Login 
പഠിക്കാം & സമ്പാദിക്കാം 
Home
16 Sep 2023 4:56 AM GMT
Summary
- വാണിജ്യ കൂടികാഴ്ചകള്‍ക്ക് പ്രാധാന്യം നല്‍കുന്ന മേളയില്‍ ഇന്ത്യയിലെയും വിദേശത്തെയും പ്രമുഖ ടൂര്‍ കമ്പനികള്‍, ട്രാവല്‍ ഏജന്‍സികള്‍, ഹോട്ടലുകള്‍, റിസോര്‍ട്ടുകള്‍ എന്നിവയുടെ പങ്കാളിത്തമുണ്ടാകും.
- വൈകിട്ട് അഞ്ചിന് സന്തോഷ് ജോര്‍ജ് കുളങ്ങര മുഖ്യാതിഥിയാകുന്ന പ്രത്യേക സെഷനുമുണ്ട്.
കൊച്ചി: കേരളൈറ്റ്സ് ട്രാവല്‍സ് ആന്‍ഡ് ടൂര്‍സ് കണ്‍സോര്‍ഷ്യം (കെടിടിസി) സംഘടിപ്പിക്കുന്ന മെഗാ ടൂറിസം മേള ഇന്ന് (സെപ്റ്റംബര്‍ 16 ശനിയാഴ്ച്ച). തുഷാര്‍ എന്ന പേരില്‍ സംഘടിപ്പിക്കുന്ന ബി ടു ബി മേളയുടെ വേദി കലൂര്‍ ഗോകുലം കണ്‍വന്‍ഷന്‍ സെന്ററാണ്. കേരളത്തിലെ ട്രാവല്‍ ആന്‍ഡ് ടൂറിസം മേഖലയിലെ പ്രൊഫഷണല്‍ സംഘടനയാണ് കെടിടിസി. വാണിജ്യ കൂടികാഴ്ചകള്‍ക്ക് പ്രാധാന്യം നല്‍കുന്ന മേളയില്‍ ഇന്ത്യയിലെയും വിദേശത്തെയും പ്രമുഖ ടൂര്‍ കമ്പനികള്‍, ട്രാവല്‍ ഏജന്‍സികള്‍, ഹോട്ടലുകള്‍, റിസോര്‍ട്ടുകള്‍ എന്നിവയുടെ പങ്കാളിത്തമുണ്ടാകും. ആയുര്‍വേദ ടൂറിസം, ഫാം ടൂറിസം, ഹോം സ്റ്റേ എന്നിവരുടെ സ്റ്റാളുകള്‍, സെമിനാറുകള്‍ എന്നിവയും മേളയുടെ ഭാഗമായി ഒരുക്കിയിട്ടുണ്ട്.
വൈകിട്ട് അഞ്ചിന് സന്തോഷ് ജോര്‍ജ് കുളങ്ങര മുഖ്യാതിഥിയാകുന്ന പ്രത്യേക സെഷനുമുണ്ട്. പ്രമുഖ യു ട്യൂബര്‍ ഹാരീസ് അമീറലിയും പങ്കെടുക്കും. ടൂറിസം മേഖലയില്‍ പ്രവര്‍ത്തിക്കുന്നവര്‍ക്ക് രാവിലെ പത്ത് മുതല്‍ വൈകിട്ട് ഏഴ് മണി വരെ സൗജന്യമായി സ്റ്റാളുകള്‍ സന്ദര്‍ശിക്കാമെന്ന് കെടിടിസി പ്രസിഡന്റ് മനോജ് എം വിജയന്‍, സെക്രട്ടറി സ്നോജ് മച്ചിങ്ങല്‍, ട്രഷറര്‍ ഡെന്നി ജോസ് എന്നിവര്‍ പറഞ്ഞു. കൂടുതല്‍ വിവരങ്ങള്‍ക്ക്: 7902263702
