രൂപയുടെ മൂല്യത്തിൽ ഇടിവ്; കരുത്തുകാട്ടി ഡോളർ

ഡോളറിനെതിരെ രൂപയ്ക്ക് ഇടിവ്. 11 പൈസയുടെ നഷ്ടത്തോടെ 85.72 എന്ന നിലയിലാണ് രൂപയുടെ വ്യാപാരം അവസാനിച്ചത്.

ഇന്ന് 85.59 എന്ന നിലയിലാണ് രൂപയുടെ വ്യാപാരം ആരംഭിച്ചത്. ഇന്നലെ യുഎസ് ഡോളറിനെതിരെ രൂപയുടെ മൂല്യം 37 പൈസ ഉയർന്ന് 85.61 ലാണ് ക്ലോസ് ചെയ്തത്.

അതേസമയം, ആറ് കറൻസികളുടെ ഒരു ബാസ്കറ്റിനെതിരെ ഗ്രീൻബാക്കിന്റെ ശക്തി അളക്കുന്ന ഡോളർ സൂചിക 0.02 ശതമാനം ഇടിഞ്ഞ് 104.24 ൽ വ്യാപാരം നടത്തി. ആഗോള എണ്ണ മാനദണ്ഡമായ ബ്രെന്റ് ക്രൂഡ്, ഫ്യൂച്ചേഴ്‌സ് വ്യാപാരത്തിൽ ബാരലിന് 0.68 ശതമാനം ഉയർന്ന് 73.50 ഡോളറിലെത്തി.

ഓഹരി വിപണിയിൽ സെൻസെക്‌സ് 32.81 പോയിന്റ് അഥവാ 0.04 ശതമാനം ഉയർന്ന് 78,017.19 ൽ ക്ലോസ് ചെയ്തു. നിഫ്റ്റി 10.30 പോയിന്റ് അഥവാ 0.04 ശതമാനം ഉയർന്ന് 23,668.65 പോയിന്റിൽ ക്ലോസ് ചെയ്തു.