ട്രംപിന്റെ സ്ഥാനാരോഹണം; ഷി ജിന്‍പിംഗ് പങ്കെടുത്തേക്കില്ല

നിയുക്ത യുഎസ് പ്രസിഡന്റ് ഡൊണാള്‍ഡ് ട്രംപിന്റെ സ്ഥാനാരോഹണ ചടങ്ങില്‍ ചൈനീസ് പ്രസിഡന്റ് ഷി ജിന്‍പിംഗ് പങ്കെടുക്കാന്‍ സാധ്യതയില്ലെന്ന് റിപ്പോര്‍ട്ട്. അദ്ദേഹത്തില്‍ നിന്ന് ക്ഷണം ലഭിച്ചിട്ടും, ഇതിന്റെ ആസൂത്രണത്തെക്കുറിച്ച് പരിചയമുള്ള രണ്ട് സ്രോതസ്സുകളെ ഉദ്ധരിച്ച് സിബിഎസ് ന്യൂസ് ആണ് വാര്‍ത്ത പുറത്തുവിട്ടത്.

എന്നിരുന്നാലും, സ്റ്റാന്‍ഡേര്‍ഡ് ഡിപ്ലോമാറ്റിക് പ്രോട്ടോക്കോള്‍ അനുസരിച്ച് യുഎസിലെ ചൈനയുടെ അംബാസഡറും അദ്ദേഹത്തിന്റെ പങ്കാളിയും പരിപാടിയില്‍ പങ്കെടുക്കുമെന്ന് പ്രതീക്ഷിക്കുന്നു. ബെയ്ജിംഗില്‍ നിന്നുള്ള മറ്റ് ഉദ്യോഗസ്ഥരും അവരോടൊപ്പം ചേരുമെന്ന് റിപ്പോര്‍ട്ട് ചെയ്യുന്നു.

സിബിഎസ് ന്യൂസ് പറയുന്നതനുസരിച്ച്, ഉദ്ഘാടന ചടങ്ങുകളില്‍ ഡിപ്ലോമാറ്റിക് പ്രോട്ടോക്കോള്‍ കൈകാര്യം ചെയ്യാന്‍ ഉദ്യോഗസ്ഥരെ നിയോഗിച്ചിട്ടുണ്ട്.

എന്നിരുന്നാലും, വാഷിംഗ്ടണിലെ ചൈനീസ് എംബസി ഇക്കാര്യത്തില്‍ പ്രതികരിക്കാന്‍ വിസമ്മതിച്ചു.

അതേസമയം, ടംപ് പറഞ്ഞു, 'ഞങ്ങള്‍ക്ക് ചൈനയുമായി നല്ല ബന്ധമുണ്ട്. എനിക്ക് നല്ല ബന്ധമുണ്ട്. ഞങ്ങള്‍ പ്രസിഡന്റ് ഷിയുമായി ചില കാര്യങ്ങള്‍ സംസാരിക്കുകയും ചര്‍ച്ച ചെയ്യുകയും ചെയ്തു.'വിശദാംശങ്ങളിലേക്ക് പോകാന്‍ അദ്ദേഹം വിസമ്മതിച്ചു, ഷിയെക്കുറിച്ചും സ്ഥാനാരോഹണത്തെക്കുറിച്ചും പ്രത്യേകം അഭിപ്രായം അദ്ദേഹം പറഞ്ഞില്ല.

യു.എസ്-ചൈന ബന്ധത്തില്‍ നേരത്തെ തന്നെ പിരിമുറുക്കമുള്ള സമയത്താണ് ട്രംപിന്റെ ഈ ക്ഷണം.