Login 
പഠിക്കാം & സമ്പാദിക്കാം 
Home
3 Jan 2024 12:57 PM GMT
Summary
- ഇതിനകം തന്നെ 350ല്‍ അധികം സ്റ്റാര്‍ട്ടപ്പുകളെ ഇന്‍കുബേഷന്‍ സെല്‍ പരിപ്പോഷിപ്പിച്ചിട്ടുണ്ട്
- നൂതന സംരംഭകത്വ പ്രോജക്ടുകള്‍ വളര്‍ത്തുന്നതിനുള്ള ഒരു കവചമാണ് ഇന്‍കുബേഷന്‍ സെല്‍
- ഒരു വിദേശ രാജ്യത്ത് ക്യാമ്പസ് ആരംഭിക്കുന്ന ആദ്യത്തെ ഐഐടിയാണിത്
മദ്രാസിലെ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ടെക്‌നോളജിയില്‍ (ഐഐടി) 2024ല്‍ വിവിധ മേഖലകളിലായി കുറഞ്ഞത് 100 സ്റ്റാര്‍ട്ടപ്പുകളെങ്കിലും ഇന്‍കുബേറ്റ് ചെയ്യാനാണ് ലക്ഷ്യമിടുന്നതെന്ന് ഡയറക്ടര്‍ വി കാമകോടി അറിയിച്ചു. ഐഐടി മദ്രാസിന്റെ ഇന്‍കുബേഷന്‍ സെല്‍, ഇന്ത്യയിലെ തന്നെ ഏറ്റവും മികച്ച ഡീപ് ടെക് സ്റ്റാര്‍ട്ടപ്പ് ഇക്കോസിസ്റ്റങ്ങളിലൊന്നായി അംഗീകരിച്ചിരുന്നു.
നിരവധി നൂതന സംരംഭകത്വ പ്രോജക്ടുകള്‍ വളര്‍ത്തുന്നതിനും സഹായിക്കുന്നതിനും മേല്‍നോട്ടം വഹിക്കുന്നതിനുമുള്ള ഒരു കവചമാണ് ഇന്‍കുബേഷന്‍ സെല്‍. ഇതിനകം തന്നെ 350ല്‍ അധികം സ്റ്റാര്‍ട്ടപ്പുകളെ ഇന്‍കുബേഷന്‍ സെല്‍ പരിപ്പോഷിപ്പിച്ചിട്ടുണ്ട്.
അതേസമയം വടക്കേ ഇന്ത്യയിൽ 10,425 കോടി രൂപ സമാഹരിക്കുകയും 8800ല്‍ അധികം തൊഴിലവസരങ്ങള്‍ സൃഷ്ടിക്കുകയും ചെയ്തു. ഇതിന് 100ല്‍ അധികം സ്റ്റാര്‍ട്ടപ്പുകളുണ്ട്. ഹൈപ്പര്‍ ലൂപ്പ് സ്റ്റാര്‍ട്ടപ്പ്, ഇപ്ലെയ്ന്‍, അഗ്നികുല്‍, കോസ്‌മോസ്, മൈന്‍ഡ്‌ഗ്രോവ് ടെക്‌നോളജീസ് തുടങ്ങിയവയെല്ലാം മദ്രാസ് ഐഐടിയുടെ ഇന്‍കുബേറ്റഡ് സ്റ്റാര്‍ട്ടപ്പുകളാണ്.
അതേസമയം എന്‍ഐആര്‍എഫിന്റെ 2023 ഇന്ത്യയുടെ റാങ്കിങ്ങില്‍ തുടര്‍ച്ചയായ അഞ്ചാം വര്‍ഷവും മൊത്തം വിഭാഗത്തില്‍ മദ്രാസ് ഐഐടി ഒന്നാം സ്ഥാനത്തെത്തി. 2023ല്‍ ഒരു വിദേശ രാജ്യത്ത് ക്യാമ്പസ് ആരംഭിക്കുന്ന ആദ്യത്തെ ഐഐടിയായി ഇത് മാറിയിട്ടുണ്ട്.
