ജമ്മു കശ്മീരില്‍ ഹെലിക്കോപ്റ്റര്‍ കണക്റ്റിവിറ്റി വര്‍ധിപ്പിക്കുന്നു

ജമ്മു-മേന്ദര്‍- ജമ്മു റൂട്ടില്‍ സബ്‌സിഡിയുള്ള ഹെലിക്കോപ്റ്റര്‍ സേവനത്തിന് സര്‍ക്കാര്‍ അനുമതി. വിദൂര പ്രദേശമായ മേന്ദറിനെ ശീതകാല തലസ്ഥാനമായ ജമ്മുവുമായി നേരിട്ട് ബന്ധിപ്പിക്കുന്നതിന് ജമ്മു കശ്മീര്‍ സിവില്‍ ഏവിയേഷന്‍ വകുപ്പ് സെക്രട്ടറി മുഹമ്മദ് ഐജാസ് അസദ് സമര്‍പ്പിച്ച നിര്‍ദ്ദേശത്തെ തുടര്‍ന്നാണ് തീരുമാനമെന്ന് ഉദ്യോഗസ്ഥര്‍ പറഞ്ഞു. ടൂറിസത്തിനും ഭാവിയില്‍ ഇത് ഗുണകരമാകും.

കിഷ്ത്വാര്‍-സൗന്ദര്‍-നവപാച്ചി-ഇഷാന്‍-കിഷ്ത്വാര്‍, ജമ്മു-രജൗരി-പൂഞ്ച്-ജമ്മു, ജമ്മു-ദോഡ-കിഷ്ത്വാര്‍-ജമ്മു, ബന്ദിപോറ-കന്‍സല്‍വാന്‍-ബി ദാവാര്‍-നാറൈരി , കുപ്വാര-മച്ചില്‍-താങ്ധര്‍-കേരന്‍-കുപ്‌വാര തുടങ്ങി ജമ്മു കശ്മീരിന്റെ പല ഭാഗങ്ങളിലും സബ്‌സിഡിയുള്ള ഹെലികോപ്റ്റര്‍ സേവനങ്ങള്‍ ഇതിനകം പ്രവര്‍ത്തിക്കുന്നുണ്ട്.

ജമ്മു-പൂഞ്ച്-മേന്ദര്‍ എന്ന പുതിയ റൂട്ടില്‍ ജമ്മു-മേന്ദര്‍-ജമ്മു എന്ന അധിക ഓപ്ഷനോടെ സബ്സിഡിയുള്ള ഹെലികോപ്റ്റര്‍ സര്‍വീസ് നടത്താനുള്ള നിര്‍ദ്ദേശത്തിന് അനുമതി നല്‍കിയതായി ആഭ്യന്തര മന്ത്രാലയത്തില്‍ നിന്നുള്ള നിര്‍ദ്ദേശം പറയുന്നു.

അംഗീകൃത ബജറ്റ് വിഹിതത്തിനുള്ളില്‍ ആഭ്യന്തര മന്ത്രാലയത്തില്‍ നിന്ന് സബ്സിഡി ക്ലെയിം ചെയ്യാന്‍ കേന്ദ്ര ഭരണ പ്രദേശത്തിന് നിര്‍ദ്ദേശം നല്‍കിയിട്ടുണ്ടെന്നും അദ്ദേഹം പറഞ്ഞു.

അംഗീകൃത ബജറ്റ് വിഹിതത്തിനുള്ളില്‍ ആഭ്യന്തര മന്ത്രാലയത്തില്‍ നിന്ന് സബ്സിഡി ക്ലെയിം ചെയ്യാന്‍ കേന്ദ്ര ഭരണ പ്രദേശത്തിന് നിര്‍ദ്ദേശം നല്‍കിയിട്ടുണ്ടെന്നും അദ്ദേഹം പറഞ്ഞു. 'ഈ വികസനം യാത്രക്കാര്‍ക്ക്, പ്രത്യേകിച്ച് പൂഞ്ച്, മെന്ദാര്‍ തുടങ്ങിയ വിദൂര പ്രദേശങ്ങളില്‍ താമസിക്കുന്നവര്‍ക്ക് കാര്യമായി പ്രയോജനം ചെയ്യും. ആവശ്യമുള്ളപ്പോള്‍ രോഗികളെ അടിയന്തിരമായി ഒഴിപ്പിക്കാനും ഇത് സഹായിക്കും.

''മെച്ചപ്പെട്ട എയര്‍ കണക്റ്റിവിറ്റി ജമ്മു കശ്മീരിലെ താമസക്കാര്‍ക്ക് മെച്ചപ്പെട്ട അടിസ്ഥാന സൗകര്യങ്ങള്‍ക്കും മെച്ചപ്പെട്ട യാത്രാ സൗകര്യത്തിനും സംഭാവന ചെയ്യും,'' അദ്ദേഹം പ്രസ്താവനയില്‍ പറഞ്ഞു.

ഈ പുതിയ റൂട്ട് കൂട്ടിച്ചേര്‍ക്കുന്നത് കണക്റ്റിവിറ്റി ഗണ്യമായി വര്‍ദ്ധിപ്പിക്കുമെന്ന് സെക്രട്ടറി പറഞ്ഞു, പ്രത്യേകിച്ച് വെല്ലുവിളി നിറഞ്ഞ ശൈത്യകാലത്ത്.

'വെല്ലുവിളി നിറഞ്ഞ ഭൂപ്രദേശങ്ങളുള്ള മേന്ദര്‍ മേഖലയ്ക്ക് ഈ സേവനം പ്രത്യേകിച്ചും ഉപയോഗപ്രദമാണ്, അതുവഴി മെഡിക്കല്‍ എമര്‍ജന്‍സി ആക്‌സസ് മെച്ചപ്പെടുത്തുന്നു. ഭാവിയില്‍ അതിര്‍ത്തി ടൂറിസം വര്‍ദ്ധിപ്പിക്കാനും ഇതിന് സാധ്യതയുണ്ടെന്ന്' അദ്ദേഹം പറഞ്ഞു.