത്തുന്നുവെന്നും മന്ത്രിമാര്‍ പറഞ്ഞു.

പാലസ്തീനില്‍നിന്ന് ആയിരങ്ങള്‍ പലായനം ചെയ്യുന്ന സാഹചര്യത്തിലാണ് ജി7യോഗം നടന്നത്. അതേസമയം യുദ്ധത്തിന് മുമ്പ് ഏകദേശം 6,50,000 ആളുകള്‍ താമസിച്ചിരുന്ന ഗാസ നഗരത്തിനുള്ളില്‍ ഹമാസ് തീവ്രവാദികളുമായി തങ്ങളുടെ സൈന്യം പോരാടുകയാണെന്ന് ഇസ്രയേല്‍ പറഞ്ഞു.